حبايبي لاتنسون التصويت +التعليق بين الفقرات
"نـحو السعيـر"
الكاتبه: نـوࢪ ثائـࢪ
ــــــــــــــــــــــــــــــــــــــ
كل حديث معرض لسوء الفهم..
حتى الصمت قد يُساء فهمه!
ـــــــــــــــــــــــــــــــــــــــــــ
بقيت مصدومه من رد فعله ردت اتأكد اذا فعلاً يعرف العنوان او لا لأن اذا عرف العنوان يعني رحت بيها رديت
ـ زين وين بيتنه اذا انتَ دكول طلعت العنوان؟
قراها ومارد ضليت افتر بلغرفه وارجف ورطت نفسي بلعبله صعبه وفوك كل هذه محد يمي حته احجيله وينصحني فيدرا وهمام راحو البغداد وهذه اختفى مارد بعد بقيت اروح وارجع بلغرفه واكل بضافري لحد ماجاني اشعار رحت اركض للتليفون واشوف صور بيتنه والعنوان وراها رساله
ـ زهور انه هيج تلعبين وياي لعبه اول مراسلتي عرفتج انتِ وكلت خليها لنشوف ليوين توصل
ـ اي اني زهور يا نذل ياحيوان ردت اوهمك باشياء ماموجوده مثل ما انتَ وهمتني وأكيد لاعب على الف بنيه غيري مو بس اني عبالك انسه اوعُدك الكاذبه الي لو انتَ صدك رجال متسوي يلي سويته وتكون عند كلمتك وماتخليني اتأمل برجعتك يا جلب وثق بالله لو يصبوك ذهب بعد ماباوع الوجهك
دزيتها ورجعت كتبت
ـ جنت مفكرتك رجال بس طلع لجلب عنده رجوله اكثر منك
حجيتها وهوه يكتب...
خليت وحضرته حذفت الحساب قفلت التيلفون وحسيت لدم صعد الراسي مادري يلي سويته صح او غلط بس لمهم ارتاحيت بس مجنت مفكره بلـ نتيجه .....
فيدرا...
كعدت جوعانه وعصافير بطني تصيح همام رايح بسابع نومه حضنته وبوسته من وجهة بقيت ابوس بي لحد ماكعد
فتح اعيونه وعاگد حواجبه نوب رجع غمض
ـ حبيبي كافي نوم
مارد رجع غفه رجعت بوسته وعضيته من خده
ـ اشتعلو اهلج
ـ كوم حباب كافي نوم
ـ شتردين
ـ شبيك مشتاقتلك
ـ كولي بويه شنو تردين اعرف وراه هاي الواكه شي
ـ لا شبيك ماكو شي بس جوعانه
باوعلي ودار وجهة للجهة الثانيه كمت ومرغدت ضهره
ـ يابويه راح الوجع كله
ـ يله كووم
ـ ماكو شي بلبيت اكتبي يلي تحتاجي حته اروح اجيبه
ـ تمام
دورت لكيت دفتر وقلم بلكنتور طلعتهن وكتبت يلي نحتاجه رجعتله وهوه على نفس النومه
أنت تقرأ
نحو السعير
Misterio / Suspenso"سأصرخ في عزلتي، لا لكي أوقظ النائمين. ولكن لتوقظني صرختي من خيالي السجين!"
