حبايبي لا تنسون التصويت +التعليق بين الفقرات
بارت الـ 17
الكاتبه: وهم
ــــــــــــــــــــــــــــــــــــــ
أنت عالمي الآخر عُزلتي واختبائي من وجع الحياة.
ــــــــــــــــــــــــــــــــــــــ
فيدرا....
همام: ولج خسسسست ااارريد ااااسبح
فيدرا؛ اووي وشبيك تصيح هسه اجيب مي وامسح جسمك
همام: ولج ماعرف احس روحي خست
فيدرا: عيوني لا تصير موسوس حجيتها ورحت جبت مي دافي ومحارم خفيفه مسحت جسمه وفتحت الجرح عقمته وعقمت الجرح يلي براسه وهوه بس يباوعلي خلصت غيرت ملابسه رشيت عطر ومشطتت شعره
رفعت شعره بيدي
فيدرا: هسه صرت تخرر نضافه
همام: مارتاح اذا ماصلخ جسمي بلماي الحار
فيدرا: يله من اطيب تكدر تسبح
حجيتها وشلت الغراض وطلعت لشويه وسمعته يصيح رحتله بسرعه
لكيته مدري ويامن يحجي منفعل ويصيح شال التليفون شمره
باوعلي وخزرني بلعت ريكي وتقربت بهدوء
فيدرا: شصاير ليش هيج عصبت
همام: انتِ لا تدخلين
حجاها وضاغط على ايده غلست ورحت شلت التليفون سواه طحين حطيته على الكومدي
فيدرا؛ نطلع للحديقه
تنهد ورد
همام: ماطلع
فيدرا: شوي تغير جو
همام: كتلج مااطلع
حجاها بصياح تجاهلت وخذيت العكازات وحطيتها بيده
فيدرا: كوم هسه شويه يتغر مودك من تطلع
سند روحه وكام اتقربت حته اساعده وبعدني
همام: مايحتاج تسنديني اكدر اسند نفسي
تجالهات ولزمته من بطنه
فيدرا: ميخالف اخاف عليك توكع
همام: تره مو جاهل
فيدرا: غير حبيبي وخاف عليك
سكت ومشه بس كوه يمشي على رجله لأن مكسوره لتفتلي ويباوعلي صفح
فيدرا: ها شو معاجبك
همام: عشتو تسندني وهيه الصدري ماتوصل
فيدرا: تره خرمشيت مشاعري
مارد حسيته كلش ضايج ماعرف شنو يلي صار وصله الهاي المرحله بس حاولت اطلعه من الحاله يلي هوه بيها لأن اذا يبقه معصب البيت كله راح يكوم مايكعد
جبت حب ووشاح لأن الجو بارد فرشت على لارض وهوه كعد بصفي ومد رجله واني كعدت مقابيله وتربعت
أنت تقرأ
نحو السعير
Mystère / Thriller"سأصرخ في عزلتي، لا لكي أوقظ النائمين. ولكن لتوقظني صرختي من خيالي السجين!"
