حبايبي لاتنسون التصويت+لتعليق بين الفقرات
بارت الـ 24
"نحـو السعيـر"
الكاتبه: نور ثائر
ـــــــــــــــــــــــــــــــــــ
كل صفنة حزن تكسر ضلع بلروح
لـ سمير صبيح
ـــــــــــــــــــــــــــــــــــ
فيدرا....
رحت للمطبخ ادور على اكل حسيت حركه وراي صارت التفت واشوفه لازمه السجينه واجتي عليَ تركض صرخت وغمضت اعيوني...
سمعت صوتها وهيه تصرخ على همام
سيلا: عووووفني لك اااريد اشرررب من دمهاااا
مدري شلون بهاي الحضه اجه همام ونقذني منها صح الموضوع كله ثواني بس حسيت بهاي الثواني راح اخسر اعز شي بحياتي همه اطفالي تلمست بطني وماعرف هيج شعور غريب اول مره بحياتي احس بهيج شعور كعدت بلكاع من الخوفه كلبي حسيته صار بين رجليه
همام لازمها وهيه تصيح وتغلط بس تريد توصلني حسيتها مثل الفاقده ضربها راجدي وهيه على نفس الخبال جرحت همام من ايده بس تريد تلزمني
ـ مو كتلج مووو سهله رحتي سويتي وياها معروف شفتي شلون غدرت بيج مثل ما غدرت بيه
سحبها للغرفه ورجع ربط ايده بالجربايه وهي احس مثل البيها جن اعوذ بالله تصرفاتها ابد مو صاحيه اني واكفه بصاله وبس اباوع بعيوني
سيلا: انتَ تحبني ههههههه ماتحبها مو صح انتَ كلت ماحب وحده غيرج واحبج بس الج اي انتَ هذاك اليوم هيج كلت اذكرك بعد شنو كلت هاا؟
اني بس صافنه عليهم وهيه تحجي بدون توقف
سيلا: كتلي احبج متحب مرتي ماحس براحه يمها مثل ماحس براحه يمج وهم كتلي هيه دومها مريضه لو نايمه مو مثلج تتلكاني اي انتَ هيج كتلي
شكد ضجت من كلامها حسيت الدم صعد الراسي اندك الباب وهمام طلعني للغرفه الثانيه وسد الباب
ضليت كاعده بلغرفه واسمع اصواتهم عاليه ماعرف منو اجه وايمعها صوتها بس تصرخ وتكسير ضليت كاعده بلغرفه ساعه تقريباً وختفه الصوت انفتح لباب ودخل همام
ـ بيج شي شكلج ماعاجبني اخذج للدكتور
ـ كتلك مابيه شي لا تضل تلح ورجعني على البيت
عفته بصفنته وطلعت من الغرفه طلعت من الشقه وهوه طلع وراي رجعنه للبيت بس مو نفس الطريق مدري وين ماخذني
ـ هاي وين ماخذني؟
ـ هسه تعرفين
ـ اي انشوف يجوز بعد اكو زوجه ثالثه واني مادري
سكت مارد بس يدخن نوب اني مدري ليش هيج احجي ويا بعنتكه ودي بس اتعارك ويا بس يستاهل حته يعرف ويامن يلعب وصلنه على صيدله
أنت تقرأ
نحو السعير
Mistério / Suspense"سأصرخ في عزلتي، لا لكي أوقظ النائمين. ولكن لتوقظني صرختي من خيالي السجين!"
