حبايبي لاتنسون التصويت+لتعليق بين الفقرات
بارا الـ 14
"نحو السعير "
الكاتبه: وهم
ــــــــــــــــــــــــــــــــــــــ
وليسَ لنا في الحنين يَد..
وفي البُعد كان لنا ألف يَد!
سلامٌ عليك، افتقدتك جدًا..
وعليّ السلام فيما افتقد!
ــــــــــــــــــــــــــــــــــــــ
رحت للغرفه المقفوله دخلت الرمز بلباب ونصدمت من نفتح لباب زفرت نفس براحه دخلت وسديت الباب
شغلت الضوه فتحت عيوني بصدمه من شفت لوحه جبيره على الحايط رحت وكفت قريبه عليها جانت مرسومه بلرصاص بس يلي راسمها فنان لأن ولا غلطه
محد يدخل الغرفه بس همام يعني معقوله همام هوه راسمها
شفت لميز جان عليَ اهواي اوراق ولحاسبه اكو مجرات بلميز مسوي مكتب بس الغرفه زغيره مو كلش جبيره
فتحت اول مجر بي كامره ماعرف شلون اشغلها وبصفها افلاشات ثنين خذيتهن دخلت وحده بلحاسبه وشغلتها همزين اشتغلت بدون رمز
جسمي رجف من شفت صور واني طالعه من المدرسه واني طالعه من الجامعه صور اني وسمر واكفه لازمه الكهوه بيدي واضحك وصور واني بلبيت واني بلحديقه صافنه على القمر وصور واني نايمه!!!
رجعت اكمل لصور اني ومروان ولؤي ورائد من لبسنه كلنه اسود وطلعنه للجماعه مصورنه اكثر من مره وحاط علامه x بالون لاحمر على رائد
بعدها صور اني والدكتور مرتضى يلي تقدملي اكثر من مره وكذالك عليَ اشاره x
هاي الفلاشه عباره عن بس صور الي
لزمت راسي بحيره شلون صورني كل هاي الصوره شلووون كدر وليش مصورني ليش!!!.؟
شلعت الفلاشه وشغلت الفلاشه الثانيه وهنا جانت الصدمه فتحت لفيديو ايدي رجفت من شفت بابه بلفيديو
شغلت تشغيل اشتغل لفيديو
كريم: هلا بوليدي همام اعرف انتَ هسه مشغول بسنفورتي أكيد شلعت كلبك هاي لفصعونه اعرفها عنيده ويلي ابالها تسوي
بعدها ضل يسعل بقوه وكمل كلامه
لمهم مو هذه موضوعنه اعرف هاي اخر ايام من حياتي وسويت هذه الفيديو الك حبيت اشكرك انتَ واخوي وعضيدي علي سانتوني بكلشي نقذتوني ونقذتو بنتي ماعرف شلون اتشكركم بس صار الوقت يلي لازم اتركم واروح اهواي ثقلت عليكم وكلش مرتاح لأن بنتي صارت بأيادي أمينه بنتي صار اسمها بضهر جنسيت همام علي يعني ماخاف على بنيتي وهيه سندها وزوجها همام ماعرف شلون اتشكرك برغم انه بعيد عن بنتي بس جنت تجيبلي اخبارها بكل يوم وشنو يصير وياها تجي دكلي اشكركم واعرف كلمه شكر قليله كلش قليله بحقكم
بعدها مسح دموعه وكمل كلامه
صار لازم اروح جنت عايش علمود بنتي وهسه بنتي دكتوره وزوجه همام مينخاف عليها واعرف بنتي ذيبه انه اهواي ثقلت عليكم فوك ما مسفريني وكل مصاريفي من عدكم وهسه مرضي يلي حرتو بي ويلي يرادله ملاين يله اتعالج ما أكدر اضغط عليكم اكثر من هيج تبروني الذمه ودير بالك على بنتي شهك بلبجي وكمل
أنت تقرأ
نحو السعير
Misterio / Suspenso"سأصرخ في عزلتي، لا لكي أوقظ النائمين. ولكن لتوقظني صرختي من خيالي السجين!"
