حبابي بيكم وماتصوتون للقصه تصويتكم كلش مهم
بارت الـ 24
"نحـو السعيـر"
الكاتبه:نور ثائر
ـــــــــــــــــــــــــــــــــــ
دكـول غُسق
هلي كسران الضهر هذا منكم
هلي كل المصايب والتعب البيه بسببكم
هلي ولا چنكم هلي
ولا چن انه بتكم
هلي وحگ علي لو بيدي اكاومكم 💔
ـــــــــــــــــــــــــــــــــــ
بيوم جنت اقره بمحادثتنه ونفتح الباب ودخل سراج!!!؟
شمرت التليفون من الخوف هوه بسرعه لاحض خوفي كمت من الجربايه
ـ ءء سر سراج
ـ شبيج؟
ـ م مابيه
ماهتم الخوفي لأن كل ماشوفه هيج تكون رد فعلي
ـ تعاي انزلي ابوج يريدج
هزيت راسي وهوه واكف منتضرني انزل واني عين عليَ وعين على التليفون بس كلت خلي اتوكل على الله واروح
عفت التليفون ونزلت وهوه نزل وراي
لكيت بابه كاعد وامي من الجهة اليسرى وزوجته الثانيه من جهة اليمنى رحت وكعدت مقابيلهم
سراج كعد بصفي بس بعيد مو كلش قريب فركت ايدي من القلق والخوف حجه سراج
ـ هاي صحتها صار دورك
بابه باوعلي وكلبي حسيته اجه يوكف من الخوف كلت خلص عرفو بيه
ـ بابه انه رايد مصلحتج وأبن عمج أوله بيج وهم نعرفه احسن من المانعرفه وهسه تعقدون عقد سيد وبس يكمل بيته تروحون تعقدون محكمه
غمضت اعيوني وتذكرت كلام فرقد
"خليج قويه الله وياج بكل خطوه"
"لا تسكتين ودافعي عن حقج وطالبي بحقج بدون خوف وتردد"
زفرت نفس من اعماق روحي ورديت عليهم
ـ اني اعتبره ممثل اخوي امي ردت
ـ شنو مثل اخوج هوه ابن عمج
ـ ما ماريد هس هسه اتزوج رد ابوي
ـ هسه او بعدين انتِ راح تزوجين
ـ اي ماريد هسه خلي من يكمل كلشي نتوكل على الله
عفتهم وصعدت بدون ماسمع ردهم بس سمعت سراج يكول
ـ خاب هاي تمسلت هوه مو صوجج صوجي انه كتلهم يكبرون راسج ويحاجوج
ركضت الغرفتي قفلت الباب وخليت ايدي على كلبي زفرت براحه هاي اول مره اوكف كدام اهلي ومانفذ كلامهم حسيت نفسي صدك مسويه انجاز رحت للتليفون وكتبت كلشي الفرقد حذفت الحساب خاف يجي سراج لأن اعرف مراح يفوتها الي....
أنت تقرأ
نحو السعير
Misteri / Thriller"سأصرخ في عزلتي، لا لكي أوقظ النائمين. ولكن لتوقظني صرختي من خيالي السجين!"
