Assumption Trapped

Assumption Trapped: Chapter 11

“Assumption Trapped: Chapter 11”
“Exposing”

Hindi maiwasang hindi mapabuntong hininga ni Reign habang nakapila siya sa counter. Hindi dahil mahaba ang pila kundi dahil sa nangyari sakanya kani-kanina lang.

Umuwi siya ng Aligrea para iwasan yung mga taong sumusunod sakanya pero nakakasindak naman na pangyayari ang naabotan niya.

Hindi niya maisip kung sino ang may gawa niyon sa apartment niya. Sinubukan niyang makipag-usap sa landlady nung makita siya nito but turns out napagbintangan pa siya.

Walang CCTV sa area nila lalo na ang loob ng building kaya hindi niya alam kung sa anong paraan niya hahagilapin ang may gawa. Lalong humirap dahil sigurado siyang hindi makikipag usap ng maayos ang landlady.

Habang umuusad ang pila ay napatingin ang ilan sa tv dahil sa biglaang pag flash ng news report. Isang larawan ng bilanggo ang nasa tabi ng headline.

"Kamakailan lang isang ex-convict sa City Jail ang nabigyan ng special parole matapos ang anim na taong pagkakakulong dahil sa brutal na pagpatay nito sa magkapatid na Sevil. Nakalaya na ang kinilalang preso na si Reign Allison Cardova nitong nakaraan linggo, June 30 ng kasalukoyang taon."

"Hindi naman matanggap ng pamilya Sevil ang nasabing pagpapalaya kay Cardova."

Pagkatapos na magsalita ng reporter ay nag flash naman ang isang video clip kung saan naroon ang isang babae na may katabing abogado. Naglalabas ito ng statement.

"Hanggang ngayon hindi ko parin matanggap ang nangari sa mga anak ko. We're all still in the process of moving on. And after hearing the news about the parole of my daughters murderer, it's like we're back to zero. We can't afford seeing him free after what he did six years ago!" Saad nito habang umiiyak.

Napahinga naman ang abogado at ito na ang nagpatuloy sa pagsasalita.

"For the meantime, we will see what we can do! We can't do anything about his parole. But we're asking for the people to be extra careful. A criminal just freed! We're afraid that he might toke another lives!"

Nawala ang video at bumalik sa reporter.

"Sinusubokan naming makapanayam ang partido ni Cardova ngunit wala pa itong tugon. Manatiling nakatutok para sa mga susunod na balita. CMS News, reporting!"

Iba't-ibang reaction ang umibabaw pagkatapos ng news. Hindi maiwasan ng mga tao na magbigay ng komento. Ngunit karamihan niyon ay purong pambabatikos at negatibo.

Napatigil naman si Reign sa kanyang kinatatayoan. Hindi pa maproseso ng utak niya ang nangyare. They just exposed him to the public!

Umuusad na ang pila ngunit naroon parin siya sa kinatatayoan niya. Siya na ang susunod na magbabayad ngunit tulala parin si Reign dahilan para may makakilala sakanya.

Nakatingin ang iba sakanya at pinagbubulongan siya.

"Siya yan di'ba? Tingnan mo! Kamukhang-kamukha niya!"

"Siya yung nasa news!"

"Hala! Nandito yung murderer beh!"

Samo't saring bulongan ang nakapag pabalik sa katinuan ni Reign. He has to pull himself together. Napatingin siya sa paligid niya. Halos lahat ay nakatingin sakanya. He can see the disgust in their eyes.