حب في إسطنبول(ليبية_منقولة)

الحلقة 7

#حب_في_اسطنبول 7

للكاتب ibrahim qurji

في الليل 🌚🌚

منصور:يا حكمت يا حكمت
حكمت:واقف ع الفيراندا ... نعم شن تبي
منصور:في حد شاف بيان
حكمت:وين ... احكي وين
منصور:في المطار
حكمت:ءء المطار
منصور:اي
حكمت:تشوفها وين مشت و تحجزلي للمكان اللي مشتله
منصور:تمام ...
يوسف:شن سمعت حاجة جديدة يا حكمت
حكمت:عرفت مكانها خليني نجيبها و بعدين نتفاهموا
يوسف:شن بديرلها يا حكمت
حكمت:خليني نجيبها و بعدين ساهل
يوسف:اوعدني يا حكمت انك ما اديرلها شي ... اوعدني يا حكمت
حكمت:تنهد نوعدك ما نديرلها شي لاني نحبها و بعدين هيا مرتي لكن ما نوعدكش كان طلعت انت مهربها و لا عندك يد في هروبها
يوسف:بشن تبيني نحلفلك اني ما عنديش يد في هروب بيان و ما نعرفش حتى وين مشت
حكمت: 😑😑😑
يوسف:ارفعني معاك به
حكمت:طلع و خلاه
_____________________

بيان:اوووف تو وين بنمشي ... وقفت تاكسي .. و ركبت
الراجل:كلمها بالتركي ( بمعنى وين ماشيه)
بيان:ءءء نعم
الراجل:شكلك مش من هنا
بيان:اي اني من ليبيا
الراجل:حتى اني من ليبيا وين تبي تمشي
بيان:ما نعرفش لكن نبي نمشي لانقره
الراجل:لكن هذي اسطنبول يا بنتي
بيان:اي نعرف
الراجل:بعد تعرفي امالا علاش جايه لاسطنبول طالما تبي انقره
بيان:ما حصلتش طياره لانقره فنزلت في اسطنبول
الراجل:لاباس من عندك في انقره
بيان:عندي عمي ليه سنين عايش هنا و اليوم جايه نبي نشوفه
الراجل:تركيا كبيره يا بنتي من الصعب انك تلقي عمك هنا ... شن اسمه هو
بيان:نور الدين .....
الراجل:بدي يردد في الاسم ... غريبه كان عندي صاحبي قديم اسمه نور الدين لكن مش متأكد من لقبه
بيان:وين تعرفه انت
الراجل:كان يخدم معاي في شركة تصدير و استيراد من 15 سنه و بعدين صارت مشاكل بينه و بين المدير وفصله
بيان:باه وين مشي
الراجل:من يوم ما فصلوه من الشركة معادش نندري عليه و نقطعت اخباره ... لكن تو نزيد نسأل عليه عطيني انتي رقمك باش اول ما نسمع عليه شي نقووولك
بيان:اسفة يا عمي ما عنديش تلفون ... انت عطيني رقمك و اني نتصل بيك في وقت تاني
الراجل:به تمام ... وين بتمشي تو
بيان:ما نعرفش لكن حطني في فندق و بكرا نشوف شن ندير
الراجل:لا كيف بنت زيك تنزل في فندق ... تعالي معاي للحوش و بعدين ساهل
بيان:لا يا عمي تعبتك معاي هلبا و بعدين عندي صديقتي بنمشيلها غير تو حطني في الفندق بس
الراجل:ع راحتك
___________________

سحر:اوووف شن هالملل هذا كله ... و قاطعها صوت تلفونها ... ترن ترن ترن
سحر:الوووو
سيف:خير يا سحر كيف حالك
سحر:تمام الحمد لله ... خيره صوتك هكي في حاجة
سيف:لا ما في شي غير الوالدة تعبانه شوي
سحر:لاباس عليها
سيف:الله لا يوريك بأس
سحر:خيرها به
سيف:مريضة طلع عندها فشل كلوي ( بعده الله علينا)
سحر:ءء ربي يشفيها و كيف حالها تو
سيف:باهية الحمد لله ... اتصلت بيك لاني مستاحش نسمع صوتك
سحر:ءءء ... و سكتت
سيف:ها شكله صوتك هرب
سحر:لا نسمع فيك
سيف:تمام امالا توصي بشي
سحر:لا سلامتك ... لكن في اي مستشفي راقده امك
سيف:مستشفى .....
سحر:تمام
___________________