حب في إسطنبول(ليبية_منقولة)

الحلقة 8

#حب_في_اسطنبول 8 اضافية و قصيرة

للكاتب ibrahim qurji

باسل:نوضي يا اختي نوضي
بيان:لا حياة لمن تنادي
باسل:خذاها و اسعفها للمستشفى
_________________

هبة:لكن ما نبيكش تعصبي و لا تخبري اهلي
مرام:شن خوفتيني
هبة:اني حامل
مرام:😱😱😱 ... شن تقولي انتي عارفة روحك شن مدايره و لا
هبة:عارفه روحي غلطت وورطتكم معاي لكن ...
مرام:من بوووه ... من بوه المصيبة اللي في بطنك
هبة:ءءء مراد
مرام:مني ... مراد خو باسل
هبه:اي
مرام:انتي غبية و لا شن كيف تخلي واحد كيف مراد يضحك عليك و بزيادة تحملي منه
هبة:يحبني يا مرام يحبني
مرام:اي حب هذا يلعب عليك يا غبية و الدليل انه اليوم طالع هو ومرته متعشيين برا
هبه:لا كذب هوا قالي انه قاعد في الحوش
مرام:اني جيتي من عندهم تو و طالع هو و مودة قدامي
هبة:كيف الحل تو يا مرام
مرام:الحل واضح ... البيبي لازم ينزل
هبة:لا الا الحل هذا ما نقدرش نفرط بيه هذا سلاحي الوحيد باش نأخد مراد و انتي تأخدي باسل
مرام:ما تفكريش فيا اني فكري في روحك شن بتقولي لبوي و امي و اهل مراد
هبة:اني كلمة و قلتها البيبي مش حنفرط فيه
مرام:اووووف يا هبة اووف ... تو تمشي تتصلي بيه و قوليله بكرا نبي نحكي معاك في موضوووع و خبريه و الا اقسم بالله يا هبة الا ما نفضحك اني
هبة:هكي اديري في اختك
مرام:و ندير اكثر من هكي باش ما تخربيش عليا
_________________

منذر:هي سيلا كان بتتعشي
سيلا:ما خاطرنيش يا منذر
منذر:خيرك انتي اليوم مش ع بعضك
سيلا:نحس في روحي مريضة و هوووب اطيح
منذر:سيلا سيلا فيقي يا روحي ما تخلينيش ... قامها و حطها في السيارة و طلع بيها طووول ... و اتصل بباسل
باسل:مداير اسطوانة الرقم المطلوب لايمكن الوصول اليه الان يرجي ترك رسالة
منذر:اوف اوف يا باسل وقت اللي نبيك رقمك مقفل
__________________

حكمت:شن صار يا منصوور
منصور:اسف يا حكمت ما حصلتش تذكرة لاسطنبول في اضنه بس
حكمت:احجز لاي مكان المهم نمشي و نجيب بيان
منصور:تمام
حكمت:استنى يا منصوور ... و احجز ليوسف معاك
منصور:تمام
_________________

باسل:تعالوا تعالو ساعدوني البنت ضربتها سيارة
الدكتور:دخلوها ع غرفة الانعاش و ديرولها صورة اشعة بلك عندها نزيف و لا حاجة
الممرضة:تمام يا دكتور
باسل:بالله يا دكتور دير اللي تقدر عليه و ما تخليهاش
الدكتور:كون مطمن يا استاذ باسل و كل شي حيصير بخير انشاء الله
باسل:تنهد
منذر:تعال يا دكتور شوفها كان واقفة و بعدين اغمى عليها
الدكتور:دخلوها لغرفة المعاينة
باسل:منذر:خيرك شن في
منذر:و الله ما نعرف خيرها البنت هذي اغمى عليها فجأة ... و انت شن ادير هنا
باسل:ضربت بنت بالسيارة
منذر:ءء شن درت وين كان عقلك
باسل:قصة طويلة يا منذر تو نحكيهالك
منذر:تنهد ... انشاء الله خير
الدكتور:طلع حضرتك زوجها
منذر:ءء نعم
الدكتور:قتلك حضرتك زوج الانسة سيلا
منذر:شبح لباسل ... اي زوجها
الدكتور:الف مبروك المدام سيلا حامل في الاسبوع السادس و لازم تحافظ ع صحتها و ما تتوترش هلبا
منذر:نزل عليه الخبر كيف الصاعقة ... ءء الله يبارك فيك
باسل:شبح لمنذر ... ربي يكون في عونك وخيي
منذر:نقدر نشوفها يا دكتور
الدكتور:اي تقدر
منذر:خش لسيلا ... لاباس عليك خوفتيني عليك
سيلا:ما تخاف ع غالي انشاء الله
منذر:ما فيش من اغلى منك
خش الدكتور:مدام سيلا انتي لازم تحافظي ع صحتك و صحة الجنين
سيلا:ءء اي جنين
الدكتور:شكلك ما خبرتش المدام استاذ منذر
سيلا:يخبرني بشن
منذر:غمز للدكتور بمعني اطلع ... مسك ايد سيلا انتي حامل يا سيلا
سيلا:ءءء حامل ... و انهارت بالبكي .. ما نبيش يا منذر نكون ام في الوقت هذا
منذر:لا ما تقوليش هكي هذي نعمة من ربي و لازم تحافظي عليها
سيلا:ما نقدرش نحتفظ بولد حرام كيف بوووه
منذر:انتي تعرفي بووووه
سيلا:هزت برأسها بمعنى اي
منذر:من هووو
سيلا:انت تعرفه .... زيدان الحيوان اعتدى عليا
منذر:حط ايده ع وجهه ... و استغفر الله

باسل:شن يا دكتور في البنت اللي جبتها
الدكتور:تقدر تشوفها حالها باهي خوفنا من ان يكون عندها نزيف داخلي لكن الحمد لله ما فيها شي غير شوي رضوض
باسل:باهي الحمد لله
___________________

ثاني يووم

فاتت ليلة صعبة ع الاربعة حادث بيان و حمل سيلا المفاجأ و خوف باسل من ان بيان ترفع عليه قضية و تحمل مسؤولية منذر بولد سيلا
__________________

سحر:صباح الخير
كلهم:صباح النور
مريم:وين ماشية مزال بكري
سحر:نازلة للمحل و بعدين بنخطم ع المستشفى بنزور ام صاحبتي مريضة
مريم:انشاء الله لاباس عليها
سحر:انشاء الله
محمد:وين باسل امالا
مريم:ولدك من امبارح ما روحش اكيد مع منذر
محمد:اتصل بخوك يا مراد ترا
مراد:حاضر بووي
محمد:و الله الفرخ هذا كان ما تزوجش ما يجيش للطريق ... شن رد عليك
مراد:لا تلفونه مقفل
محمد:تنهد ... به انت برا للشركة و اني نلحق عليك بعدين
مراد:حاضر يا بوي
سحر:استنى يا مراد حطني في المحل
مراد:وين سيارتك انتي
سحر:غير حطني بس بنحكي معاك كلمتين
مراد:تنهد به
___________________

مرام:ها شن صار فيك
هبة:كلمته نتلاقو اني وياه ع البوسفور
مرام:تمام و احكيله كل شي و خلييه يتزوجك فاهمة و لا
هبة:به خلاص فهمت
مرام:ايوااا ... مش تغلطي
هبة:به خلاص
________________

باسل:صباح الخير
بيان:بصوت تاعب ... صباح النور .. وين اني و شن جابني هناي
باسل:انتي في المستشفى و صار معاك حادث
بيان:حادث شن ... اه يا رأسي
باسل:حادث سيارة امبارح مروح في الطريق و انتي طلعتي في وجههي و اني مستعد توا نتكفل بمصاريف المستشفى و كل شي
بيان:لالا ما نبي شي صحيت اني اللي كنت مش واعية ع رووحي و نمشي في الطريق و خلاص
باسل:شكلك ليبية انتي
بيان:ءء اي ليبية
باسل:اها نقوول اني اصلا الزين هذا عند بنت بلادي بس
بيان:ضحكت بعفوية ...
باسل:الله قداش ليا ما شوفتش ضحكة بنت بلادي الحلوة
بيان:شكلك عايش هنا طوول حياتك
باسل:اي وعيت هنا ... و انتي
بيان:اني قصتي طويلة اطول من البساط الاحمر
باسل:هههه شكلك عفوية
بيان:اي هلبا
باسل:بالمناسبة اني باسل
بيان:و اني بيان
باسل:و انشاء الله تصيري عرس
بيان:ههههههه
_________________

منذر:صباح الخير
سيلا:صباح النور
منذر:هاك تفضلي جبتلك شوية اكل باش تفطري و تأخدي ادويتك
سيلا:شكرا ... تعبتك معاي
منذر:لا تعب و لا شي تعبك راح
سيلا:بنسألك
منذر:تفضلي
سيلا:شن سبب الاهتمام الزايد هذا
منذر:ما فهمتش
سيلا:قصدي حسيتك مهتم بيا واجد من لما صارت قصتي
منذر:لاني نحبك
سيلا:ءء
_________________

مراد:نعم شن تبي مش قتلك ما تتصليش بيا لعند ما اني نكلمك
هبة:لان الموضوع ما يستاهلش التأجيل
مراد:شن هو الموضوع اللي جابتيني عليه من الصبح
هبة:اني حامل يا مراد
مراد: 😨😨😨 #يتبع