حب في إسطنبول(ليبية_منقولة)

الحلقة 11

#حب_في_اسطنبول 11

للكاتب ibrahim qurji

هبه:مرام نبي نقولك حاجة
مرام:طلعت رأسها من تحت البطانية ... ها شن مدايره مصيبه تانية
هبة:لكن ما تعصبيش مني
مرام:كان ما حكيتيش بنقتلك ره هيا احكي شن مدايره
هبة:اكتشفت اني مش حامل و انه حمل كذابي
مرام:😱😱😱 ءء انتي عارفه روحك شن تقوولي و لا
هبة:اي يا مرام ... و اني اسفة اني ورطك معاي في قصتي هذي
مرام:يا نهار احرش ... و كيف بنديروا تو بعد ما وافق مراد بقصة الزواج كيف بنديروا هي
هبة:و الله ما نعرف اني بروحي مش عارفه شن نقوول
مرام:تنهدت ... تو شن تبيني ندير فيك هي نقتلك و لا شن انتي عارفه كان مراد اكتشف موضووع الحمل شن يدير فينا و لا
هبة:و اني هذا اللي خايفه منها يا مرام ساعديني
مرام:حطت يدها ع فمها ... اخ يا رب
___________________

باسل:يا بووي بيان جت هنا باش ادور شغل
محمد:امممم شن تخصصك انتي
بيان:اني نزال ما كملتش قرايتي وقفني بووي من الشهادة الثانوية
مريم:به علاش وقفك
بيان:عليه دين مش شخص و ما قدرش يخلصه فزوجني لهذاك الشخص
مريم: يا ناري ع بنيتي مزال في ناس ما عندهمش قلب هكي
محمد:به وين امك و خوتك
بيان:اني بنت وحدة بس عند ماما و ماما توفت من لما كان عمري 7 سنين و بوي ما احترمش حتى الاربعين متاع ماما و بعد 3 ايام من وفاة ماما جاب مرا تانية
مريم:به ما عندكش خوال و لا عمام
بيان:خوالي مقاطعين ماما و عمامي مقاطعين بوووي فلهذا عندي عمي اللي هني بس و هو الطيب فيهم
مريم:و علاش مقاطعينهم
بيان:ما نعرفش لكن يقولوا ان كان في قصة ثأر ما ثأر من قبيلة ماما و بابا و هما كانوا يحبوا بعض لكن طلع كله حب كذابي كله ع شأن ورث ماما كانوا طامعيين فيه
محمد:و الله قصتك وجعتني يا بنتي ... المهم تو شن تعرفي تشتغلي انتي
بيان:اني كان حلمي اني نكون دكتورة اطفال لكن بوووي دمرلي حلمي هذا بالزواج
محمد:به شن تعرفي اديري
بيان:نعرف كل شي نغسل و نطيب و نحدد
محمد:خلاص امالا من بكرا تبدي اداومي في الشركة في السفرجة و انشاء الله حنديرلك راتب كويس
بيان:شكرا عمووو تعبتك معاي
محمد:و لو لا تعب لا شي
باسل:غمزلها .... معناه بكرا اول واحد بنطلب قهوة اني
بيان:😏😏
____________________

منتهى:من الناس هذووم يا بنتي
ندى:خلاص ريحينا منهم يا عمتي
منتهى:لا اني عمتك و من حقي نعرف شن صايرلك انتي ليك كم يوووم مش ع بعضك
ندى:خلاص يا عمتي ما تضعطيش عليا
منتهى:انتي امانه في رقبتي ليوم الدين فلهذا ما نقدرش نشوفك تنظري و اني ساكته ... احكيلي بنتي شن صايرلك
ندى:القصة طويله يا عمتي
منتهى:و اني نسمع فيك
ندى:بدت تحكي
__________________

حكمت:شن صار يا منصوور كل اللي قالاته البنت مزبووط
منصور:اي يا حكمت ... بيان هربت لتركيا باش ادور ع عمها
حكمت:من عمها نزبطووه احني
منصور:ما نعرفش لكن اسمه نور الدين ال ........
حكمت:لا اول مرة يمر عليا برا جيبيلي يوسف خليني نفهم منه القصة
منصور:تمام يا حمكت
حكمت:و هو يتمتم صار هكي يا يوسف بعتت بنتك لخووك باش ما تموتش لكن و الله يطلع عدنه ايد لما يكون اخر يووم في عمرك
_________________