حب في إسطنبول(ليبية_منقولة)

الحلقة 13

سامحوني لاني ما نزلتهاش امبارح لاني كنت نجهزلكم في مفاجأة من العيار الثقيل استنوني و قراءة ممتعة

#حب_في_اسطنبول 13 (ما قبل الاخيرة)

للكاتب ibrahim qurji

شخص:يا استاذ زيدان اهي جبتلك الامانة
زيدان:نحي من ع عيونها
بيان:بدت تبكي لالا ما تقربووش عليا حرام عليكم شن درتلكم باش تخطفووني
زيدان:يا غبي مش هذي البنت اللي نبيها متأكد انك لقيتها في الشقة
شخص:اي .. نفس الشقة اللي قتلي عليها
زيدان:اوووه الشقة باينها معبية حلوات
بيان:لا ما تقربش مني
زيدان:اسكتي و اسمعي الكلمة ... و كل شي حيكوون كيف ما نبي
بيان:هزت برأسها ... ءء تمام 😨😨
زيدان:شطورة ... و صورها و بعتها لمنذر
منذر:وصلاته رسالة ... هذي الحلوة اللي عندي جيب اللي عندك و خوود هذي
باسل:اوووف يا منذر شن درت انت
منذر:اهدى يا باسل تو كل شي حيكون بخير
باسل:اي خير هذا اي خير البنت ما تعرفش حد هنا اني قتلك من الاول لوح الهم من عليك لكن انت ما تسمعش يا منذر
منذر:اسسس اسس يا باسل البنت واقفة
سيلا:اسفة يا باسل ع كل شي درته
باسل:تنهد ... غير استني بس وين ماشية
سيلا:باش ترجع بيان زيدان يبيني اني
منذر:لا مش حنفط فيك حبيبتي و احني لازم نفكروا باش نرجعوا بيان بخير
سيلا:حضنت منذر و حست بشعوور الحب معاه ❤❤
______________________

مريم:اتصلي بخووك يا سحر شوفيه بيجي للغدي و لا شن
سحر:تمام يما ... و اتصلت
باسل:ها سحر شن تبي
سحر:بعصبية 😠😠 خيرك تدوي هكي انتي
باسل:اختصري يا سحر مش فاضيلك عندي اكثر من شغله
سحر:خيرك شن في
باسل:بيان مخطووفه و ما نعرفش ويين
سحر:شهقت 😱😱 ... ءء شن تقوول امتى انخطفت و من اللي خطفها
باسل:ما نعرفش غير صكري صكري
سحر:كلمني كان في شي جديد
باسل:انشاء الله تمام ... و صكر
مريم:شن في يا بنتي من اللي انخطف
سحر:بيان يا ماما انخطفت
مريم:حي يا ناري ... من خطفها
سحر:ما نعرفش يا ماما
مريم:وين باسل به
سحر:قاعد يدور فيها
مريم:مسكينة البنت هذي من اول ما وصلت و هي في المشاكل يستر الله ما تجيبلناش المشاكل
سحر:شن تقولي يما حتى انتي البنت كويسة
مريم:يقولك ياما تحت السواهي دواهي ... و اني ما عنديش خلووق باش كل مرة نحل و نعصب
سحر:هي يما هي للمطبخ
________________________

مراد:هي انزلي
هبة:بتمووت من الخووف 😨😨 ... هي
مراد:بخبث 😈😈 خيرك خايفة انتي و لا في شي بتخبريني بيه
هبة:ءءءاي في شي
مراد:😏😏 هي احكي نسمع
هبة:ءء اني مش حامل و طلع حمل كذابي
مراد:بهزوة ... كنت حاسس انك انتي و اختك كذابات و تبوا تلصقوا التهمة فيا
هبة:لكن طلعوا عليا اعراض الحمل و لما خبرت مرام قالتلي ما تقوليش لحد و مشي بكذبتك هذي و تو نخلوا بووك يقنعك
مراد:و علاش بووي بيقنعني في حاجة ماسكينها عليه
هبة:ءءء ... هو في سر
مراد:بعصبية 😠😠 تكلمي شن في سر شن
هبة:كان قتلك مرام تقتلني
مراد:كان ما قلتيش اني بنقتلك
هبة:و الدمعة في عينها 😢😢 ءءء السر يخص باسل
مراد:بعصبية 😠😠 خيره باسل تكلمي
هبة:باسل مش خووك و لا يعنيلك بأي حاجة بكل
مراد:😳😳 ءء كيف كيف تكلمي شن تقولي انتي
هبة:اي مراد مش خووك مرام سمعت امك تقول ان باسل مش ولدها و ما تبيش حد يسمع بيه الكلام هذا باش مرام هددت امك و بووك باش تتزوجني و هيا و باسل يتزوجوا
مراد:لا يا ربي لا مش معقوول اللي سمعته
هبة:مسكت ايده ... لاكن هذي الحقيقة يا مراد ... و اني نحبك و كل اللي درته كان عشانك
مراد:بدون ما يعبرها انزلي
هبة:نعم
مراد:انزلي قتلك اني و رد بالك حد يسمع باللي قلتيلي عليه و بكرا تحجزي انتي و اختك و تطلعوا برا البلاد او لا اقسم بالله نمسحكم نهائي
هبة:هزت برأسها بمعنى تمام
مراد:ولع سيارته و طلع و هو يفكر في كلام هبة هل اللي سمعة صح او لا
_______________________