حب في إسطنبول(ليبية_منقولة)

الحلقة 14 الأخيرة

#حب_في_اسطنبول 14 (الاخيرة)

للكاتب ibrahim qurji

مراد:هي تكلموا
محمد:يشبح لمريم 🤐🤐 بمعني ما تخبريش
مريم:تنهدت و بدت تحكي ... القصة و ما فيها بدت من 30 سنة بووك كان موظف عند صاحب الشركة كيفه كيف اي موظف يخدم و ماسك خدمته و كان مداير علاقة مع مرت المدير
محمد:بصوت عالي ... خلاص يا مريم
مريم:معادش في شي ينسكت عليه يا محمد و كملت كلامها ... المهم المدير بدي يشك في تصرفات بووك و مرته امشي طرده من الشغل
مراد:قصدك الشركة مش ليه
مريم:اي مش لبووك الشركة و بوووك خداها منه بالاتفاق مع مرته ... و لما عرف الراجل طلق مرته و لكن بعد فوات الاوان اكتشفت المراة انها حامل و ما قدرتش تخبر راجلها
مراد:به بعدين
مريم:هربت و جت عند بووك و قالتله انه حامل
مراد:قصتكم قصة و الله به كملي
مريم:ف بووك تزوجها لعند ما تولد و لما ولدت جابت ولد كيف القمر و بعدها ماتت
مراد:به من هو الراجل شن اسمه ووينه تو
مريم:اسمه نوور الدين ال ....
مراد و سحر :😱😱😱 ءء قصدك باسل هو نفسه ولد عم بيان اللي ادور فيه
مريم:اي يا مراد باسل ولد نوور الدين هو نفسه ولد عم بيان هذا باش نبي نزوجهم لبعض باش ما نخسرش ولدي و البنت
مراد:و الله انتم ماكم بشر كيف ادير شي كيف هذا يا بووي باه علاش ما تكلمتش بعد ما سألاتك بيان ع عمها و ما قلتلهاش ره توفي
مريم:ما حبيناش نفقدولها الامل
مراد:اهي تو نخطفت كيف بترجعوها و تقنعوها بأن عمها ميت باش توقف بحث عليه و باسل لازم يعرف شن درتوا
مريم:لا يا مراد لا ما نقدرش نخسر باسل بعد ما لقيته قوول شي يا محمد قوول
محمد:حاط رأسه لوطا و مش قادر يتكلم
________________________

سيلا خدت تلفونها و اتصلت ب منذر

سيلا:الوووو منذر 😭😭 تعال الحقني باسل انضرب و ما نعرفش كان حي و لا مات
منذر:ءء وين انتم وين
سيلا:ما نعرفش في هنقر كبير و خلاص ... تعال خودني خايفة
منذر:به هي جااايك
باسل:تحسابيني متت
سيلا:ءء ... و تعنقاته خفت عليك يا باسل يصيرلك شي و يبدأ في رقبتي ... فيك حاجة باسل
باسل:لالا جرح بسيط و بعدين ما نجيش لمكان من غير الدرع ... وين بيان
سيلا:ما نعرفش خداها حكمت و هرب هو وياها ... سامحني يا باسل اني حطيتك في الموقف هذا ... تعرف كان صارلك حاجة ما كنتش حنسامح رووحي
باسل:تأكدت تو علاش منذر ما يبيش يخليك في حالك ... تزوجيه يا سيلا ره يحبك
سيلا:حتى اني نحبه ❤❤ و موافقه اني نتزوجه
باسل:تعالي ساعديني باش نوقف ع رجليا ... و اتصلي بمنذر خليه يجي
سيلا:اتصلت بيه لكن ما عرفتش كيف نوصفله المكان
باسل:رني عليه
_____________________

الدكتور:انتم اهل هبة
جمال:اي اني بوووها 💔💔
الدكتور:نقدر نتكلم معاكم شوي
جمال:بنتي فيها حاجة يا دكتوور
الدكتور:طبعا اني عندي بنت في عمر بنتكم و نخاف عليها كيف ما تخافوا ع بنتكم لكن بحكم شغلي ما نقدرش ندس عليكم شي زي هذا ... بنتكم متزوجة
صبرية:لا خيرها
الدكتور:بنتكم صايرتلها مشكلة و انتم لازم تحلوها
جمال:مشكلة شن
الدكتور:بنتكم مش بنت ره و كانت مدايرة علاقة بالحرام هذا الشي اللي خلاني نحكي معاكم بصفتكم اهلها
صبرية:حي ع بنتي من ضاحك عليها 😭😭
جمال:كان مهتمة ببنتك ره عرفتي شن قصتها ... به شن امتى نقدروا نشوفوها يا دكتور
الدكتور:الوقت الحالي لا لان حالتها خطيرة و العملية كانت صعبة ... لكن ما نوعدكمش انها حيصيرلها مضاعفات من تحت العملية
صبرية:مضاعفات كيف شن
الدكتور:الضربه جتها ع رأسها يعني احتمال كبير انها تفقد الذاكرة و معادش تتذكر شي و بحكم ان الفقرات مكسرة فما ندسش عليكم ره بتبدا معاقه
صبرية:ع طووول رقبتها لا بنتي لااااا 😭😭😭😭
مرام:ساكتة و تبكي ع الصامت 😢😢
جمال:لا اله الا الله
________________________