حب في إسطنبول(ليبية_منقولة)

الحلقة 5

#حب_في_اسطنبول 5

للكاتب ibrahim qurji

بيان:اووف وين مشي هذا ... وبدت ماشية جاية في الدار و سمعت صوت حكمت من الدار اللي جنبها ... و شافت حكمت يهدرز هو وواحد تاني
حكمت:وين فلوسي يا كلب يا خناب
عصام:و الله يا استاذ حكمت عطيني شوي وقت بي نبيع قطعة الارض اللي ع الساحلي و نجيبلك الفلووس
حكمت:كل مرة نفس الكذبة و ما اديرش في شي و عطاه بوكس لعند ما نزل دم من خشمه ... منصور تأخده و تقتله في الكوخ اللي في الجبل
بيان:😨😨😨 حي عليا اللي سمعته صح و لا اني نتوهم
ندى:ها بيان هيا الناس بدوا يروحوا ره
بيان:ءءء ما نقدرش نتزوج حكمت يا ندي
ندى:ششن تقولي انتي كيف ما تقدريش تتزوجي حكمت و تلغي العرس بكل سهوله
بيان:افهميني يا ندى ما نقدرش
ندى:باه شن صار و شن بنقول للناس اللي برا يستنوا فيك
بيان:حكمت طلع واحد قاتل
ندى:ءءء شن تقولي انتي من قالك
بيان:سمعته يحكي مع واحد اسمه عصام و يبي منه فلووس و ضربه بوكس ع خشمه و نزل دم و بعدين قال لواحد من جماعته ارفعه للكوخ اللي في الجبل و اقتله غادي
ندى:و الصدمة ع وجهها 😨😨 ... و باه شن بديري تو
بيان:بنهرب يا ندى مش التذكرة قاعدة عندك و لا
ندى:اي قاعدة لكن بتسافري تو في هالليل
بيان:شن بندير امالا
ندى:اسمعي تو تطلعي من باب الخدم و تنزلي من الدروج و تطلعي ع الباب الخلفي و تمشي للعنوان هذا و تسكري تلفونك و بعدين ساهل
بيان:شن ساهل نقولك حكمت قاتل و اكيد حيلقاني
ندى:انتي غير بدلي حوايجك و امشي و بعدين نكلمك شن اديري
بيان:اي تبديل يا ندى معادش في وقت تو اكيد حكمت جاي يأخدني
ندى:انتي ديري اللي قتلك عليه و اني ننزل نشوف الجو لوطا
بيان:تمام
___________________

سحر:مش كأنك يا بابا ضغطت ع باسل هلبا
محمد:لا ضغطت عليه و لا شي اصلا لازم ندير هكي كان هذا ما يجيش للطريق
سحر:لكن مهما يكون يا بابا
محمد:خلاص يا سحر
سحر:صحتين و ناضت
مودة:استني يا سحر و ناضت
مراد:و الله احسن ما درت يا بوي كان هذا ما يصيرش منه
محمد:خلاص يا مراد سكر ع الموضووع
__________________

باسل:واقف ع البحر ... و جبد دخانه ... تعرف يا منذر و الله معادش عرفت شن ندير يا نتزوج مرام و نرجع للشركة يا اما بنرجع لالمانيا
منذر:و انت شن قرارك
باسل:و الله مزال ما قررتش تو
منذر:يا باسل تبي الحق و لا انت مقصر هلبا في حق الشركة و مرام و مرتك اللي ليها 8 شهور في غيبوبة و لا بنتك اللي ما تعرفش وينها من بعد ما خدتها خالتها
باسل:اوووف و خلاص و الله هموم الحق
منذر:تو خلي هموم مرام و الشركة ع جنب و خليك مع مرتك و اوقف معاها خليها تحس بيك انك جنبها حتى لو مش واعية
باسل:خليك من همومي تو انت شن صار معاك في موضووع البنت
منذر:مزال ما عرفتش شن قصتها قاعدة ساكته و خلاص لكن شكلها بنت طيبة
باسل:شبح لمنذر ... طيبة قتلي و لا اسمع يا منذر انت خووي ننصحك انك ترد البنت من وين ما لقيتها و ريح رأسك
منذر:ما نقدرش يا باسل
باسل:قرن حاجبه ... ما فهمتش
منذر:تعلقت بيها هلبا معادش نقدر نسيبها كل ما نكون جنبها نحس في قلبي يدق
باسل:و اللي فهمته انك حبيتها يا منذر و لا
منذر:ما نعرفش اذ كان حب و لا شي اخر
باسل:لا حبيتها و متت فيها من نضرتك ليها حسيت بالشي هذا من لما كنت معاك
منذر:تنهد ... هيا نمشوا
باسل:وين بتهرب ... اعترف حق اللي قلته و لا
منذر:غير هيا بس
باسل:وين بتمشي به
منذر:نسهروا في البار
باسل:انت عارفني مش متاع الشي هذا
منذر:نشربوا كأس بس
باسل:كأس يا منذر بس
منذر:و الله كأس بس ... هي
___________________