نسل البارون (الجزء التالت من أحفاد البارون)

الحلقة الاولى حلقات خاصة

ومعادنا مع أول حلقة من #نسل_البارون يارب الاقي تفاعل عشان اكمل

#نسل_البارون
#أحفاد_البارون_ج٣
#بقلم_إيمان_جمال
#لؤلؤة_الكتابة

#معلومة قبل مانبدأ عن شخصياتنا بقا
فهد إبن ليث عنده ست سنين دلوقتي، وبيان أخته سنة وشهر
قصي ابن اكمل عنده ست سنين باردوا ونوح عنده اربع سنين
كارمن وكريم ولاد مهاب ورنا عندهم ست سنين
كيان بنت أيهم عندها ست سنين وتالا عندها اربع سنين
خديجة بنت باسم واسيل عندها ست سنين وسفيان خمس سنين
ماجد وامجد ولاد سيد عمرهم ست سنين
مكة بنت معاذ سنها ست سنين
سليم ابن مروان عمره ست سنين، وملك ومليكة عندهم سنة وشهر
مراد ابن سمير عمره ست سنين
فيروز بنت امير عندها سبع سنين، ومالك كان اكبر بتلات سنين فتقريبا ماشي في العشر سنين

كل الولاد والبنات اللي سنهم ست سنين في الصف الأول الابتدائي، اما فيروز فهي في الصف الثاني الابتدائي، ومالك داخل الصف السادس هما دلوقتي في نهاية الترم التاني
بالنسبة لنوح وتالا فهما لسة حضانة وسفيان كمان عشان عمره خمس سنين

#حلقات_خاصة
في بداية يوم جميل هنبتدي لحظاتنا الجميلة في جناح الفهد وليل
ليل بعد السنين دي كلها لسة باردوا احساسها بإنها ملكت الدنيا ومافيها بحب فهد ليها، اتعودت انها تصحى قبله عشان تتأمل ملامحه وكأنها لسة مش مصدقة انه معاها
فهد اتقلب وفتح عنيه شافها قاعدة، ابتسم: مش هتبطلي العادة دي؟
ليل ردت عليه بكل حب: عايزني أنسى روحي طب ازاي؟
فهد قرب من خدها وطبع عليه بوسة رقيقة: بعشقك ياليلتي
ليل ابتسمت: بحبك ياعمري
فهد غمزلها: بقولك ايه
ليل ضحكت بصوتها كله وقامت من جمبه: انا بقول تلحق تاخد حمامك عشان أدهم شوية وهتلاقيه بيخبط وانت عارفه بقا
فهد قام من السرير وقرب منها وشدها عليه: بتهربي مني ليه؟
ليل ابتسمت وبصتله: عمري ما أقدر اهرب منك، بس اكبر بقا دا انت بقيت جد
فهد ضحك بصوت عالي: فشر انا لسة شباب
ليل ضحكت: طب يلا ياعم الشباب عشان شوية وهتلاقي الاشقية تحت
فهد: انا والله مش عارف ايه لازمتها اروح الشركة، الواحد خلاص كبر بقا
ليل بصتله برفع حاجب: سبحان الله هو انت مش لسة قايل انك لسة شباب
فهد بصلها بغضب: هو الواحد مايعرفش يفضفض معاكي بكلمتين، يلا ياماما روحي شوفي احفادك انا داخل اخد دش
فهد دخل الحمام وليل واقفة تضحك عليه وجهزتله هدومه

في جناح الادهم وآيه
ادهم مش بيحب يتأخر في النوم ذي عادته ودخل ياخد دش ولبس هدومه الداخلية في الحمام وخرج بينشف شعره بالفوطة وبيبص على السرير يشوف حب عمره نايمة في آمان وكأنها ملاك نايم مهما العمر يعدي عليها هي لسة ذي صغيرة وحلوة في عينه ذي ما كانت، قرب من السرير بهدوء وبدأ يصحيها
ادهم قرب من وشها وطبع بوسة على خدها وهي ابتسمت وفتحت عنيها
آيه: انا مش بصحى قبلك عشان البوسة الحلوة دي
ادهم ابتسم بحب: عارف وعشان كدا باقت دي عادتي كل يوم
آيه قربت منه وخطفت بوسة من شفايفه: بحبك يادوما
ادهم ضحك بصوته كله: بزمتك انا بقيت جد دا ينفع يتقالي دوما
آيه: طبعاً انا جوزي لسة شباب
ادهم قرب منها وغمزلها: طب ماتيجي نشوف حكاية الشباب دي
آيه ضحكت: يلا يابابا عالشركة وفهد هتلاقيه جايلك
ادهم: لا فهد مين دا تلاقيه لسة نايم
ادهم لسة بيكمل كلامه سمع خبط عالباب: مين؟
فهد من ورا الباب: يلا يا اخويا نموسيتك كحلي ولا ايه
آيه ضحكت وبصتله: تلاقيه نايم صح؟
ادهم بصلها بغضب ورد على فهد بصوت عالي: حاضر هحصلك
فهد نزل وادهم بيلبس هدومه عشان يحصله