وحشتوني جدا والله ❤️ اول حاجة حمستني ارجع اكتب هي انتو ❤️
طبعا انتو عارفين اني مش هكتب حاجة غير لما احشر نفسي، وانا حقيقي جه فى دماغي مليون فكرة و من كتر فقدان الشغف راحوا، فانا قررت أعلن عن الرواية دى علشان ادبس نفسي و اكتبها وحقيقي هي متكتبش منها غير المشهد دا اصلا والباقي فى دماغي بس مش حوار.
يلا نتعرف على أطفالي الجداد ❤️
_____
دفع مروان الباب بعنف وهو يزمجر بغضب"وجدك مفقود وجدك مخطوف و مسحول معاكم من الصبح"
قاطعه احمد يهتف بضيق"وسع ياعم الماتش زمانه خلص"
بينما دلف عمر إلى المطبخ يتجرع المياه وزين يعبس بهاتفه دون اكتراث.
تساءل احمد بحيرة عندما رأي شيري و يارا يجلسان بوجوه شاحب "فيه ايه ؟!"
بللت شيري شفتيها وهى تردف"عرفت اللى حصل؟!"
"ايه دا انتو لحقتوا تعرفوا ؟!" تساءل مروان
اومئت يارا بهدوء وهى تردف"انا مش عارفه دا حصل ازاي اصلا !!"
قفز زين على الأريكة وهو يردف"هيكون ازاى يعني ما جدك طول عمره معروف عنه أنه مبيهداش"
نظرت له يارا بغضب من وقاحته، ليكمل هو دون الاكتراث لها"اظن خلاص بما اننا اطمنا على جده أنه فى المالديف نمشي احنا بقى"
"جدو فى المالديف؟!!!!" كررت يارا الجملة بعدم فهم
"اومال احنا بنقول ايه من الصبح، جدك اتخنق و خد صحابه و طلعو كام شهر المالديف" فسر مروان بسخرية
"ثانية واحد لما انتو متعرفوش، اومال كنتو بتتكلموا على ايه ؟!" تساءل احمد بعدما رأي نتيجة الماتش النهائية
وهنا فرت شيري هاربة وهى تردف"اسيبكوا انا دلوقتي واجي وقت تاني"
تتبعها الجميع بدهشة من تصرفها لينظر الجميع إلى يارا وما تقبض عليه بيديها من أوراق
"ايه دا، تحاليل ديدي طلعت؟!" تساءل مروان بهدوء
هزت راسها بالايجاب وهي تشعر بالتحاليل تُنزع من يديها ويليها تساءل الجميع عن حالة ديدي الصحة.
تطلع زين بجهل الى الاوراق وهو يردف"طبعا محدش فاهم حاجة، ما تقولي فيه ايه؟! ديدي مالها؟!"
"ديدي ح.." نبست بخفوت لم يستمع إليه أحد ليطلبوا تكرار الجملة بصوت مرتفع نسبياً مما جعلها تهتف بصوت مرتفع تزامناً مع حضور عمر من المطبخ يرتوي بالمياه "احمد امك حامل"
سقطت الزجاجة من يد عمر وبقيت يداه معلقة فى الهواء مع بعض الأفواه المفتوحة وكأنهم مازالوا لم يدركوا الأمر أن جدتهم حامل.
____
حسيت اني بحب جوا الناس اللي مش طايقه بعض و بعد كدا تتجمع، وفى نفس الوقت حسيت ان حوار الورث دا اتهرس كتير ف قولت نجدد ونجمعهم علشان نحضر سبوع جدتهم
جاهزين لرحلة جديدة مع احفاد ميعرفوش بعض وهيتجمعوا علشان حمل جدتهم !
ايه رايكم فى الفكرة العامة حلوه ولا نفكس و ندور من الاول وجديد
