"ديدي حامل ازاي؟! هو دا مش ضد الطبيعة؟!" تساءل مروان بحيرة وقد كان تفكيرا بصوت مرتفع أكثر من كونه تساءلً
"ما تجيب الدكتورة بتاعتك دي ياعم وشوفوا عملت التحليل لمين، لتكون سحبت عينة الدم منك يا احمد" أردف عمر بغضب شديد
ضحك وهو يردف "انت اهبل يالا لو خدت عينة الدم مني هطلع حامل ازاي يعني؟!"
ليهتف الآخر بغضب أكثر"يعني هو مستحيل تطلع انت حامل، والعادي أن تيتا تبقى حامل؟!"
أردف مروان بسخرية"انا مش فاهم هى حامل ازاى اصلا، دا ضد الطبيعة"
"ياجماعة تعالو نعيد التحاليل اكيد فى حاجة غلط؟!" هكذا أردفت يارا بعد فترة من الوقت
"هو انا خليت الدكتور اللى أخذ العينة يفحصها كويس قبل ما يقولي النتيجة وللأسف الشديد دى الحقيقة طنط ديدي حامل" أردفت شيري بعدما أرسل إليها احمد أن تات مرة أخرى وتشرح لهم الوضع جيد.
"طب اية نظام الاجهاض؟! أنتِ مش دكتورة نساء؟!" أردف زين بتفكير
لتشمئز ملامح شيري بشدة لتنهض وهى تهتف بنفور"ايه دا؟! لا طبعا انا مش ممكن اعمل جريمة زي دي"
"اقعدِ بس يا د/شيري هو ميقصدش ولا احنا هنعمل كدا فى ديدي اصلا" أردف احمد ثم وجه حديثه إلى زين ليردف بصرامة"اية التخلف اللى بتقوله دا انت التاني، وبعدين ديدي كبيرة فى السن وممكن عملية زي دي متقومش منها"
"وكمان حرام شرعاً، صدقني لولا أنه حرام كنت فكرت فيه بس لا مش علشان نتخلص من مصيبة نقع فى ذنب زي دا" أردف عمر بهدوء
"طيب فهمينا يادكتورة دا ممكن يسبب خطر على حالة ديدي الصحية؟!" تساءلت يارا بهدوء
"هو اكيد الحمل فى السن دا خطر خصوصاً أن ديدي كاسرة ال٥٠ سنة، بس ماشاء الله صحتها كويسة هنعمل لها تحاليل تاني علشان نطمن اكتر، وخلال فترة الحمل هتكون محتاجه رعاية كاملة"
"احسن دكاترة ممرضين عندها إقامة شاملة" أردف احمد باهتمام
"الموضوع مش محتاج ممرضين، يكفى انتو تكونو معاها خصوصا أن الحمل بيعمل تقلبات مزاجية كتير وفترات اكتئاب جامدة كل دا مش هيستحمله غير حد بيحب ديدي بجد وهيعملها كويس"
صمتت برهة ثم استرسلت"وكمان لو مناسب ليكوا انا احب ان أتابع حالة ديدي بنفسي"
"اكيد طبعا هو احنا هنكشف الفضيحة دى على حد تاني كفاية اوى كدا"أردف عمر بسخرية
نظرت له بطرف عينه بضيق ثم أكملت"ما اظنش أن حمل طنط ديدي فضيحة يعني"
"مش فضيحة ازاى دا احنا هنبقى سخرية العيلة لما الكل يعرف" أردف مروان بجدية
"انا حقيقى مش عارفه ازاى دا حصل؟!" تساءلت يارا بحيرة شديدة
"حصل ازاى؟! " سخر عمر ثم أكمل"علشان مقعدين معاهم عيل صغير، قولتلك ميت مرة نام فى الاوضة معاهم عجبك كدا"
