بكرر اعتذاري للمرة اللي لا أذكر عددها، اللي كان متابع Fantastic five معايا كان عارف اني بنزل بارت كل أسبوع وحقيقي لو منزلتش فدا كان بيكون بسبب قوي.
واللي عندي علي الفيس عارف ان معظم بوستاتي بصيح فيها أن معنديش وقت لأى حياة برة الشغل حقيقي شغلي واخد كل وقتي بقعد يوميا برة البيت ١٣ ساعة برجع اكل اصلي وانام علشان اعيد نفس الحوار تاني، دي مش اعذار انا عارفة بس حقيقي انا وقت ما بيكون عندي وقت فاضي بكتب لكن زي ما انتو شايفين كدا.
كنت بتكلم مع تسنيم من فترة وقالتلي في وسط الكلام أن عدى سنة وانا نزلت حوالي ١٣ او ١٤ بارت بس وحقيقي دي حاجة ضيقتني جداا لاني مش من النوع اللي بيحب يتأخر على حاجه، وعارفة أن دي حركة مستفزة بتعصب القراء بس بيكون غصب عني حقيقي.
علشان كدا خدت قرار قد يبدو للبعض اسوء قرار بس انا شايفة دا المناسب فى حقي و حقكم
هنزل بارت دلوقتي ودا هيكون الاخير ولكن مش هيكون النهاية الرواية طبعا لا؛ هوقف بعده فترة لا اعلمها والله بس خلال الفترة دى هكتب الرواية كاملة وارجع انزلها كل اسبوع أو انزلها كل يوم أو كاملة على بعض زي ما تحبوا.
خلال الفترة دي اكون عرفت اكمل تخطيط للرواية زي ما انا كنت راسمة، لكن حقيقي حاليا انا ظالمة جدة والف حكاية بطريقة بشعة، ظالمة الشخصيات و الافكار، معايا حكايات مش قادرة افكر لها و اوظفها صح، بعض القرارات متعلقة بشخصية انا كنت مخططة أن نهايتها هتكون سيئة فعلا وبمهد لدا خلال الفترة اللى فاتت بس حاسه اني محتاجه اعيد قراري دا وهكذا.
ولكن علشان دا مش قراري لوحدي قولولي سواء هنا أو نعمل vote على الجروب وتختارو
نكمل زي ما احنا وانتو متقبلين دا ؟
ولا نوقف بعد البارت دا و ناخد راحة لحد ما اكتبها كاملة ؟
عرفوني ياريت
وفى جميع الحالات شكرا لكل بنوته استحملتني و بعتت لي رسالة لطيفة حسستني انها مقدرة وقفي او سألت عليا عموما وعلى الرواية ❤️
دمتم الجانب الجميل الهادى اللي بهرب ليه من صخب الشغل ❤️
