أستَثنيكَ دائمًا ..
أضعُ كُلّ الأشياء التي أعرِفها
في كفّة، بعيدًا عن قلبي
وأضعُكَ وحدَك في كفّة وسَط قلبي . ❤️
غــيد : اووف يربي شوكت راح اخلص من هل سالفة تعبت واني من المدرسة للمعهد ومن المعهد للمدرسة انعل ابو الجامعه لابو السادس لابو المستقبل شنو هل ذل رفعت راسي وأشوف ماما واكف بالباب تضحك
بسمة ( ام غيد) : ياماما ياحبيبتي ميصير تحجين هيج حرام ميصير تتذمرين أو تتأففين كلها مسألة وقت ويخلص السادس وتنجحين يروحي وادخلين جامعه وصيرين دكتوره مثل ماابوج يريدج كومي اخذيلج شاور حته يتنشط جسمج واني راح اجهز النه الريوك
غيد : اوك ماما راح اكوم . كَمت اخذت شاور ولبست صدرية لون اسود وقميص ابيض وحذاء رياضية لونها ابيض وجنطتني الزهرية وسويت شعري ضفيره ع جهه ونزلت يم ماما
بسمة : غيد ماما اليوم راح يجون بيت خالتج نهى واحتمال يباتون يمنه كم يوم
غيــد : صدوك ماما اييييييييي وأخيراً راح اتونس كم يوم وي نور وغفران ماما حبابة خلي نطلع للمول اني والبنات اذا يجون حبابة حبابة
بسمة : إن شاء الله ماما من يجون اخليكم تروحون
غيــد بصرااخ : احلى ماما بالدنيا .. يلا ماما اني راح اروح ها ماما صدوك ترا المعهد يردون القسط مال هل شهر
بسمة : ماشي ماما من عيوني من ترجعين انطيهم الج
غيــد : بست ماما وطلعت للمدرسة مدرستي كولش قريبة على بيتنه اتمشى الها مسافة 5 دقائق واوصل دخلت لكَيت صديقاتي شهد ورزان سلمت عليهم ودخلنه للصف اخذت دروسي وكملت سلمت على صديقاتي وطلعت اتمشى للبيت ميته تعب بس اريد اوصل واصلي وانام
آيار: مساء الخير ام غيد
بسمة : هلا آغا اتفضل يمه ليش بالباب
آيار : زاد فضلج عمه اني اجيت اشوفكم اذا محتاجين شيء عدكم نقص
بسمة : لا آغا مناقصنه شيء كثر الله خيرك بس غيــد يريدون القس....
آيار : دزيت واحد من الشباب يحل هل موضوع اطمئني
بسمة: يمه بعد شيء هاي غيد راح يجون بيت خالتها وتريد تطلع للمول وي بنات خالته
آيار : ام غيد احنه حجينه بهل موضوع من زمان غيد متطلع ل اي مكان من البيت للدوام ومن الدوام للبيت غير هل حجي ماكو يلا اني اترخص
بسمة : بس يمه خطية لشوكت ابقه حابستها البنية كبرت راح صير بالجامعة اني حته طلعه مااطلعها مثل البنات اذا نطلع للسوك اني وياهه صبحيه ونرجع
آيار : واني هذا الي عندي وكلامي يتنفذ بالحرف الواحد ام غيد انتي تعرفين الوضع ماريد يصيرلها شيء
أنت تقرأ
درع الغيــد
Mystery / Thrillerجـد ضالم يمنع زواج حفيدهُ الأكبر من ابنـة عمهِ الصغيـرة ويجبره على الزواج بأخرى مقابل المال فهل يخضـع ( اللواء آيار) لحكم جدهِ ام يكسـر جبروتـه (مابين الحب والغيرة ،الانتقام ورد الثأر ، حرب المشاعر والكلام فـي درع الغيــد) تباً لدرعي ولقلبي تباً...
