درع الغيــد

البارت الـ ثالث عشـر

أقضي الليالي بين ألف قصيدةٍ ، وإذا التقينا خانني التعبير !! 💔

غيد : وصلت للفندق اخذت شاور ورحت نمت مااريد افكر بشيء ساعة وگعدت على صوت امي بالفون  ... هلا ماما
ام غيد : ها حبيبتي وين انتي بالمستشفى
غيـد : لا ماما بالفندق
ام غيد: ليش مبقيتي يم آيار خاف يصير بي شيء
غيـد : ميحتاج ماما أهله كلهم موجودين حته جدي وجدتي ودكتور رائد هو الي خليته مسؤؤل عنه لأن تعرفين اني أصلا فد اجي اسوي عمليات ما اداوم بالمستشفى
ام غيد: براحتج ماما اني راح اوصل هيج شغلة نص ساعه راح اروح انضف البيت حته يجون يباتون بي زحمه يبقون بالفندق
غيد : ماشي عمو أدور وياج
ام غيد: ايي حبيبتي هذا
غيـد : ماشي ديروبالكم على نفسكم.... سديت الفون من امي ورجعت كملت نومتي

___________
آيار : طلعت من بيتنه وصلت لبغداد قريب على مكان عملي طبگت سيارة كدامي ورمو عليه طلعت سلاحي اريد ارميهم ماحسيت غير جام السيارة الأمامي تفلش ورصاص من كل مكان  اجت رصاصة بكتفي رصاصة بصدري ورصاصة ضربت بالباب وطاحت برجلي غوشت عيوني شوية واسمع بس صوت شرطة وإسعاف  نقلوني على المستشفى اسمعهم يحجون بس مااگدر افتح عيوني احس مثل المخدر
سمعت صوتها متاكد سمعته لو بين الف صوت اميزه بعدهه محسيت على شيء .... گعدت الصبح على صوت الدكتور وحركتهم وهم يخلولي مغذي افتح عيوني واسدهه احس بثگل اريد احرك ايدي وجسمي مااگدر حجيت واني مغمض مااكَدر اتحرك

رائد : لتخاف لان نزفت دم هواية شويه شوية تتحسن بس تاخذ هل مغذيات والابر وترتاح راح تگدر تتحرك
آيار : صيحو لـ أنور
رائد: حالياً ممنوع عليك الزيارة كمل المغذيات وارتاح ونجيبلك أنور
آيار : هزيت راسي شكراً
رائد وهو يضحك  : ولو انت بعيوني وصوني عليك بعد
آيار : هزيت راسي واني كل ضني الضباط الموجودين وصوو عليه رجعت نمت

___________
مروان : كاعد احجي وي ام وليدي وحبيبتي جنات حته ارجعها للبيت زعلت مني لان صيحت عليها موقصدي بس ضغط الشغل آيار ترك كلشي عليه اني وابوي ودار وجهه سلمني كلشي بيوم عرسي وراح من يومها گام يگضي أكثر الوكت بالدوام كل ٦ اشهر او ٧ ينزل النه يبقه يومين ويرجع مرات ماينزل اني اخذ امي واروح لبغداد لشقته انشوفه ماانسى ابد شلون بيوم من قررت أخطب حبيبتي شسوه بيه جدي يريدلي بت عمي مسلم وهي أصغر مني لسه اذكر شلون رفع السلاح بوجه جدي وكال
آيار : حرمتني اني من حب حياتي اذا مفكر تحرم مروان متكلفني غير طلقتين وحده برأسك ووحده براسي وحته فاتحه مانريد لتسوولنه يمه يمه وينج
ام آيار: ها يمه .. ولك شجاي سوي عوف هذا البيدك يمه لا تروحنه وياه ابوس ايدك يمه وخر هذا 
آيار : وهو يرجع السلاح لخصره ويخلي بمكانه جهزي نفسج انتي  وهو يأشر على جدته حته ياخذكم مروان تخطبون جنات اله ... وفعلاً وصلتهم وخطبتها ومطولت شهرين وتزوجت  آيار تكفل بكلشي وسوالي عرس شكبره وابوهه حجه وياهه آيار وشغله بالمكتب ويانه عشت احلى أيام حياتي وياهه وهسه زعلانه عليه روحي ودمي مايمر يوم اذا ماانام على شعرهه.... اجاني إتصال سديت منها ورديت عليه كلولي اخوك متصاوب تعال للمستشفى كلت الهم ورحنه للمستشفى