درع الغيــد

بارت تعريفي للأبطال

اني غيد عمري 19 سنة طالبة سادس علمي
مواصفاتي : طولي 168 وزني 60 حنطاوية وعيوني لونهم عسلي وشعري كلش طويل  اني كلش احب نفسي ومعتنية بيها
اني البنية الوحيده  لعائلتنه 
بابا توفه بحادث سير من اني عمري سنتين عايشه وي ماما وحدنه احنه ساكنين بغداد

ماما مدرسة بس من اتوفه بابا تركت التدريس وبقت فد وياي حته تربيني  ماما عمرهه ٤٠ سنه حيل حلوه وبعدهه شكلها صغير هواي مرات تقدمولها ناس بس هي ترفض تكول ماريد ازوج رجال غير ابوج الي اعرفه أبوية وامي تزوجو عن حُب ماما متحجيلي تفاصيل عن أبوية بس تكلي جان يحبج ويريدج صيرين دكتورة جراحة حته تنقذين العالم بس هيج هاي دائما حجاية ماما كلش تحز بخاطري من اشوف البنات وياهم ابوهم بس اني وحدي بس ماما ممقصرة خطية هي صايرة إليه الابو والام حيل احبها مرات أحسها صديقتي مرات امي اغلى شيء عندي هي بهل دنيا كلها وشنو الي تكلي عليه اسوي حته اذا مامقتنعه بي  اهم شي هي ترضى

عندي خالات 2 نهى متزوجة وعايشة ب اربيل عدهه غفران ( خامس اعدادي ) ونور ( ثاني متوسط ) وعدهه ولد اسمه عمر بالجامعه يدرس قانون احيانا يجي وياهم انشوفه علاقتي بي محددوده كد السلام بس
أما غفران فصديقتي كلش وكلش احبها احنه اسرارنه سوه هي اكثر وحده مقربة مني حته أكثر من صديقاتي الي وياي بالمدرسه وخالتي الثانية متوفية وهي عمرهه 15 سنه جان عدهه عجز بالكلى وسولها اكثر من مره غسل كلى ومافادهه وتوفت اشوفها بالصور كولش حلوه ملامحها هادئ وحلوه ماما تكلي تشبهينها كلش بس انتي ملامحج حاده هي لا

أما أهل بابا فما اعرف عنهم اي شيء حته من اسئل ماما متجاوبني تتجاهلني أو تغير الموضوع بس مره لحيت عليها هواية كالتلي عندج ٢عمام وبغير محافظه واحنه ماعدنه علاقه بيهم وطلبت منفتح هل موضوع مره ثانية اني احس الهم ايد بموتت ابوية واحس امي ماتحبهم ابد

-----------------------------------------
في مكان آخر

كاعد على مكتبه بضجر گدامه سلاحه وايده على عيونه  يفكر بغيــد الي شاغلة تفكيره من هي وطفلة لهذا اليوم ويردد شوكت يصير هل يوم شوكت يجي هل يوم مابيه اصبر بعد حته حسابها سادته الي تنزل بي تفاصيل يومها مااكَدر حته اتصل على امها مااريدهه تعرف اني اريد غيــد مااريد احد يعرف اهوو شنو هل افكار أصلاً غيـد متناسبني وغير هيج الحجيـة مستحيل تخليني اتزوجهه مستحيل قاطع تفكيره صوت النقال يدك

آيار : الو هلا حجيــة شلونج
الجدة لميعة :  هلا بوليدي وآغاتي شوكت تجي يمه مشتاقتلك
آيار : إن شاء الله يمه هل يومين ارجع للناصرية سديت التليفون وتنهدت اخذت مفاتيح سيارتي ورحت ومخليت احد من حمايتي يجي وراي

هسه صار لازم اعرفكم على نفسي
اني آيار عمري ٣٤ سنه  ملازم برتبة عقيد في استخبارات بغداد اني من الناصرية بس اداوم بغداد نقلت كل شغلي لبغداد علمود بيت عمي المتوفي حته اديربالي على بنته وزوجته من بعد ما مات اني شلت مسؤؤليتهم بامر من الجدة .
احنه بيتنه بالناصرية يسمونه بيت الآغا على اسم جدي آغا عدنه أملاك واراضي وعقارات  ومعرض سيارات خير من الله حته ولدنه مو بحاجة الدراسة واغلبهم ميدرسون ملتهين بالشغل مالتنه عندي جدي آغا وجدتي لميعة احبهم ومتعلق بيهم وعندي همه اهم شي بهل دنيا كلشي بالدنيا رضاهم احنه ثلاثة اعمام و ٢عمات
ابوي عطية الآغا عمرهه ٥٦ سنه  عنده آني الجبير ومروان اخوي عمره ٢٤ سنه مرحلة ثالثة إدارة واقتصاد وعندي فروحه اختي الصغيرة سادس اعدادي عمرهه ١٩ سنه
وامي الحجية حكيمة عمرهه ٥٤ سنه تعبت عليه كلش وشلعت كلبها تكلي انت وكح شلعت كلبي وانت صغير وتشبهه جدك لذلك يسموني الآغا جدتي دائما صيحلي آغا
عندي عمتي منتهى عمرهه ٤٢سنه متزوجه ابن خالتها وعايشه بالبصره عدهه ٣ولد سلام وعلي ومنتظر يشتغلون وي ابوهم بالميناء وعنده ابنية اسمها ميامين ما شاءالله تخبل دكتورة جامعية مخطوبة لدكتور وياهه كلش انسانه مثقفه وراقية
وعمتي الثانية نورس ههههههههههه هاي اموت عليها عمرهه ٣٦ سنه اتزوجت واحد تحبه وياهه بالجامعه ومااتفقو وانفصلو وبعدهه هي ماتزوجت ابد وهو الولد راحو شالو لغير محافظة.

عندي عمي مسلم عمرهه ٥٥سنه متزوج بنت عمه وعنده ورده متزوجه ابن خالتها وعدهه ٢ اطفال منه ولد وابنية ومريم خريجة علوم حاسبات ومها عمرهه ١٣ سنه تدرس ثاني متوسط ورضا يداوم اقسام بدهوك تربية ومعتز مامكمل دراسة يشتغل وي ابوهه لازمين معرض سياراتنه
عمتي نهلة ( زوجة عمي مسلم ) عمرهه عمرهه ٥٢ سنه تحب التمنظر والتفيكَ ومعلمه حته بناتها يباوعن للناس بالعين الصغيرة

وعمي منذر متزوج ابنية من بغداد يحبها واتزوجه طبيب اسنان عاند ابوه وامه واتزوجه وجابها لبيتنه صارت عنده غيد وتوفه بحادث والحادث صار متعمد بسبب أحد اعدائنه على قطعة أرض اخذهه جدي خاوه منهم بعدهه بكم يوم جان عمي راجع للناصرية وسووله الحادث وبعدهه عرفناهه واجو مشو علينه وفصلونه
جدي وراهه انعزل وانقهر كلش وصارت عنده جلطة والجده صار عدهه ضغط جانت ايام صعبة علينه بالكوه عديناهه زوجته تعرف الحادث متعمد بس غيــد ماتعرف أكثر من مره رحت الهم بعد وفاة عمي وراح الها جدي حته يجون يعيشون ويانه وماقبلت ام غيــد تكول اني هنا اعيش بغداد ماكدر اعوفه احنه وفرنه الهم كلشي مخليناهن محتاجات شيء بس ماتقربت من غيــد ابد بامر من جدي وجدتي وبطلب منه حته ماتعرف غيـد عدهه بيت عم حد مايصير الوقت المناسب وماادري هذا الوقت المناسب شوكت عدهم لان اني جزعت من هل وضعية كلها
---------------------------------------------------------

انتهى ، تصويت لطفاً 💚💫
درع الغيـد
لـ غدير كاظم الباصــي