وكُنتُ أُطعمهُ قمحَ فُؤادي براحتي، عجبًا كيفَ باتَ يُرضيهِ فُتات الطريق؟
--------------
غيـد : جهزت جنطتي الصغيره بيها ملابسي وكم شغلة احتاجها صعدت سيارتي ودعت ماما وتوجهت لبغداد امي دائما ترفض اروح وحدي بسيارتي بس العناد كولشي تغير بيه اله العناد نفسـه ماتغير وصلت لبغداد خابرت صديقتي تحجزلي بالفندق مال أبوه بين ماوصلت لگيت كولشي مرتب وكامل دخلت للغرفه واني ميته تعب اجيت انام بس هيهات سُرى تخليني انام ... الو هلاو سرى
سرى: منتضرتج ب ..... تعالي مو تتأخرين
غيـد : والله تعبانه مابيه حيل مااگدر خليها لباجر
سرى: كومي بسرعه شكد تنامين لخاطر الله
غيـد : لا ولج والله بطلت النوم من زمان بس ضاربتني انفلونزا وأخذت علاج حته اصحصح واصير زينـه عندي عمليات اثنين
سرى: حجي يفيدج كومي نروح نكعد على نهر دجلة
غيـد : كمت كمت ، امري لله... غيرت ملابسي لبست جمبسوت عقيقي وكعب أبيض ورتبت نفسي وطلعت
وصلت للمكان المحدد انتضر سرى. ... اجت ووياه ولد شاب مرتب ، كمت استقبلتهم
سرى: لج مشتاقلج بذاته اخر مره تذكرين شوكت التقيـنه
غيـد واني اضحك واحضنها: مو تدرين اني مااجي لبغداد بس من عندي عمليات
سرى : اعرفج دكتور رائد ابن عمو ولمحاسن الصدف بنفس المستشفى الي انتي سوين عمليات بيها
رائد : اهلا وسهلا دكتورة ، شرفت بيج
غيـد : الي الشرف دكتور ، تفضلو اكعدو.... طلبنه اكل وبقينه نسولف شيء على المستشفى شيء على الشغل شيء على ايام الجامعه كملت ورجعت للفندق اخذت علاجات حته تفگني الصخونه دمرتني ونمت ... كعدت الصبح ب ٤ كملت صلاتي وطلعت اركض بساحة الفندق سماعاتي ب اذني واني اسمع سورة البقرة ايي تغيرت صرت اكعد من وقت العب رياضه هواية واسمع قرآن هواية تقربت من رب العالمين تركت كل الناس اكتفيت ب أشخاص ينعدون على الاصابع مقربين مني الباقي كولها زملاء عمل ومجاملات رجعت لغرفتي اخذت شاور جهزت نفسي بتنوره بينصل قصيرة لون چويتي وقميص أبيض وحذاء رسمية فلات ابيض نزلت طلبت الاكل وكعدت اكل حته اكمل واتوجهه للمستشفى
------------
آيار : مثل كل مره انزل للناصرية بس مشاكل وي جدي مابقيت غير يومين بعدهه قررت أرجع لبغداد غيرت ملابسي بست امي برأسها وخليت وطلعت تلاگينه اني وأبوي وجدتي ومروان كاعدين بالحديقة كملت طريقي لسيارتي
ابو آيار: ها بوية رايح
آيار: ايي بوية يلاا مع السلامة ، وانت مروان روح جيب مرتك من اهلها ولطول بالزعل الفراگ موحلو
الجد : ماتعلم روحك مفارگ مرتك حته بزر مايصير عندك موزين متحملتك وضاله وياك وانت ضال بس بالدوام شوف روحك شلون صاير على هل فرخة فرت عقلك فر مثل امها من فرت عقل عمك
آيار: جدي لجيب طاري البنية ، شتريد منها عوفها بحالها مو خربتنه مو هددتنه مو خليتها تروح مني لو يرجع بيه الوكت اختاريتها وانتم لو تحترگون ماتهموني ، هاي بت ابنك اني من البداية اتفقت وياهه وكتلها ماريدج ولو ما تطلع عليها سوالف حتى مادخلت عليها وغير هذا كله ايي اني واحد عقيم الله خلقني عقيم بعد شعدهه ضاله وياي خلي تروح شوف حياتها ، اني حجيت وي أبوها البنية تريد تتطلگ وراح اطلگها من ارجع الاسبوع الجاي ... خليت وطلعت لبغداد
أنت تقرأ
درع الغيــد
Mystery / Thrillerجـد ضالم يمنع زواج حفيدهُ الأكبر من ابنـة عمهِ الصغيـرة ويجبره على الزواج بأخرى مقابل المال فهل يخضـع ( اللواء آيار) لحكم جدهِ ام يكسـر جبروتـه (مابين الحب والغيرة ،الانتقام ورد الثأر ، حرب المشاعر والكلام فـي درع الغيــد) تباً لدرعي ولقلبي تباً...
