درع الغيــد

البارت السابع

كان بعيدا الى القرب الذي يجعلنا نلتقي بظهورنا,💔

مروان: كاعد بالردهة تقريباً ب ٩ بليل منتضر جدتي حته ادخل يمها كال الدكتور كعدت ابوية وعمي وجدي راحو لان جدي تعبان بقيت اني وعمتي نورس وياهه مدنكَ واسمع واحد يصيح  ..... مروان .... مروان .... رفعت راسي وأشوفلك طلحة زوج عمتي نورس وراهه وحده ناعمه وشايله طفله يطلع عمرهه كم شهر بس مركزت بيها كمت اسلم
طلحة: من بعد ما انفصلنه اني وحب حياتي نورس خلينه وشلنه لغير محافظة اني طلبت من اهلي لان مااكدر بنفس المكان ومااروحلها بيت اخوالي هنا بالناصرية احنه شلنه لميسان يم واحد من ولد عمي اشترينه بيت بنفس شارعهم وعشنه بي اني وامي وأبوي وأخوي مصطفى ( اخوي مصطفى متزوج بنت ابن خال أمي وعنده ابنية عمرهه ٨ اشهر ) ... اني قدمت ماجستير وهسه متعين بجامعة ميسان استاذ جامعي اجيب اهلي ونجي بين فتره وفتره لبيت اخوالي جان فد يوم يعزمون أهل زوجة اخوي رحنه ضربنه الغده يمهم وعطلونه اله نبات احنه هماتين بقينه بليل بنت مصطفى اخوي بلاعيمها ومختنكَه اخذتها جبتها للمستشفى واجت وياي اخت زوجة مصطفى جنات هي تدرس تحليلات مرضية مرحله اخيره فتعرف بالمستشفى من هل باب اجت وياي ولأن ابن اختها ... رحنه كلولنه نخليلها اوكسجين بالممر اشوف مروان كاعد ومدنك صحته ومشيت اسلم عليه ... احب ملامحه مثل ملامح نورس بس شفته ذكرتها ولو هو اني شوكت ناسيها اصلا
مروان : سلمت عليه وحضنته باوعت وأشوفلك جنات حبيبتي شايله طفله صغيره هي رفعت راسها ع صوتي وانصدمت بيه .... متزوجه يعني ودتجذب عليه ومتزوجه منو طليق عمتي ههه شنو هل سالفه مجاي اصدك معقولة تستغفلني بقيت افكر واخزر بيها اني من غير كلشي زعلان وياهه صارلي اسبوع حته مااعتذرت مني ولا صالحتني طبعاً اذا هي متزوجه ليش حته تهتملي ..... وعيت من تفكيري على صوت طلحه.. يكلي شعدك هنا خيرك
مروان: جدتي تعبانه شوية
طلحه: صحه وعافية ومتشوف شر إن شاء الله... يلا حبيبي سلملي على الوالد وآيار نشوفك بخير وعافية
مروان : الله وياك يوصل ... رجعت كعدت واحس الدنيا ضاكت بيه ... زين ليش على الاقل كليلي من صارحتج كليلي متزوجه ليش وافقتي ليش

نورس: طلعت من السويت رحت لغرفة امي كالو كعدت واني اريد افتح المصعد حته اروح للغرفه طلعت دكتوره مستعجلة طخت بيه وكع تليفوني كالت آسفه بس محتاجيني بالطوارئ واني ادنك على فوني كتلها مصار شيء رفعت راسي وانصدمت بالي اشوفه لا مستحيل ... طلحه وشايل طفله ويسولف وياهه ويضحك بقيت اباع عليه اريد استوعب الي جاي اشوفه اجت ابنية باتجاهم حجت وياه وأخذت الطفله منه وطلعو لجهة الباب مال المستشفى بقيت اباع وراهم واني ميته قهر وعيت من صفنتي عليهم ع شخص يمي فتح المصعد صعدت ورحت الغرفة امي امشي بالممر واحس كَلبي ينزف وانسدت الدنيا بعيني دخلت للغرفه لكيتها كاعده  بس تعبانه كلش دنكت بوستها وكتلها الحمدلله على السلامه
الجده بتعب: الله يسلمج يمه ... صيحيلي آيار خلي يجي احجي وياه اريد اوصي كَبل لا اموت
نورس: هي كالت هيج واني بس اريدلي حجه طكَيتها بجي كد قوتي احس انهاريت من جهه امي ومن جهه طلحه كعدت بالكاع وبقيت اشهك
مروان : بعد مراحو طلحه وجنات بقيت كاعد شوية ودخلوني يم جدتي سلمت عليها  وكعدت يمها ودزيت مسج لعمتي نورس تجي يمنه .... شويه واجت يمنه حجت وياهه جدتي هذي كعدت تشهك مو تبجي حسيتها بيها شيء ... كمت كتلها عمه عمه كومي شبيج شسالفه اصلا جدتي تحجي وحده الدكتور كال تكدرون يومين واطلعونها كومتها كعدتها على الكرسي وخابرت على آيار مغلق خابرت على فرح اختي كتلها جدتي تريد آيار يجي خلي يمرلنه باجر
--------------