كُن منصفاً في ظلمك
أما ان تأخذني من كل شيء
او تأخذ كل شيءٍ مني...!💔
غيـد : كعدت الصبح بدلت بسرعه وأخذت كتبي وطلعت اليوم اخر محاضرة الي بالمعهد وباقي بس هل اسبوعين وانعطل من المدرسه حته ندرس للامتحانات طلعت من باب المطبخ لكَيت ماما كاعده تشرب كَهوه وصافنه بالفراغ خليت وطلعت وصلت للمعهد اخذت محاضراتي ورجعت رحت للمدرسه اليوم دوامي مسائي أخذتهم ورجعت العصر للبيت ميته تعب واني جاي امشي شفت سياره من بعيد يمكن نفسها سيارة هذا الولد الآغا مدري آيار مدري شسمه ابن عمي عشتو تالي وكت طلع عندي كَرايب
رجعت للبيت لكَيت خالتي وامي ونور وغفران كاعدات يشربون عصائر وياكلون كيك محتفلين مدري عليمن خلي اصعد انام احسن من اخر موقف صار قبل كم يوم محجيت وي أحد بعد دخلت للغرفه لكَيت غرفتي مزينه شكو اليوم اوو اليوم شكد بالشهر باوعت لتليفوني شفت يوم ١٢ /٤ ضربت راسي اليوم عيد ميلاد بابا متت قهر رحت طلعت صورته وعاتبته وبجيت بعدهه مسحت دموعي وكمت اخذتلي شاور ونمت حته ماكلت شيء من القهر على أبوية وسفه انت تموت وهذا الآغا عايش .
بسمة : اجت غيد بدون متحجي اي شيء صعدت لغرفتها ليفوك شوية وصعدت وراهه اخذت الها كيك وعصير سمعت صوت شهكاتها اعرفها مثل كل سنه بهيج يوم تكعد تعاتب ب ابوهه اسمعها تكوله
( ها بابا شلونك اشتاقيتلك هسه انت لو عايش جان مصار كل هذا جان اني وياك هسه نطلع سوه نمشي سوه احضنك ابوسك اشم ريحتك ليش عفتني شوف اني بدونك احس نفسي مكسوره احس الناس كلها تباوعلي مستخطيتني لان ماعندي ابوو زين ليش مااخذتني وياك ع الأقل أخذني وياك نعيش سوه بالعالم الآخر تدري اني مليت بابا مليييييت اااااااااه بابا الله يرحمك ويجمعني بيك ب اقرب وقت ) مسحت دموعي وخليت ونزلت يم نهى وبناتها قررنه نسوي باربكيو ونشوي بالحديقة نغير نفسية غيـد ونطلع لمدينة الالعاب بليل خلي اكوم اخذ إذن من الآغا
بسمة : الو مساء الخير
آيار : هلا يمه شلونج
بسمة : بخير يمه بس اجيت اخذ اذنك بليل راح نطلع لمدينة الالعاب اني وغيد وخالتها وبناتها
باجر همه يرجعون ل اربيل فقررنه نطلع نغير جو قبل لا يرجعون
آيار : ميخالف عمه أخذو راحتكم بس منو ياخذكم
بسمة : عمر اليوم اجه الصبح ... ماشي يمه الله وياك بالسلامه .... سديته من الآغا وكلت لغفران تروح تكول لغيد تتجهز
آيار : وصلت للناصرية نزلت ودخلت للبيت اتلكَتني امي سلمت عليه وجدتي سألت على جدي وأبوي كالو طالعين لكربلاء يزورون دورت على فرح بوستها وانطيتها هديتها وصعدت ادور على نورس لكَيتها كاعده وحاطه سماعاتها مثل كل مره تسمع بمكالماتها وي زوجهه تنهدت ورحت لغرفتي غرفتي عبارة عن سويت كلشي بيها حته مطبخ وصاله اخذت شاور وكبل نمت واني قررت احجي وي ابوي وجدي بعد مااصبر
أنت تقرأ
درع الغيــد
Misterio / Suspensoجـد ضالم يمنع زواج حفيدهُ الأكبر من ابنـة عمهِ الصغيـرة ويجبره على الزواج بأخرى مقابل المال فهل يخضـع ( اللواء آيار) لحكم جدهِ ام يكسـر جبروتـه (مابين الحب والغيرة ،الانتقام ورد الثأر ، حرب المشاعر والكلام فـي درع الغيــد) تباً لدرعي ولقلبي تباً...
