درع الغيــد

البارت الثالث

"انتِ لا تعبرين هكذا ببساطة إن نسيان وجهك يُكلف الانسان نصف عمره " ❤️

غيـد : وصلنه للبيت بعد ماوصلنه شهد ورزان لكَيت امي واكَفة بالباب منتضرتني متت خوف يربي شيخلصني منها بعد .... لا هسه اني مسويت شيء غلط ليش حته اخاف مثلا ً نزلت وامي تشكرت من هذا الصاك سالفة غفران وراح احنه دخلنه للبيت اباع اله عيونه على غفران اكلها اكل وهي الثولة مدنكَة وتلعب بخصل شعرهه

بسمة : من راحت غيـد واني ميته خوف عليها اعرف بنتي متكعد راحه ومتسكت مثل البنات قوية ابوهه لو موجود جان كلش راح يفرح بيها راحت بدون ماتكول استغفلتني وطلعت خاف اغير رأيي ومدريت عنها حد ما اجت نور وكالت البنات طلعن شيخلصني من الآغا اذا عرف شوية ودك التليفون غيد

غيـد : ها ماما اكلج اجه ولد تحرش بينه وتعاركت وياه وهسه احنه بغرفه الامن من المول تعالي وقعي حته يطلعونه
بسمة : صخااام الصخمني ولج غيد ناويه اجلطيني وتموتيني مو اكلج لا طلعين ليش اطلعين ليش هسه شسوي اني شسوي
غيـد : ماما لتكبرين الموضوع تعالي بس وقعي ونطلع وهاهية فضت راحت بس استعجلي هذوله الامن عيونهم زايغة مراح اتحمل بعد هسه اتعارك
بسمة : ولج غيد استري علينه يمه واكعدي هسه اجي بس اكعدي واسكتي سمعتي غيد اموتج والله
غيـد : ايي ماما فهمت يلا انتظرج البنات تاخرن على اهلهن خطية وخايفات ماشي يمه

بسمة : يربي هسه شسوي شسوي ليش هيج سوين بيه يغيد ليش يايمه بالضيم كبرتج بالضيم
نهى : اهديء يختي وخابري الآغا هو يتصرف ايدهم واصله بالتليفون يرجعهم للبيت
بسمة: ولج خيه اذا عرف الآغا يكسرهه لغيد والله اني اخاف على ابنيتي ماعندي غيرهه
نهى: لا لتخافين مو تكولين يحبها ماراح يأذيها هسه يجيبهن ويجي
بسمة : انتي هيج تكولين ... يلا راح اخابره .... خابرته وكال راح يتصرف اطمئنتيت بس خايفه على غيد اعرفه مراح يسكت الها ابد
-------------------------------------------------------
غيـد : يلا غفران امشي مادام امي ملتهيه وي هذا ولج بسرعة امشي ولج شبيج صفنتي غسل اني رايحه بعدني ماواصله الدرج حته اصعد لغرفتي اجاني صوتها

بسمة : اوكفي غيد اوكفي اني شنو كتلج اني كم مره ومره اكول لا اطلعين هااا احجي لو هسه مسويلج شيء هذا المايخاف الله شكول للناس اني اذا سألني الآغا شكول اله ابوج اذا سألنه بيوم القيامة شنو اكول هااااا احجي ليش سكتي اااااااحجي
غيـد بقلة صبر : ماما اني مو صغيرة واني ماابقه كل عمري حابسيني بالبيت علمود ترضى الناس اني منا وجاي اطلع وامشي وبكيفي من حقي مثلي مثل كل ابنية وهذا منو الآغا هه ساعه الآغا ساعه هذا الملازم انور مدري منو والله اليعلم باجر منو يطلع تعرفينه بعد
مااحس غير حرارة على خدي ودموع ماما تنزل ضربتني اي والله ضربتني اول مره سويها وتضربني ليش معقولة علمود هذوله !!!!!!!!!
بسمة تحجي بحركَة اعصاب وتبجي : مو بس اضربج اكسر راسج بعد قليلة تربية اني ولج اني تشكين بيه اني عفت الدنيا كلها علمودج وانتي تشكين بيه هذا الآغا ابن عمج وهو المسؤول عليج من توفه ابوج هذا الي كل مره من تردين فلوس يدزلج هذا الي شايلج وشايلني بعد ماعفت التدريس علمودج حته مااقصر عنج بشيء هذا هو نفسه الي جاي يصرف علينه ويوكلنه ولج هذا بكد ابني سمعتي بكد ابني يكلي يمه وهذا الملازم دزاهه هو حته يحل مصيبتج هاي بدون اي شيء لأن لو اني جاية راح نروح حته للمركز بس هو ب اتصال حلاهه وهسه تصعدين فوك لغرفتج ومااريد اسمعلج صوت فهمتي يلاااااااا كدامي يلاااااااا