Chaos World Online

Prologue!

Nang sumapit ang taong 2031, doon naman nabuo ang larong Chaos World Online na ginawa ng kompanyang, E-company INC. Ang Chaos World Online ay isang VR MMORPG o Virtual Reality Massive Multiplayer Online Role-Playing Game na kung saan ay ginagamitan ito ng isang device upang dalhin ang iyong kamalayan sa mundo ng kaguluhan.

Ang Chaos World Game Watch o ang CWG-Watch ay ang naturang device na maghahatid sa iyong kamalayan patungo sa mundong puno ng kaguluhan. Ginagamit din ito ng mga manlalaro ng CWO upang mabatid nila kung anong level na ba sila, kung sino ang kanilang kalaban, upang makapag send ng-friend request sa mga kapwa nila player at marami pang iba. Sa madaling sabi, ang Chaos World Game Watch ay ang pangunahing kagamitan na kailangan sa larong iyon.

Tungkol naman sa Chaos World Online, ang mundong iyon ay may pangalang,Zenfrah. ang Zenfrah ay nahahati sa limang kontinente. Nandyaan ang Celestial Continent na mayroong pitong imperyo. Demon Continent na nahahati sa dalawang kaharian. Ang unang kaharian ay tinatawag na Demon Kingdom at ang pangalawa naman ay ang kaharian ng mga Black Fairy. Ang sumunod na kontinente ay ang Angel continent na binubuo rin ng dalawang kaharian. Ang Angel Kingdom at ang White Fairy Kingdom. Pagkatapos naman ng Angel Continent ay susundan naman ito ng kontinente ng mga Elf. At ang pinakahuling kontinente na mayroon ang Zenfrah ay ang kontinente ng mga tao o ang Human continent.

Celestial Continent:
Ang Celestial Continent ay nahahati sa pitong imperyo na pinamumunuan naman ng pitong tribo. Ang una sa listahan ay ang Sea Water Empire. Pumapangalawa naman ang Wind Tornado Empire. Ang ikatlong imperyo na maaaring makita sa kontinente ng mga Celestial ay ang Fire Dragon Empire. Sinusundan naman ito ng Abyssal Lightning Empire. Ang pumapanglima sa mga imperyo sa Celestial Continent ay ang emperyo ng Mother Earth Empire. Ang pang-anim naman ay ang Ice Heart Empire at ang panghuli ay ang Planetary Lava Empire.

Tribes!

Sea Water Tribe:
Ang tribong ito ay mayroong pag-uugaling malumanay at maunawain ngunit, agresibo naman kung sila ay inaatake o inaapi ng ibang mga lahi. Likas na rin sa kanila ang pagiging matulungin, mapagkaibigan at maaasahan sa lahat ng pagkakataon maliban na lang sa pakikipag-alyansa para lang makidigma sa ibang mga lahi. Kaya nang dahil dito, ang kanilang imperyo ay isa sa mga pinakaligtas puntahan ng mga nilalang na naninirahan sa mundo ng Zenfrah.

Wind Tornado Tribe:
Ang tribo ng mga Wind Tornado ay literal na mahahangin subalit, kahit ganoon man sila, mayroon naman silang ibubuga sa madla. Ang tribong ito ay ang pinakamalakas at ang pinakatanyag sa buong Celestial Continent.

Fire Dragon Tribe:
ang mga Fire Dragon ay labis na mainitin ang ulo at walang awa sa ibang mga lahi. Dahil sa kanilang pag-uugali, lagi silang napagtutulungan ng iba at madalas din silang nasasangkot sa mga kaguluhan saan mang panig ng mundo.

Abyssal Lightning Tribe:
Ang lahing ito ay ang pumapangalawa sa mga pinakamabibilis na nilalang sa mundo ng Zenfrah. Ang mga ito ay mayroong napakaikling pasensya kung kaya, isa rin sila sa mga iniiwasan ng karamihan.

Mother Earth Tribe:
Sa buong kontinente ng mga Celestial, sila ang mayroong pinakamatibay na pangangatawan dahil saa elemento na kanilang tinataglay. Madali rin silang nakabubuo ng koneksyon sa kalikasan upang mas madagdagan pa ang kanilang mga kapangyarihan. Sa pamamagitan nito, ang kanilang kabuoang lakas ay hindi gaanong nalalayo sa lakas na mayroon ang mga Wind Tornado Tribe.

Ice Heart Tribe and Planetary Lava Tribe:
Ang mga Ice Heart Tribe at ang mga Planetary Lava Tribe ay hindi nangingialam sa ibang mga lahi. Tahimik lang sila sa kani-kanilang mga tiretoryo ngunit, ang kanilang kabuoang lakas ay hindi binabaliwala ng ibang mga tribo sapagkat sila ay lubos na malalakas at lubos na makakapangyarihan. Sila rin ang umaawat sa ibang mga Celestial kung sila ay nagdidigmaan ng walang kabuluhan.