ဗီလိန်မာယာ (Arc-5)

Arc 5:4 - ကျူးစစ်ယွိဘဝ

Arc 5:4 - ကျူးစစ်ယွိဘဝ

ကျန်းကျားလွေ့က ပညာတတ်ဖြစ်တာကြောင့် ဥဩလေးနဲ့ပြိုင်ပြီးရန်မဖြစ် သူဟက်ခနဲရယ်လိုက်ပြီး ခပ်ဖြည်းဖြည်းသာပြောသည် "ဒီမှာရှိတဲ့လူတွေအားလုံးက ဘယ်သူကအဓိပ္ပာယ်မရှိတာတွေပြောမှန်းသိတယ်"

"ကျုပ်စိတ်မကောင်းပါဘူး မင်းဘာပြောနေလဲကျုပ်မသိဘူး။ ကျုပ်မိသားစုစီးပွားရေးကိုပြောင်းယူပြီးစက ဘာမှမပြောင်းရဲဘူး ဒါကြောင့်အဖေ့စည်းမျဉ်းတွေအတိုင်းနေခဲ့တာ။ ဒီသုံးနှစ်အတွင်းကျုပ်(၅၀)ကိုပြောင်းခဲ့တယ်။ ဒါပေမဲ့လွန်ခဲ့တဲ့နှစ်လက ကျုပ်(၃၀)ကိုပြောင်းလိုက်တယ်။ ကျုပ်စာရင်းစာအုပ်ကသက်သေပြနိုင်တယ်။ ဒီညီလေးပြောသလို(၆၀)ဖြစ်နေရင် တစ်ခုခုတော့အထင်လွဲနေပြီ"

ကျန်းကျားလွေ့က လှောင်ရယ်ပြီး "ဘာအထင်လွဲနေတာမှမဟုတ်ဘူး မနေ့ကပဲကျူးလောင်စစ်ကျုပ်အိမ်ကိုလာပြီး ငှားရမ်းခ(၆၀)ယူသွားတာ တစ်ခုလေးမှမလျော့ဘူး"

ကျိုးယွင်ရှန့် သုန်မှုန်သွားပြီး အစောင့်တစ်ယောက်ကိုလှမ်းကြည့်လိုက်သည်။ ဒီအစောင့်က သူ့လူမဟုတ် လောင်စစ်ကသူ့သားအငယ် ကျူးဖူရွှန်ကိုစောင့်ရှောက်ဖို့လွှတ်လိုက်သည့်သူဖြစ်သည်။ သူကသူ့အဖေနဲ့အတူပုန်းချင်ပေမဲ့ သူ့အဖေကကျူးစစ်ယွိကိုစောင့်ကြည့်ဖို့ ထည့်ပေးလိုက်သည်။

ကျူးစစ်ယွိက သူ့ကိုမတင်းကြပ်ထားတာကြောင့် ကျူးလောင်စစ်၏စည်းစိမ်က ကျူးစစ်ယွိနှင့်ယှဉ်လို့ရသည်။ ကျူးဖူရွှန်က ချမ်းချမ်းသာသာနေခဲ့ရတာကြောင့် ကျူးစစ်ယွိထက်ပင်မြေရှင်ပုံပေါက်နေသေးသည်။

ဒါပေမဲ့လည်း သူ့ပုံစံကတော့ဝက်နှင့်တူတာ သတ္တိကြောင်သည်။ ကျူးစစ်ယွိရဲ့အကြည့်အောက်မှာ အခြားအစောင့်တွေကလည်း သူ့အစောင့်ကိုအနိုင်ရနေတော့ သူခြေခွေကျသွားသည်။ သူဒူးထောက်တောင်းပန်ပြီး လျှာလိပ်ကာဘာပြောနေမှန်းပင်နားမလည်နိုင်တော့။