ဗီလိန်မာယာ (Arc-5)

Arc 5:8 - ကျူးစစ်ယွိဘဝ

Arc 5:8 - ကျူးစစ်ယွိဘဝ

BGM suggest >>> Let me stay by your side by LuHan

သိပ်မကြာခင်မှာတော့ ချင်းစယ်အချစ်ရေးကိစ္စကိုထပ်ပြီးမတွေးနိုင်တော့။

မြို့တော်ကလူအဝင်အထွက်တင်းကြပ်တဲ့ဥပဒေထုတ်ပြန်ထားတာကြောင့် အရင်ကသူအထဲဝင်လို့မရခဲ့။ အခုတော့လတ်တလောကပ်ဒုက္ခတွေကြောင့် မကျေနပ်တဲ့လူတွေနဲ့ဒုက္ခရောက်နေတဲ့လူတွေက အစောင့်တပ်သားတွေနဲ့ပြဿနာဖြစ်နေတာမို့ ဒါကဝင်ဖို့အကောင်းဆုံးအခွင့်အရေးပဲ။

သူကျန်းအိမ်ကနေ ဆင်ခြေ‌ပေးထွက်လာပြီး ကိုယ့်ကိုယ်ကိုအစောင့်ရဲမတ်ယောင်ဆောင်ကာ နန်းတွင်းထဲသို့ဝင်ခဲ့သည်။ သူသေသွားပြီးမင်းသားငယ်ကမြန်မြန်ဆုံးပါးသွားလျှင် အမတ်များသင်္ကာမကင်းဖြစ်ပြီးပြဿနာတွေအများကြီးဖြစ်နိုင်သည်။ ဒါကြောင့် မယ်တော်ကြီးကအချိန်ယူပြီး သူ့သားနန်းတက်ရအောင်အရင်လုပ်ဆောင်နေသည်။ ပြီးတော့မင်းသားငယ်ကိုဆေးခတ်ပြီး သူ့ဖခင်နောက်လိုက်သွားစေဖို့ကြံစည်ထားသည်။

ချင်းစယ်နန်းတော်ထဲအလွယ်တကူဝင်ပြီး မင်းသားငယ်ကိုကယ်တင်ချိန်မှာပဲ ကင်းစောင့်တပ်ဖွဲ့နဲ့တိုးပြီး တစ်မြို့လုံးပိုက်စိပ်တိုက်ရှာစေသည့်အဖြစ်သို့ရောက်သွားသည်။

အဲဒီအချိန်မှာပဲ ကျူးအိမ်အစေခံတစ်ဦးက ကျိုးယွင်ရှန့်ဆီသတင်းကောင်းသယ်လာသည်။ ရှန်းဝေ့ဟုံရှီးစစ်ရဲ့လက်ထောက်စစ်သူကြီးက သူရှာနေသည့်ပုံစံနှင့်ကိုက်ညီသည်ဟုအကြောင်းပြန်လာသည်။ သူက(6)ပေရှည်ပြီး ခန့်ညားကာဖွံ့ထွားသည်။ ပြီးတော့ဆေးတံသောက်သည့်အကျင့်လည်းရှိသည်ဟုဆိုသည်။ စစ်တပ်ထဲမှာလည်း သူ့ကို'ဆေးတံအိုကြီး' ဟုတောင်ခေါ်ကြသည်တဲ့။

ကျိုးယွင်ရှန့်အရမ်းပျော်သွားပြီး တံခါးစောင့်ကိုလာဘ်ထိုးကာမြို့ထဲသို့ဝင်ခဲ့သည်။ လက်ထောက်စစ်သူကြီးအိမ်တော်နားကတည်းခိုခန်းမှာ သူအခန်းတစ်ခန်းငှားပြီးစိတ်ရှည်ရှည်စောင့်‌နေလိုက်သည်။

သူတစ်နေ့လုံးစောင့်ပေမဲ့ ထိုလူကတော့ထွက်မလာပေ။ သူ့စိတ်ထဲစိုးရိမ်ပူပန်လာသည်။ လုရှီနှင့်ဥဩလေးကတော့ နေ့လယ်စာစားပြီးကိုယ့်အခန်းကိုယ်ပြန်နားကြသည်။