ဗီလိန်မာယာ (Arc-5)

Arc 5: 1 - ကျူးစစ်ယွိဘဝ : အချစ်၏မာယာ

Arc 5:1 - ကျူးစစ်ယွိဘဝ : အချစ်၏မာယာ

Arc 5: Fighting the cross-over wife

TGN: အချစ်၏မာယာ

Translator - invisible_clover

ဒီတစ်ခါမှာတော့ ကျိုးယွင်ရှန့်နဲ့ချောင်းမိုခွန်းတို့ တစ်ချိန်တည်းနီးပါးအိပ်ပျော်သွားကြသည်။ သူကြယ်ပင်လယ်အာကာသကိုရောက်တော့ ကမ္ဘာကြီးရဲ့ပြင်းထန်တဲ့စွမ်းအင်တွေက ဝဲဂယက်သဖွယ်ကျိုးယွင်ရှန့်ကိုယ်ထဲဝင်ရောက်သွားပေမဲ့ တချို့ကတော့ပျောက်ဆုံးနေသည်။

ကျိုးယွင်ရှန့် ဆက်ကြိုးစားပြီးရှာကြည့်ပေမဲ့ အဲဒီစွမ်းအားတွေဘယ်ရောက်သွားလည်းရှာမရပေ။

အဲဒီလူမှာရော သူ့လို Lord God ကိုအမှီမပြုတဲ့ကိုယ်ပိုင်ကြယ်ပင်လယ်အာကာသရှိနေတာလား။ ဒါကကျိုးယွင်ရှန့်တွေးမိတဲ့ တစ်ခုတည်းသောအဖြေပင်။

သူ့ချစ်သူက သူ့နောက်ဘဝတိုင်းလိုက်နေသလားဆုံးဖြတ်ဖို့ ကျိုးယွင်ရှန့်မအိပ်တော့ဘဲ အခြားကမ္ဘာတစ်ခုကိုခုန်ကူးလိုက်သည်။

အခုသူကရှေးကျတဲ့ကုတင်တစ်ခုမှာလှဲလျောင်းနေပြီး သူ့ခြေရင်းခြေသုတ်ဖုံနားမှာက အိပ်ငိုက်နေတဲ့ကောင်မလေးတစ်ယောက်ရှိနေသည်။ အခန်းထဲမှာတော့ အမွှေးအိုးထဲကထွက်လာတဲ့နံ့သာရနံ့ကမွှေးပျံ့နေသည်။

ဒီကမ္ဘာကအရမ်းကိုထူးခြားသည်။ ယောက်ျား၊ မိန်းမနဲ့ ကောဆိုပြီး လိင်သုံးခုရှိသလို 'ကော' ဆိုတဲ့သူတွေက ကလေးမွေးနိုင်တဲ့ယောက်ျားတွေဖြစ်နေကြသည်။ သူတို့ရဲ့ရုပ်ရည်က ယောက်ျားနဲ့မခြားပေမဲ့ သူတို့ခန္ဓာကိုယ်တစ်နေရာရာမှာ ကျူးရှားကျစ်လို့ခေါ်တဲ့ မှဲ့အနီလေးတွေရှိသည်။ မှဲ့အရောင်တောက်လေ သားဖွားနိုင်စွမ်းမြင့်လေပဲ။

ဒီတိုင်းပြည်ကို ချူယွင်ကော်လို့ခေါ်ပြီး ယခင်ကအကြောင်းအရင်းမရှိ မိန်းမတွေကသားဖွားနှုန်းကျဆင်းခဲ့သည်။ နှစ်ပေါင်းများစွာ သန္ဓေမြုံတာလည်းရှိသလို တစ်ဘဝလုံးသန္ဓေမြုံတာလည်းရှိကြသည်။ မွေးရင်လည်းသားယောက်ျားကိုသာမွေးကြပြီး သမီးမိန်းကလေးမမွေးကြပေ။ တိုင်းပြည်ရဲ့လူဦးရေဟာ အန္တရာယ်အခြေအနေမှာရောက်လာတော့ အမတ်တွေကစိုးရိမ်ကြောင့်ကြပြီး ဧကရာဇ်ရဲ့အမျိုးသားချစ်သူကိုစွပ်စွဲခဲ့သည်။ သူ့ရဲ့ဖြစ်တည်မှုက နတ်ဘုရားတွေကိုစိတ်ဆိုးစေပြီး အခုလိုဖြစ်ရသည်ဟုဆိုကာ ထိုအမျိုးသားကိုယစ်ပူဇော်ရန်လျှောက်တင်ကြသည်။