آنْتِقام مِيرَاَل

لا تنسون تصويت وتعليق بين فقرات ♡
سرد احداث القصة : جُوانا مَحمود
آنْتِقام مِيرَاَل _ 23

_ ‏لا يزال المرء أميًا حتى يقرأ نفسه .
_________________________________________

انتفض جسمي من مكانة استمريت اتلمس بايدي وعِيوني تدور على اي مصدر ضُوء مااكو
كهرباء منقطعة والغرفة ضَلامُها داااامس وكفت امشي وكلبي اسمع دكاتة العالية بِوضُوح
واااخيراً ! وصلت للستارة فتحتها بسرعة نورت الشمس المَكان كدرت اتنفس من بعد ما كان الظلام يخنقني

جلست على كرسي المكتب لفتتني ساعة صغيرة دائرية " 10 : 9 " ما كدرت انام وحتى من اغفى افز مرعوبة من لا سبب رجعت الساعة احاول ابرد روحي حرارتي مرتفعة واحس وجهي يشع نااار مو طبيعي
طلعت تاملت البيت جَمييل رغم ماكو اضوية لَكن النوافذ كبيرة ومُتوزعة والشمس تدخل من كل النواحي كملت امشي على مهل واتلفت دخلت المطبخ سديت الباب على كيييف ما اريدة يسمعني ما اريد اشوفة من الصبح مالي خلك :- صباح الخير

ميرال :- عزززة يمةةةة لااا
الادعج :- شايفتلج جني ؟

وخرت ايدي من كَلبي صابتني جلطة مُؤقتة نسيت حتى شنو ردت اسوي كملت طريقي منزعجة وهوَ يناظرني فتحت الفريزر طلعت قالب الثلج اخذت ثلجتين غسلتهن وخليتهن على وجهي وهم احس ما فااد _ جوعانة ؟
هزيت راسي ما بية حيل احجي وبلاعيمي احسها متجرحة غمضت عيوني ارتاحيت من برد وجهي شوي
راح الثلج فجاة ناظرتة ذبهم وكمل طبخ _ ما يفيدنج بالعكس تمرضين اكثر ! ارجع واجيبلج كمادات

سكتت ونمت على طاولة هم باردة رفعني ناظرتة اشر على الاكل _ شدعووة هوااي ما اريد اكل هلكد
الادعج :- شنوو الاهوااي دشوفي وجهج شلون تعبااان ، اكللي بالعافية

اكلت بس الصراحة حللو رغم بسيط اجبان وبيض وشاي وخبز بس هوَ الجُوع يسوي اي شي حلو _ ادعج
سحب كرسي وكعد كدامي ضام ايدية لصدرة تغيرت ملامحة بمعنى " شنو ؟ " _ اني اوثق بيك
الادعج :- هاي شنو لان سويتلج رِيوك ! لَعد لو ادري هيج توثقين جان سويتلج دجاج لو سمج ولحم.......

ميرال :- مووو من الاكل شبييك ؟
الادعج :- هاا يعني بس هيج ردتي تشلين كَلبي يلا ترضين ؟ مو حتى ما خليتني انام !
_ اووي انيي شعليية هسسسة لتخليني اغير رأيي
_ لا عيني كلشي ولا تغيرينة

كالها وكاام والابتسامة مثل ميكولون " شاكـة حلكة " حسيتة ارتاح خُصوصاً من تنهد وهمس " اخيراً ! "
طلع من المطبخ كملت اكلي غسلت الصحون وطلعت استغربت من شفتة يشد قيطان حذائة _ وين رايح ؟
الادعج :- لمكان ما اطول قفلي الباب ولا تفتحين لاحد ما اطول واجي خوش ؟ ولا طلعين ابد !

هزيت راسي وكف راح للغرفة فتح الدرج طلع نقال كتب رقم وقدمة الي _ هَذا رقمي خلي يمج اذا صار شي
اخذتة اراقبة وهو يخفي الاسلحة بملابسة سحب سكينة صغيرة خلاها داخل حذائة ولبسة وثانية كبيرة خلاها بـ سترتة البُنية اخذ مشط رتب شعرة للوراء ناظرني من المرآية وابتسم كملت احاول افهم كُل هَل تجهيزات الشنو ؟ _ صافنة على جمالي ؟