‏ماينافس حبك في قلبي إلا عيونك وضحكتك

البارت 1

يوم الجمعه من شهر شعبان في بيت الجد إللي الكل يجتمع عنده في الإجازات وكل جمعه من كل شهر عند العيال تحديدا قاعدين يتجهزون للعزيمه إللي مسويها جدهم وعازم كل الديره
محمد :ولد كلمتو حقين العرض؟
فيصل :يب على ساعه ٦ يكونون هنا
ولفو وشافو العيال جو وطاحو على الأرض
نايف:اهخخ ضهري تكسر من كثر مااني مدنق (محني ظهره) اشيل في ذي الفراشات الله لا يعيد يومها
سعود:حرام بالله ان رجولي معد قادره تشيلنيي طول الوقت افزع (اركض)
نواف : ي ولد انا ماسكيني جدي شيل هاذي حط هاذي واخر شي قال انت ماتعرف تسوي ضيعه فعال الناس
فيصل :أهم شي خلصنا قبل ٥ ولا كان ذبحنا جدي
نايف :اي والله بس بالله كيف ترتيب
الجد جاهم :مشاء الله مجتمعين هنا وانا ازهم (انادي) عليكم هناك قم انت وياه
ونقزو العيال
نايف:علامه قحيمي معصب؟
الجد :الاا ي كلب أنا قحيم وضرب بشويش على كتفه
ونط نايف وركض
الجد:هههههه وين بتروح ي نويف
نايف :بعلم عليك جدتي
فيصل:ي جد ماعليك منه مهبول ذا وش كنت تبي بنا
نايف جاء:بالله عليك
الجد :والله محد عاقل ونشمي غيرك
نايف:اشهد بالله اني انجحدت أكبر جحده
الجد: آخر واحد يتكلم انت ابيك ي فيصل تأخذ معك فارس ونواف وتروحن سوق الفواكه وتجبون لنا فواكهن زينه للضيافان
وسعود وعزيز ونايف تروحون تروحن زربت (شبك الحلال معز وتيوس وضان) تخرجولنا ١٠تيوس صاحيه وكبار
الكل :ابشر
ومشو كلن متجه سيارتهم
عزيز ونايف وسعود ركبوا بسياره متوجهين للمزرعه
ونواف وفيصل وفارس بسياره متوجهين للسوق

عند البنات
كانوا يكرفون ومن مجلس لمجلس ينظفون ويخمون
سلمى:اهخ يضهري تعبت من كثر ما اخم
ملاك :والله لو اني في تبوك انه احسن لي
عنود :اشبلاكن تتحلطمن خل نخلص بسرعه عشان نجهز
جوجو:اههه
لفوا البنات كلهم عليها
الكل:علامش؟
جوجو :اهخخ اظافري توسخت واحد انكسر تعبت عليهم
ميلاذ كانت دوباه داخله بيت الجد
أخذت عصات المكنسه وركضت وراء جوجو
ميلاذ:الا ي كلبه خوفتيني واخر شي كذا علومش
وجوجو تضحك وتستنجد بامها وجدتها إللي يعززون لا ميلاذ
جوجو:عمههه افزعي عليه بنت آل جسار ناويه تذبح سميتك افزعي
العمه جواهره قامت : أنا بنت ابوي ميلاذوو حدك عاد عن سميتي
ميلاذ نطت فوق جوجو ومسكتها من اذنها ومشت بها لين عند عمتها وهي تخاصمها:عادك تسوين درامه وتخوفيني عليس حرام لا قطع اذانيس سامعه
جوجو وهي كاتمه ضحكتها الآن عارفه ميلاذ بتقوم عليها:ابشري فديتها والله إللي تخاف علي ومسكتها وقعدت تبوسها وميلاذ تدفها عنها وركضت لصنبور الماء يتراشون به وعنود وملاك يهوشونهم ويمسحون بالمساحات
والجده :تدعي أن الله يهديهم ويصلحهم
ريناد:يوههه جده هاثنتين لا اجتمعوا حاسو الدنيا حوس
عند نايف وعزيز وسعود
البنقالي :انت في يدخل وانا في لوح ي جيب حبل
نايف:روح روح ما منك رجاء ابد
البنقالي:انت أسفي يقول؟
نايف:اقول جب حبلك وتعال امسك نياق
البنقالي إللي يذل (يخاف) من النياق :ها لا انا في يوقف عن شبك انت في يدخل انت سوف هد كبيل انا في موت قرب واجد وراح يجيب الحبل
وقفوا العيال وشمرو جنوبهم ورفعوا ثيابهم ودخلوا زربه النياق والحلال
العامل حرفياً رافع ضغط سعود ونايف
وعزيز واقف يضحك ونايف خذا الحبل ودخل الزربه وجال لا تيوس النياق من فوق
عزيز:ولد مهبول انت كيف نجيلهم من هنا
نايف:مسوي فاهم انت اقول عود هلم (تعال جنبي أو قريب) وهشهم ليتي انا وسعود وانا بمسك وحد وسعود واحد
سعود:قدام
عزيز :ي صديق تعال عاونا (ساعدنا)
جاهم وهو ينتفظ من حجم النياق وشارد
البنقالي :ولله هدا في موت انت مافي مسكل موت
نايف:اقول ي مسكل تعال عونا لا اهرسك تحت الناقه
عزيز فطس ضحك:هههههههههههههههههههه
وجاء البنقالي وكل ماجوء بيمسكونها فيرها البنقالي يحسبها بتاكله
وهنا وصلت مع سعود ونايف اخرتها
سعوز:ي حمار ي نذل كنا بنمسكها الله يل***
نايف:انقلع عيني لا تراك
خرج البنقالي يتحلطم
عزيز:الله لا يقلع هالنياق كسرتنا تكسير
نايف:وعاد باقي تيوس الله يعينا
سعود :قمو خل نمسكها ونوديها صلاخ قبل يقفل معد بقى على أذان المغرب شي