‏ماينافس حبك في قلبي إلا عيونك وضحكتك

البارت 23

اشفق على شوفه وضحكه حجاجه
واشتاق له شوق المغاليق للبوح .

اخباركم وعلومكم؟
لكم وحشه
أدري زوزتها بغيبتي بس ظروف حدتني
نكمل
.
.
.سعود ناظره:وردف عاجبك اللي صار عاجبك؟
نايف:دامه منها راضي وشف اقولها لك ولكل ايد تنمد على ملاذ قطعتها ورميتها للكلاب صح ماانيب محرم لها بس قلبي محرمها ولا اسمح لأحد يفتح ثمه عليها وانا والله اني مافكرت في اني اروح اتعالج الا عشانها هي وبس
ودفه وقفها وطلع فوق
الكل كانوا سكاته يناظرون ومن بينهم سعود اللي وقف محله يناظر ولف لهم ولا ملاذ وطلع فوق وناصر طلع بعده
ام حسين:ملاذ امشي
ملاذ كانت مبتسمه تناظره وتنهدت ناظرت لا جوج
وتوجهت لمها
.
عند العيال بالمجلس
اردف ابو محمد بخفوت:نواف انقز جب سعود هو محامينا
نواف وقف:ابشر يبه
دوبه بيمشي الا دخل نايف وبعده سعود
وقف صقر وعمامه
وتقدم نايف يصافحهم
وسعود وناصر تنحنحو وتقدموا يسلمون
صقر:علومكم ي رجال
نايف جلس وتكى ع المركى:بخير مانسال الا عنك
صقر:يجعله دوم
صقر:هذي الاوراق المطلوبة جاهزه اطلعوا عليها وقعو
سعود:تمام ابي نسخه منها بعد توقيع لا حفظ الحقوق لا أكثر
صقر:الحقوق محفوظة عند الجودي مابها ميل وهجران  حنا نسل عقاب نحفظ الأمانه وعهودنا نصون وعمرها ماجات منا الزله وتردي وفعالنا دايم ثبوت
نايف ابتسم وردف:سلام يا صقر تعلى المراقيب.. سلام يا عز الخوي يا كحيلان.. شبل بنا ساسه على العز والطيب.. يرقى على العليا كما فرخ شيهان.. عز الخوي لا جا لزوم ومواجيب.. لاهل الكرم شيخ وللطيب عنوان..
الكل صفق وهم مبهورين من نايف
صقر:صح لسانك وما عليك زود ي بو سعود
سعود:عاشت اسامي سعود ي بو سعود
نايف ناظره وابتسم:صح بدنك
ابو فهد وابو سليمان وقعو البيعه وقفوا الكل يباركون لا صقر وعمامه
وردف صقر:تستاهلون الطيب ي رجال وان شاء الله ازود بها مانقصها
دخل عزيز وردف:تفضلوا الغداء جاهز
ابو سليمان:حياكم حياكم على ملفاكم
ومشوا كلهم يتغدون و خلف خذا غدا الحريم والببسي والمويه وطلع متوجه لهم
وقف ورسل
.
عند ملاذ وأم حسين
ام حسين:وش بينك وبينه؟
ملاذ:مابيننا شي
ام حسين نظرتها بحده:ملاذ انا امس وفهمس تكلمي احسلس
ملاذ ببرود:يمه هو خطبني وجدي وافق بس بشرط
ام حسين نظرتها وبنفي:مستحيل جدش وابوس يوافقون انت لولد عمس حليله
ملاذ بنرفزه:يوهه يمه اي ولد عم تتكلمين عنه حميد راعي نسوان اللي اربع وعشرين ساعة سكران مايدري اشاه من اليمنا وبعدين على بلاطه اقولها انا احب نايف ونايف يحبني
ام حسين تقدمت لها وصنتها كف:ي قليلت المروه ملاذ ليكون تقابلين ولد الناس والله لو اعزمه من جد لاذبحك
ملاذ:انا احبه ييمه ومستحيل ابعد عنه وحمد الموت عني أخذه
ام حسين:لا جاء ابوك بكلمه وشوف وجهزي عمرك بنرجع والله مقعد هنا
ملاذ طلعت بضيقه
وكأن البنات كلهم عند الباب
ومن شافوها اعتدلو
جوج:ملاذ شفيك؟؟.
سلمى:يعمري معليك اخوي غسل شراع سعود تلاقينه
ملاذ مشت وتطلعت فوق
ميهاف:عشتو يعنني الحين
جوج نظرتها وطلعت فوق
والبنات جلسوا وهم سكاته
جود دخلت لأمها وفهمت منها انهم بيمشون
وراحت للبنات
اما ام حسين  دقت على ابو حسين وثواني وصلها صوت
ابو حسين:هلاومرحبا
ام حسين:اهلين
ابو حسين:خلي البنات يفتحون الباب العيال جاين بالغدا
ام حسين:طيب ذحين أقلهم تعديت؟.
ابو حسين :على صحن الكيني
ام حسين ضحكت:بالعافيه لا خلصت تعال ابي اكلمك
ابو حسين:خير ان شاء الله
ام حسين:بوجهك وسكرت
ومشت للبنات وردفت:ي بنات وحده تفتح الباب العيال جايين الغداء
سلمى:طيب عمه ولفت للبنات:وحده تقوم يلا
جود:منيب قايمه
ملاك:تحلمون اقوم انا
ساره كشت عليهم:مافيكم فايده اصلن
وخذا طرحتها وركضت تفتح
خلف:ساعه تفتحون
ساره سكتت بتوتر
خلف:شفي لي درب ادخل الغداء
ساره يالله يطلع منها الهرجه:مافي احد روح
خلف سكت وهو يستوعب انها ساره وابتسم:اخبارك
ساره:بخير والله وانت
خلف:بخير نحمد الله
ساره بهمس:يستاهل الحمد وبعدت وعمدت وراء الباب وردفت:يمديك تدخل
خلف مشى وتوجه للمطبخ ونزل صحون إلغداء
ورجع اخذ كياس الببسي ورجع المطبخ ولقاء ملاك نازله
ملاك:وانا قول وشفيه المطبخ منور اثاريك موجود
خلف ضحك:منور بوجودك ي خوك تسلمين
ملاك:ميته جوع جاء غداك بوقته
خلف:يخسى الجوع الحين كلي وعيني من الله خير
وطلع يجيب كراتين المويه
ملاك:اساعدك
خلف:مابتقدرين
ملاك:ليه اقدر
خلف شال كرتون مويه وتوجه لها:ثقال عليك وخري
ودخل ونزله
ولف لها:يلا خلي البنات يساعدونك في صحون ودوها جوه وتغدو بالعافيه
ملاك ابتسمت:ي عافيك وباست خده
ريناد مشت لهم:اقول كنكم نسيتوا أن عندكم اخت
خلف:مالحقت انساك وسحبها وضمها وباسها ومسك انفها:وش ذي الغيره تريها اختش
ملاك ضحكت:والله لو تزوج ساره أشك انها تنام بينكم
ريناد بمزح:شدراك انيه كها
خلف:عجيب والله
ريناد بخبث:ايو والله أجل اخليك مع بنت عمك لحالك عيب مسكينه هي البنت وحيده معك
خلف:واللهي؟  بنت هذي بتكون زوجتي
ريناد:ايه ايه
العمه جواهر:بنات امشو كلو ولفت لا خلف:كيفك ي خلف
خلف ابعد ريناد وملاك وتقدم وحب راسها:بخير الله يعافيك
العمه جواهر:يديم ربي عليك الخير
خلف لف متوجه لاسيارته:اللهم امين
العمه جواهرلفت للبنات:يلا امشو
.
عند العيال كانوا ياكلون ويسالفون
ماجد:والله ان شاء الله عاد مايحتاج اوصيكم
عزيز:اول الحاضرين ي بو صقر
ناصر:الله يتمم على خير
خلف:سلام
الكل:وعليكم السلام ورحمة
حسين:تعال تغد
خلف:معكم العافيه كليت من هالفطور وشبعان
الكل:الله يعافيك
صقر ناظره:خلف انت ماسك شركه اللي في حايل.
خلف ناظره وردف:ايه أمر
صقر:لا ابد اسأل مشاء الله من أفضل شركات على مستوى المملكة
خلف:الله يسلمك ي بو عقاب
الجد ابو سليمان:ماصارت من أفضل الا بتعب وشق أنفس
صقر:الله يبارك لكم فيها
وقف وقفوا عمامه وماجد
ابو فهد :تغدو
صقر:بس والله سلمتوا وجمل الله حالكم ورحم الله والديكم ماقصرتو بيض الله وجيهكم من صغيركم لا كبيركم نستودعكم الله
وقفوا كلهم ودعهم.
وتوجهوا الشيبان يقيلون مع هالظهيره
جلس نواف:الحين نعرف ناكل صح.
سعود:اقول قم بس وراك خطبه بعد كم يوم لا تهب لك كرش تخوف بنت الناس
نواف:اقول سر امها بس بلا فلسفه.
سعود ناظر نايف.
وتوجه لا بيت شعر
وشوي وجاه العيال
سعود ناظر لا حسين اللي دوبه دخل:قفل قفل الباب حرقنا
ناصر واقف عند المكيف:الله لا يحشرنا الموت ي رجال حر
فارس:وخر خل البراد ي اجينا
ناصر جلس جنبه
سليمان:متى بتسافر لا جده ي نواف
نواف:بروح بعد بكره لا دوام
نايف:جده الموت حر
سعود:‏٩٠٪ من المشاكل اللي راح تدخل فيها الفتره الجايه سببها انك حران بس
نواف:يزينها ربي
نايف:ونعم بالله
ونسدح نايف وحط يده تحت راسه ويناظر السقف وهو يفكر فيها ضربت سعود عورتها؟.  تحس بشي
قطع تفكيره صوت سعود المطرب ويلحن:"لو يجور الوقت ي ضامر السر جوف"
فارس:الله
وكمل سعود:لو أن لقى شح الزمن به وعاندنا
ناي:ينصر دينك ع صوت
وكمل سعود:وذا الله كتبت لك عمر بإذن اللولي تشوف
وسكت من شاف عبدالله يدخل وهو ينافخ
نواف:شفيك؟.
عبدالله وهو يلهث:لعنبو حيكم انهكيت مع العمال وانتو هنا قوم من صبح وانا مقيل في شموس
سعود وقف:قمنا لا يقوم شيبان علينا
عبدالله:ابو يد وحده بيش ساعدنا
نايفوقف:نساعدك بلي لنا به جهد وحيله
سعود ابتسم وقترب يسند نايف ونايف اردف:ي ويلك تمد يدك عليها مره ثانيه
سعود وهو ياشر على خشمه:ع خشمي
نايف:عليه طيب
ناصر:حتا زعلهم لمدة دقايق فقط
فارس:دقايق محدودة
ناصر بضحك:حلوه حلوه كفك كفك
خلف:اقول اليوم  قمو
وتوجهوا العيال وهم يساعدون العمال في تنزيل وتركيب للخطبه
.
عند البنات محتاسين
ملاذ جت وهي تناظر لا فساتينها:بروح سوق انا
جوج وهي تطلع راسه من داخل الدولاب:حتنا بلاه هذي فساتين صاحيه؟
دخلت ريناد وهي لابسه فستان ضيق ومنفوش وصغير من قدام وطويل من وراء وصارت تدور حول نفسها:بلاه كيف
ملاذ:يهبل بس ماببخلونس تلبسينوه
جوج:منجدها يقعدون بحلقش والله
ريناد زفرت:اوف ماعندي غيره لبس صاحي
العمه جواهر دخلت:أو أو ي كبرها من كذبه انتم غرفكم غرف بنك الراجحي كل أسبوعين SHElN عندنا
ملاك وهي ترتب فستانها وشيااها:منجدها
ريناد:اي الحين منجدها انتي معاك
جوج :أو أو اما ذولا يبوني اكون بهدله في ملكة اختي
العمه جواهر:خلاص لا تقروشينا تدقي على واحد من اخوانك وروحو
ملاذ:امي مابتوافق!.
العمه جواهر :امك عندي روحي تقضي معليش منها
ملاذ:طيب
وراحت العمه جواهر
ملاذ:من تبي تروح اسوق
ريناد:انا
جود:حتنا ابي اخذ كعب إكسسوارات
جوج أخذت جوالها :خلوني اشوف من بيودينا
الحين
دقت على نواف وبعد
وبعد ٤رنات رد:ايوه ايوه ركب هنا
جوج:الوو
نواف:ايه حط ايوه هلا مرحبا
جوج:ي مراحب البقى
نواف:وش عندك مشغول
جوج:ودنا السوق جدتي تقول
نواف: ي خوك مشغول من معك؟
جوح:اوه وش اسوي ساره راحت للكوفير وسحبت عليه
ومعي ريناد وملاذ وفوز وجود
نواف:بشوف من من العيال يقدر يوصلكم
جوج:رد لي خبر ويويلك اسحب أعلم جدتي
نواف:افهم تهددين
جوج بصراخ:نواف بسرعه قبل يأذن
نواف:طيب وسكر
ولف للعيال وردف:عيال بنات يبون يروحون اسوق من يوديهم؟
ناصر:انا مالي خلق للفرفره
سعود:فارس رح ود اهلك فاضي لا شغله ولا مشغله
فارس:اهلي وش فيهم
نواف:انقلع ودهم سوق
فارس:ماعندكم حد غيري
نايف:للأسف انت الوحيد الكاشخ بيننا
سعود:لو نروح لا سوق وحنا بها الحال احتمال يفكرونا بنقال
حسين:شلو خواتي مع اهلك ازعجوني
شعود:محد غير ملايذ
نايف:احمم
نواف:جوج تهاوش هوشه
سعود ناظر نايف:وردف دام خواتي هناك بوديهم
نواف:بســ نايف بمقاطعه
نايف:بروح معك عشان اهلي
ناصر:اقلو اصمقتونا اهلكم أهلنا ع فكره
فارس:اي أسروو يلا
نايف وسعود مشوا متوجهين للغرفه
سعود:خل أدق عليهم اعلمهم
نايف:ايه
وتوجه للحمام
سعود دق على ملاذ شوي وصله صوت
ملاذ:هلا
سعود:بتروش ووديكم السوق
ملاذ:كويس يلا انتظرك
وسكرت
وردفت بحماس:سعود بيودينا
جود:حلوو ناخذ راحتنا
جوج:ملا انتم
ريناد بللعانه:خلاص جوج انتي اكثر وحده بتاخذ راحتها مع حبيبها.
جوج احمر وجها وهي تناظر فوز
فوز:شفو شفو وجهه احمر
ملاذ:اننننينني الحين
جوج:كلو تبن
وسكتت من شافت ساره دق
جوج:هلا هلا
ساره:جوج اسمعي تذكرين هذيك المره اللي شرينا منها للزواج محمد؟
جوج:ايه
ساره:ارسلي لي رقمها بروح لها تسوي لي اشراقات للبشره
جرج:طيب وقفلت
ورسلت لها
.
عند سعود ونايف
سعود لبس بنطلون اسود وتشيرت اسودوكاب وكان بياضه ظاهر وبقوه
ونايف لبس ثوب بني وخذ كاب ابيض وحطه على راسه
ولبس نظاره عن شمس
سعود:طلعنا
نايف:يلا
ركبوا السياره
سعود دق لا ملاذ
وماهي الا ثواني معدودة وصله صوت
ملاذ:ها
سعود:هوهي شحالك
ملاذ:بخير
سعود بستعباط:تبغين تغازليني
ملاذ:فاضي ي سعود انت
سعود:ايوه فاضي الحين اطلعي
ملاذ:تروشت؟
سعود:ايه انا برا اطلعوا
ملاذ:طيب جاين
سعود:تغازليني؟
ملاذ سكرت في وجهه
سعود:احح سكرت بوجهي
نايف:يحبك للستعباط من زينك عشان تغازلك
سعود:جمال وناغه
نايف اردف وهو ينزل المرتبه :ادري بك ناقه من زمان
سعود:ارفع ارفع المرتبه
نايف:بريح دقايق
وتوجهوا البنات للسياره
ملاذ فتحت الباب الأمامي وردفت:هاي شلونه ماغزلي
نايف رفع نظره لها  من تحت الاوسعود ناظر فيها
ملاذ انخرشت لدرجه صكت الباب وهجت
سعود: مخلي كسرت الباب مرهه
نايف رفع المرتبه لأجل البنات يطلعون
ملاذ وقفت بعد ماسحبتها جوج وتوجهت لهم ريناد وفطسو ضحك
ريناد وهي تقلدها:هاي شلونه ماغزلي 
ملاذ وهي ميته من الخيا:كلي تبن اوه
نايف:كان امشو ولا حركنا
ملاذ ناظرته
وناظرها وابتسم وخذ جواله  وخش لها خاص ويكتب...
نايف/هاي شلونه ماغزلي اجل
ونزل جواله
ركبوا البنات وردف سعود وين تبون اي سوق
ملاذ :المول الكبير
سعود:اك
وحرك
ملاذ أخذت جوالها ناظرت في نايف بعد ماقرت رسالته
وكتبت... /تغار من اخوي؟.
نايف اول ماوصلته رسالتها فتح وصاروا متصلين
وكتب.. /‏اوعدك تلقاني جنبك وأحتويك
‏يوم غيرك كان حلمه .. اوعده
‏إيه اغار وما أبي احد ، يجيك
‏حتى ظلّك لو اطوله ؟ ببعده
‏قلبي مثل المملكه وإنت المليك
‏يعني قلبك واجب اني اسعده
‏ما ابيك تروح عنّي ، بس ابيك
‏تقرا ثاني بيت وإفهّم مقصده.
وناظر لها من المرايه ونزل جواله
ملاذ فتحت وابتسمت وهي تقرأ بحب

.
نوقف هنا ولنا لقاء ثاني
اسفه ع البارت صغير لكن والله ابشرو بالعوض بالبارتات الجايه
كومنت ونجمه تحفزني جدا 😩🤍.
احبكممم