‏ماينافس حبك في قلبي إلا عيونك وضحكتك

البارت 28

رن جواله وقعد من شاف المتصل اخوه:ي مرحبا تو مانورت شاشة الجوال
:شحالك ي بو حسين
ابو حسين:ينشد عن حالك ي بو حمد
ابو حمد:رجعت للديره وسمعت أمور ماعجبتني منجد خلفت من الميعاد إللي بينا  بعد ماكانت بنتك مخيره لولد عمها تروح تعطيها لولد قبيلة ذياب ولد عمها إللي أولى بها من الغريب تتركه
ابو حسين:ي بو حمد انا ماقلت شي ابوي اللي قال ي خوك ودنيا قسمه ونصيب وان كان لها خير بحمد بتاخذه ونكان لها خير با نايف بتاخذه
ابو حمد:وما لقيت الا نايف هذا قليل المروه  أجل اسمع ي فهد وحط كلامي حلقه بذنك أن زوجت بنتك لا ولد سليمان إنسى أن لك بدنيا اخ عايش واخر كلام لي معك هذاوهذاني علمتك
ابو حسين:ي خوي حنا إخوان والكلام ذا ماله داعي ي حسين
ابوحمد:سمع ي بو حسين الكلام اللي يجمد على شارب  بعد رمضان ليلة العيد تكتب كتاب ملاذ وحمد ولا تراك خسران اخوك
ابو حسين تنهد:ابشر ي خوي
ابو حمد ابتسم:سلم راسك ايوه وانا اخوك البنت أولى بولد عمها تعطيها الغرب انا ولد أبويه نابوه المهم ابوي لا يدري وسمع
ابو حسين:ها
ابو حمد:حول لي 5 الف امشي بها حالي
ابو حسين:ابشر
ابو حمد:هيا حولها يلا اليوم وسكر
وتنهد ابو حسين:يالله عسى تالي اليالي اجودها
.
.
عند البنات من جو وهم قاعدين بالمطبخ وأم حسين معها الخيزرانه وكل ما وحده تاففت ولا قالت شي شبطتها بوحده
جود:يمهه خلاص تعبنا
ام حسين:خلصي خلصي
فوز:نبي استراحه
ملاذ:نظفوا وتاخذون استراحه
جود:ملاذوو وش هالسرعه اللي عندك خلصتيها بثواني خذي ذي نظفيها
ام حسين:ملا ملاذ شغلها نظيف وصاحي اطلعي ي ملاذ
جود:يماااه 😩
ام حسين:وصمااااه خلصي وخلي شغلك سنع
ملاذ طلعت وهي تسوي حركات للبنات تقهرهم بها
فوز:شفويها يمههه تقهرنا
ام حسين:مالك ومالها خليك بحالك وخلصي
ملاذ:هههههههههههههههههههه
جود طاحت على صحونها ميته ضحك:هههههههههههههههههههههههههههههههههههه واههه ي بطني
وشبطتها امها وحد وردفت :يماااه اي هه
ام حسين:الصحون الصحون كسرتيهم
فوز:هههههههههههههههههههه دوبها تضحك علي وتتشمت وربي وراها
ام حسين:اقول انتي نظفي وانتي ساكته
جود:القم
فوز:اص اص
وقعدوا يغسلون المواعين سكاته
.
وفي الديره قبيلة ذياب
وتحديداً بيت الجد ابو سليمان
كانوا كلهم ينظفون المواعين يسولفون
جوج:شوفوا ملاذ وش مرسله.
عنود:وشش
وفتحت جوج المقطع وفطسوا ضحك على أشكال البنات وخالتهم
جوج:خالتي مابطلعهم من المطبخ الا مستوين
سلمى:الحمد لله على نعمت جدتي هددتنا ذحين بس ماضربتنا
سمعوا صوت جدتهم جايه ومعها الخيزران تضرب به بالجدران
جوج:جاك الموت ي تارك الصلاة
الجده ساره :وش ذا الضحك
ما قلت اطهفو الصحون وانتوا سكاته ونظفوها تبون امغط الوحده اللي تقول امين؟؟..
جوج:انا في وجهه الله
ومغطتها جدتها وردفت :ايييه اوح
الجده ساره :بروح وبرجع ونجيت ولقيت ذي مكومه هنا ماتلومون الا نفسكم ساره ي سميتك الحقيني بالقهوه
وطلعت تقهوا
ساره:ابشري ي جده
جوج:هذي نتايج التشماته
سلمى:اي والله
وسكتوا يغسلون ويحاولون يخلصون بسرعه
.
.
وفي بيت خلف كانوا ينظفون على رواق لا ضربي ولا ضربك
ملاك تدندن:عديت بالمستقلي من نايفات العدامه
ريناد:من نايفات العدامه عديت بالمستقلي
ملاك:ويا نجمت الصبح يلي سروا عليك النشامه
وبهاج جاء يرقص إلين عندهم
وابتسموا وكملت ريناد
ريناد:سروا عليك نشامه ينجمت الصبح يلييييييي
بهاج:تتتت ترم ترم ترم ترم تترم
ملاك:الله هالله عاش
غرام جات بعد ما حطت الحلا والقهوه
:الله الله عاشو
بهاج يرقص ويغني:وأخيل برق يسلي لا لاح وسط الظلامة
لا لاح وسط الظلامة وأخيل برق يسلي
عديت بالمستقلي من نايفات العدامة
من نايفات العدامة عديت بالمستقلي
ريناد قامت ترقص وتهز
شوي ويدخل خلف ويضحك ويناظر في ريناد  وبهاج اللي يرقصون ويدفدفون بعض
وغرام تصورهم
وملاك تضحك عليهم وشوي ويدخل خلف
وصاحوا
والكل يغني:يا خوي واعبرة لي منها عيوني سقامة
منها عيوني سقامة يا خوي واعبرة لي
أبكي ولا أحدٍ فطن لي راعي الهوى ما يلامه
راعي الهوى ما يلامه أبكي ولا أحدٍ فطن لي
عديت بالمستقلي من نايفات العدامة
من نايفات العدامة عديت بالمستقلي
غرام وقفت تصوير ورسلته لا قروب البنات وردفت:عشتو ي اخواني هيا تعالوا مسويه حلى وقهوه تقهو وحلو بعد ذي المسيه الجميله
ضحك خلف وحط يده على كتف ملاك وسحبها ومشى ولكل معه للمجلس يتقهون
.
عند ملاذ سوت حلى بالكرز وجلست وامها وجدها وابوها وجدتها حولها
ونادت ام حسين البنات
وبدو يتقهون وياكلون حلا
فوز:الله يجمل حالس ي ملاذ فكيتينا من كرف المطبخ
ملاذ:في الخدمه
ام حسين:بروح اشوف ان بقى شي قسم اخلي الحوش عليكم بعد
جود:والله ان حتى درجت المطبخ نظفنها نظفه
ام حسين:كفو بناتي
الجده هبه:صنع تهاني مايخرج لا سنع
ام حسين:الله يسلمك ي يمهه
ابو حسين:اشوف نسيتني ي والده
الجده هبه:نساك موتك يمك مانسيتك
ابو حسين:بس ذا الحلا حالي وان كثرت بيرفع سكر
الجد ابو فهد:أبويه عليك ي ملاذ مايجي منك إلا الحالي من حلاه ماودك الا تلحس الصحن كله بس سكر
ملاذ:جعل طعمه احلى من شكله بالعافيه
.
في ألمانيا 3 م>>>
جالسين في صاله ويتابعون فلم
سعود:أو أكبر عليه ذبحها
نايف:مركز على هدافك ي روع
سعود:شوف شوف اوهههي
نايف:وجههه كنه وجههه نويصر
هههههههههههههههههههه
سعود:هههههههههههههههههههه هههههههههه
نايف:خل ندق عليه جبت شريحه؟
سعود:ايوه جبت ثنتين
ناسف:هاك ركبها بجوالي
سعود مسك الجوال وهو يركب شريحه وخلص:هاك
نايف:اسلم
سعود:حافظ أرقام اهلك
نايف:مخزنه بالجهاز
سعود:حلو دق دق على نويصر
نوريه شبيه
ودق وبعد ٧ ثواني جاهم صوت
ناصر:الوهه
سعود حط كتم صوت وردف:بنمقلبه
نايف:هههههه كيف
سعود:خلها علي
ورفع الجوال وشافه مسكر الخط ورجع دق
و٣ ثواني وصلهم صوت
ناصر:يبوي من
سعود بصوت انوثي:الوووه
ناصر:هلا مرحبا من معي
سعود مكمل:احم اا نرمين انت مين
ناصر:احم هلا تشرفت
نايف بهمس:او علطول تشرفت
سعود مكمل:مين انتا
ناصر:انا ناصر وانتي مين ورقمك من خارج المملكة
نايف:قفطنا
ناصر:سمي
سعود دق نايف:لا يروحي دي صحبتي اويه حنا مسافرين الخارج نكمل دراسه انا من ابها
ناصر:بالله الله يوفقس
سعود:انا اسفه ترا دقيت بالغلط
ناصر:دقي بأي وقت بالخدمه
سعود:ي ربيه حبيتك مره
نايف مسوي صوت انوثي:نريمين منو تكلمين
سعود:لعنبو بليسس اسكتي
ناصر:هههههه خليها تتكلم شفيس علاها
سعود:حبيتك مرههه
ناصر:تحبس العافيه ي ملي
سعود:حبيبي صوت ابوي بسكر
سعود:ي روحي تمام سكري ودقي باليل انا فاضي وذا انتي فاضيه
سعود:اوتسيه
ناصر:ارحمس الله
سعود:ههه
نايف يحاول يكبح ضحكته قد مايقدر لدرجه وجهه قلب احمر
ناصر:علامس
سعود يكبح ضحكته ويكمل:لااااااااا هه ههههه حبيبي
وسكر نايف الخط وطاحوا ميتين ضحك
نايف:اوتسيهه هههههههههههههههههههه هههههههههه
سعود:ي رحمس الله هههههههههههههههههههه هههههههههه
نايف:هههههههههههههههههههه ي بطني وذا علطول استجاب قلبه رهيف بالحيل
سعود:مسوي طالع منها هههههههههههههههههههه
نايف:هههههههههههههههههههه كثر له من روحي وقلبي والله احسه لا يجي ألمانيا هنيه
.
.
عند ناصر قفل وهو مبسوط حط جواله في جيبه ومشى وهو متوجه للبيت:ي مدلع بسك  ي مدلع بسك دلع ياغزيلي حسبي على من دلعك
ارحم محب مبتلي ومضيع عمره معك
يلايليلي لااااا ليييي
ودخل
البيت
ملاذ:حيييي
ناصر:الله يحيتس
وتوجه يسلم على جده وابوه وجدته وأمه وصافح خواته وجلس
ابو حسين:وين كنت بوه
ناصر وهو ياكل من الحلا:كنت عند العيال وبعدين طلعت وديت السياره عند البنشري وجيت
ابو حسين:يذي سياره كل يوم وفيها عطب وش حادك عليها روح المعرض وخذ لك غيرها
ناصر:القلب ومايهوا
ام حسين:مالت عليك اقول بيعها وخذ لك سياره صاحيه تروح بها لا دوامك وخل عنك الكذاب
ناصر:ابشري المغرب ارن لي مرسيدس آخر موديل
الجد ابو فهد قام:انا بروح اريح صحون المغرب
وقف ابو حسين ابيك ي بوي شوي قبل لا تنام
الكل يناظر ابو حسين وسكتوا وردف الجد ابو فهد:تعال
ومشوا ودخلوا المجلس وسكر ابو حسين الباب
وردف الجد ابو فهد:علامك ي بوك
ابو حسين:يبه حسين راد الديره
الجد ابو فهد:حياه الله ديرته وبين أهله وإخوانه
ابو حسين:اكيد يبه بس عرف بأنك بتعطي ملاذ لا نايف وزعل وقال لي أن عطيتها له لا اني اخوك ولا اعرفك وانا ي يبه مقدر أضحى بخوي وافقده للأبد
ابو فهد عصب:كيف يقول لك الكلب كذا ما قلت له ولدك علومه كلها ردا في ردا وانا ادري بوه داري وراضي عن صياعت ولده وخله انكان يبي ذاك الدرب والله مايلحقه غير ظله وقله وابوي مايبي شوفك لا انت ولا ولدك الصايع انا مجنون اعطيه حفيدتي لا ولده الصايع
وعلمن يجيك ويتعداك أن مشيت وراه وطاوعتها تراك خسرت ثنين بنتك وابوك
ابو حسين:ليش دايم مخير بس ابشر يبه مايصير خاطرك الا طيب
ابوفهد:سلمت ي بوك ورح قيل ولا تشيل هم بكره بيجي وبوقفه عند حده
ابو حسين تنهد:إن شاء الله
وطلع ولقاء الكل يناظره مستغربين ورفع نظره وناظر بنته ومشى لا غرفته
ولحقته ام حسين
وردفت الجده هبه:اجلسوا جبتو لي دوخه
وجلسوا وهم مستغربين من صراخ جدهم
.
.
في بيت العمه جواهر كانوا جالسين يتقهون
وليال كل ماصبت لها كأس شاهي شربه عليها عزيز وكانت متنرفزه منه وهو يضحك
العمه جواهر:الشاهي مو زين للحمل
ليال :ايهه
عزيز:مابي الا عافيتها اللي مادورها هالبنيه
العمه جواهر:الحين انتي في شهر كم ي بنتي؟؟.
ليال:في أواخر شهر 7 وبدخل الثامن في رمضان
العمه جواهر:الله يبلغنا رمضان على خير ونشوف ولدك بينا
عزيز:اللهم امين
ليال:برد عزيز خفظ المكيف
العمه جواهر:المركزيه مرههه بارده
عزيز:في غرفتنا ابو صوت ذاك ماأحب المركزيه تسمع البوريات وصوات الناس ووو
ليال:منجد
العمه جواهر:هو بس هذي صاله اللي فيها مكيف مركزي والباقي ابو صوت على قولك
ليال:هههههههههههههههههههه
.
.
.
انتهى
كومنت ونجمه تحفزني جدا لا اكمل لكم
وحس بالشغف وكمل و السموحه لو طولت عليكم
.
اللهم إني أستغفرك لكل ذنب يكون في اجترائه قطع الرجاء، ورد الدعاء، وتوارد البلاء، وترادف الهموم، وتضاعف الغموم
.