‏ماينافس حبك في قلبي إلا عيونك وضحكتك

البارت 52

على الوسايد نبني احلام من ثلج
وليا اشرقت شمس الضحى ذوبتها...
وعند علي اللي صحى وتروش ولبس طلع
وهو يشوف متجمعين على سفره ومعهم ابراهيم
علي:اوووه إبراهيم موجد أسفرت ونورت ي ابو هيثم
وقف ابراهيم وهم يسلمون على بعضهم بحراره وشوق
ابتعد علي رادف:من متى جيت
إبراهيم:بعد صلاة الفجر بنص ساعه دخلت شفتكم رقاده وامي كانت صاحيه
علي:ي مرحبا ي ابو هيثم وحشتنا ولمعذره ي اخوك جيت من صلاة وعلطول رقدت
إبراهيم:عوافي ي اخوك ابقيت
ابوابراهيم:اجلسوا ي عيالي
توجه علي يحب روسهم ويصافح البنات
وسموا وبدوا يفطرون
.
وعند قبيلة آل جسار
الكل ملتم حول سفره
يفطرون
ابو حسين:سعود كيفك حرمتك وامك يشكون لك
سعود:والله بخير ي ابوي ابد ألم وصخونه مالقت بي خير بس ابشرك ذحين بخير اشيل على كتافي جمال
ابوفهد:سلامتك ودامك تشيل الابل اسرح لها
ضحك سعود:تبشر
وردف ناصر:اقول ي جد
ابوفهد:لبيك
ناصر:لبيت حاج انت وابوي دريت انكم محتاجين موظف كـ مساعد لكم
ابوحسين:اي والله ي ابوك نبي لكن نبي لنا واحد ثقه مايلحس اللي ورانا ودونا
ناصر:انا لقيت رجال شهادتي فيه مجروحه وانتم تعرفونه ورجال ماعنده لف ودوران
ابوفهد:نعرفه ومنهو ي ابوك
ناصر:علي
ابتسم سعود:والله ونعم وعلي كفو وماضني بتلقون احسن منه
ابوحسين ابتسم:عز الله ولكن الولد يبي وظيفه قال
ناصر:اي والله وعلى اني من امس قايل لكم لاكني نسيت
ابوفهد:ابد ي جدك اعزمه على الغداء ونتفاهم
ناصر:تمام
وكملوا فطورهم
.
وعند البنات
ملاذ:يومه نبي نروح بليل عند بنات خالي
ام حسين:طيب بس كلموا ابوكم
جود:تمم
ولفت ام حسين لا سديم:وانتي يمك
سديم:بكلم سعود إذا وافق رحت
ام حسين:زين
وجلسوا يفطرون وام فهد جالسه تخاصم على البنات بسبب نحفهم رادفه:دقوا من صحن قديتوا لحم بعظم
ملاذ:جده والله ناكل وبعدين المتن جاف
ام فهد:انتي اسكتي
سديم ضحكت:ههههههههههههههه
ملاذ:الله يسامحك ي جده
ام فهد:ي خوفي نايف يردك لنا وانتي كذا
سديم:لا ي جده
ملاذ:نايف بموووت بحماي مستحيل تركني
ام حسين:افطروا افطروا
فوز بهمس لا جود:ينصر دينها مليذ حولتها عليها
ضحكت جود ودقوا بعض وكملوا ياكلون
.
وفي قبيلة ذياب
وبعد مافطروا الكل توجه الدكاكين بطلب من أبوسليمان
نايف كان في البقاله
عبدالله في دكان البن
نايف جلس وهو يناظر الاطفال اللي يلعبون وناس رايحه جايه
دخل ابو حمود:سلام
نايف:وعليكم السلام ي هلا
ابوحمود:عطني كيس سكر وحليب لونه وكرتون بسكوت شاي
نايف: ابشر
توجه وهو ينزل طلبات
وحاسب وطلع
وجلس نايف يدندن وفجأه رن جواله رفع وهو يشوف اسم  يارب اجعلها نصيبي ضحك وهو يرد رادف:هلا ي نصيبي اللي ملك قلبي من أقصاه لأدناه
‏وسنين عمري قبل أعرفه حسوفه
ملاذ:صح الله لسانك ي شاعري
نايف:يروح شاعرك والله أي اخبار حبيبت قلبي
ملاذ:بخير بس مزعليني
نايف:افا منهو قدر يزعلك والله لقلب عليه الأراضي
سكتت بخجل وردفت:جدتي تقول...
وضحك نايف رادف: قولي لها نايف ماعذبه الا منحنيات جسمك
استحت ملاذ وسكرت الخط
وضحك نايف ونزل جواله:عذرك حياك
.
وفي قبيلة عقاب
بعد الفطور طلع صقر وقبل لا يطلع وصى الكل على مها والكل منصدم من وصاه ماعدا ام عقاب اللي تعرف بحملها وسبب والوصى
ام حسن:طول عمره جلمود مايهزه شيء واليوم ساحره ذي غيرته علينا
دخلت مها على كلامها رادفه:اذا في ساحره فهي انتي واحترمي نفسك ي عجوز النار واذا انا غيرته فهو زوجي وكيفي
ام حسن:انا عجوز النار ي ساحره ي بواقت الرجاجيل
تكتفت مها وضحكت بسخريه:اي انتي وذا انا بواقت رجاجيل للحين مابقت رجلك للحين وذا على صقر يكون بعلمك نصيب ساقني له وساقه لي
شهد:اقووول انتي هييي كيف تكلمين امي بالطريقه ذي
مها:عفوا منك كيف تبيني اكلمها الأني حاولت اكلمها بلغتها اللي تفهما واشوف ان مشيتها صح
ام سيف:صلوا على النبي ي ناس وتحاشموا
مها:ماخلت ذي العجوز هي وبنتها فيها حشيمه وعلم يوصلهم ويتعداهم انا ساكتت لها ولا بنتها لجل عين جدتي ام عقاب ولعيون صقر لكن لو عاد اسمع انهم غلطوا علي سوا في قفاي وجهي معليش بخربها معاهم وهي اصلآ خربانه
شهد وهي تناظرها بغرور وثقه:هههه حبيبتي صقر ماخذك تسليه يعني أيام ويطلقك وياخذني انا
مها ضحكت بسخريه وهي تمرر يدها على بطنها:ي شيخه حلوه ثقتك بس احب اهدمها مستحيل صقر ي طلقني وانا شايله بحشاي بكره
وطلعت تاركتهم بصدمتهم
شهد نظرتهم بصدمه:حاااااااامل هاذي؟
ام سيف بنفس صدمه:اي الله يتمم لهم على خير
وطلعت وتركتهم
.
وعند مها طلعت جناحها بغضب
رادفه:هين ي شهدووو ان ماوريتك ماكون بنت محمد الفاهد انا اوريك جلست بغضب وهي تهز رجلها وكلام شهد يرن في مسامعها ابتسمت بمكر رادفه:أجل تبين تكملين دراسه هين هين ي شهد الزفت
وعند ام عقاب اللي دخلت عليهم رادفه:وشششش مهببين انتم؟
ام سيف:ولا شيء ي عمه يسولفون
ام عقاب:ساميه اصدقيني القول مها طلعت معصبه وش قايلين لها
ام سيف حكت كل شيء
وام عقاب توجهت لا نوريه وشهد وغسلت شراعهم وردفت بغضب:سكتتت لك كثير انتي وهيييي لكن ذحين تقشون قشكم وتنقلعون من بيتي يتعذركم
نوريه ناظرتها بصدمه:وش تقولين
ام عقاب:وولدي اذا يبيك يلحقك ولا ورقت طلاقك توصلك
شهقت نوريه وجهشت بالبكى:لااااا تكفين ي عمه لا تخربين بيتي
ام عقاب:أجل أخليك شاغله عندي تخربين بيوت الناس يلي ماتخافين الله انتي وبنتك الكلبه  شووووق شوق وينك
دخلت شوق:سمي ي جده
ام عقاب:دقي لي على عمك ابراهيم
شوق ناظرتهم وردفت:ابشري جده
ركضت ام حسن وهي تطيح عند رجولها:تكفين ي عمه تكفين الا بيتي لا تخربينه
ام عقاب:اسمعيني زين انتي وبنتك اخر مره اقول وكرر عليكم صقر وحرمته لا تعرضون لهم لا بكثير ولا بقليل اخر مره ي نوريه انكان ماتبين تخربين بيتك
طلعت ام عقاب بغضب وشوق وقفت:جده عمي يقول عسى ماشر هذا هو على الخط
ام عقاب أخذت الجوال رادفه:ابراهيم يمك ابيك اليوم تسير على قبيلة ذياب وجسار وتعزمهم على بعد بكره عشاء بسوي لابنتي مها
ابو حسن لحظ صوت امه الغاضب رادف:ابشري ي جنتي بس علامك معصبه
ام عقاب:ولا شيء يمك مير الخدم صايرين يرفعون ضغط
ابو حسن:ابشري بلي سفرهم ويجيب اللي أطلق منهم يعقبون يرفعون ضغطك وانا حي
ابتسمت ام عقاب رادفه داخله(لو تدري وش تهبب به حرمتك وبنتك انك لسفرهم خارج حياتنا) :لا يمك خلهم يترزقون الله وبسنعهم
ابو حسن:زين يمه زين وشهد ونوريه ماهم مقصرين ان شاء الله
ام عقاب:أن شاء الله يلا يمك فداعت الله
ابوحسن:في داعت الكريم
مدت جوال لا شوق رادفه:شوق انتي العاقلة ورزينه اللي احبها مها ي شوق لا تخلينها بحالها
شوق:مايحتاج ي جده مكانها الا اخت رابعه
ام عقاب ابتسمت:كفو يمك ليت شهد خذت من طيبك نصيب
شوق:لا تزعلين وتكدرين خاطرك ي جده شهد وعمتي نوريه يتنفسون مشاكل
ام عقاب:والله لو مو ولدي وحسن اني لاقضبها هي وبنتها الباب لكن الحشيمه لعمرها وزاد والملح
شوق:يزين الله الحال
ام عقاب:يلاا نروح لامرت صقر لا تقعد لاحالها
شوق بتردد:بس صقر مايرضى حنا نروح جناحها ي جده
ام عقاب:دامك معي تعالي وهو يخص العهور ذيك
ابتسمت شوق وهي تمشي مع جدتها
.
وفي قبيلة ذياب تجمعوا العيال على الغداء وسواليف وضحك اردف فواز بعد تفكير طويل:ي جد ي ابوي
رفعوا روسهم كلهم يناظرونه
تنحنح وردف:ودي تخاويني قد الخوال ابخطب اخت خالد
ابتسم ابو محمد:زين ي ابوك
ابو سليمان:عقب المغرب مشينا بس دق وسأل اذا بعده هنا ولا سافر
فواز:ابشر
نايف:والحين نقول بدا ينقضي سلسال العزوبيه
بهاج:لا ابشرك مازال انا وفصول وفارس مازلنا ننعم فيه
ابومحمد:دور يمشي
فيصل:يجنب من عندي ويتعدا
ابو محمد:افا ي ذا العلم
ابو سليمان:والله ي فيصل انت أشر وطلب وانزوجك ي ابوك
فيصل ابتسم بحيا:أن شاء الله
بهاج وفسه:ي ناكر العشره شعندك
فارس:حسبي الله خلاص حتى انا بتزوج
بهاج رفس:طس انت ثاني مالت عليكم
فارس ضم رجله بوجع:خيرررر تقل مزوجينك انت
ابو سليمان:اصهه قر انت وياه
الكل سكت وعم الهدوء
نواف اردف بعد صمت : وانا اقول بعد صلاة العشاء نروح لابو ريم نملك
ابتسم ابو سليمان:وهذا صواب
ابو محمد:مهرك جاهز
نواف:اي نعم بس اسحبه من صراف
ابو سليمان:الله يتمم لكم على خير
الكل:امين
وكملوا غداهم على سواليف الخطبه لا فواز و الملكه الريم
.
وعند قبيلة آل جسار كان الضيف اللي عندهم علي اللي اول مره يحس للأماكن اللي يروحها طعم
اردف ابوفهد:زارتنا البركه والله يالله تحي ابو حمزه
ابتسم علي:ابقيت يالعود
وبعد القهوه سواليف اردف ابو حسين :انا بولدي علمني ناصر عنك وانك تبي وظيفه وحن عندنا وظيفه ولا بلاقي كفو غيرك اثق فيه انت شهم ومطلق وعلمك غانم وابيك مساعد لي في شركه بختصار يدي اليمين إللي لا مالت دنياي سندت نفسي عليها
ابتسم علي بكلافه رادف:ابد ان قالها الله وتوظفت عندك فأنا عصام ومعكازك اللي مايعصاك وعرف ي  عم اني قبل كل شيء اسويه اخاف الله خالقي
ابوفهد:والله ونعم فيك وهذا العشم فيك يابوك
علي:سلمت
ابو فهد:امورك كيف وحالتك كيف ي ابوك
اختصر علي كل شيء في جمله:‏الرزق مكتوب والضيقات منفرجه
‏والحمدلله دام الاحوال مستوره
الكل اردف:يستاهل الحمد والله
ابو حسين:أجل ي ابوك جبت اوراقك معك
علي:في سياره خلني اجيبها
سعود:اجلس والله مايجيها الا انا
علي مد له مفاتيح ونزل سعود جاب الأوراق وجاء
اخذ ابو حسين رادف:اعتبر نفسك من بكره موظف وباشر عملك
علي:لي شرف والله ي عم والله يقدرنا على رد الجميل
ابوفهد:انت بحسبت ولدنا وتستاهل
ابتسم علي:أجل اترخص انا
ابو حسين:والله مادوك غداك اليوم عندنا اقعد تغد
علي:لا سلمتوا وكثر الله خيركم بمشي
وبعد حلفان عليه جلس وكملوا سواليف
وفي مطبخ ام حسين:جود خذي السفر وفرشيها في مجلس صغير
أخذت جود الببسي والمراعي وزبادي وشطه وسلطات وطلعت
وام حسين تنكب الغداء
ارسلت سديم لا سعود باجي للغداء
اللي اردف:قموا غسلوا الغداء جهز
وقفوا وغسلوا وكان علي اول واحد اردف ابو جسين:رح ي علي ي ابوك للمجلس ذا صغير
ناصر:البيت بيتك ي اخوك
علي توجه لمجلس وقف بلخمه وهو يشوفها طالعه من جلس وضربت فيه رفعت راسها وشهقت بخرشه وركضت
وقف مصدوم
تقدم ناصر:تفضل ي ابو حمزه حياك
دخل علي رادف بهمس وهو للحين شكلها مرسوم قباله:ترفقي بقلبي ي صدف ورحميني
وصف جود في ذا اليوم
كانت لابسه بنطلون رصاصي وبلوزه سوده و شعرها كانت رافعته على فوق وتاركه خصل عنيده على نحرها وجها خالي من اي زينه كانت ربي كما خلقتني وبطيبعه نسفت عقل علي نسف
جلسوا وبدوا يتغدون وعلي شارد البال والفكر
ناصر:علاوي وين وصلت
ابتسم علي: ابد
سعود:تغد تغد
وبعد دقايق وقف علي:كثر الله خيركم وجمل الله حالكم
ابو فهد:تغد ي ابوك
علي:تغدت معكم العافيه شبعت الحمد لله
سعود:ي رجال كنك قطوه وش تغديت اقعد
علي بهمس ابحافظ على نفسي افكر تزوج ولا بي يلاحظون بي كرش
ضحك سعود:ههههه لعبها صح
علي:افا عليك
وبتعد وهو يغسل وشرب شاهي ينتظرهم يخلصون يستأذن
جلسوا وتقهوا وقف علي واستأذن وطلع وهو كله ينبض بالحب وقلبه ابد مب في محله
.
اما عند جود المنهاره فوق وهي تسب وتشتم نفسها دخلت سديم:جودي يلا الغداء جاهز
جود:ماابي
سديم لاحظت صوتها الباكي سكرت
الباب ودخلت:جودي وش فيك يروحي ليه تبكين
جود حظنتها وعلمتها كل شيء بفشله
سديم ابتسمت على جنب:عادي يروحي لاتبكين تصير الصدف ذي ودامها بالغلط ماهيب شيء لكن المرات الجايه كوني حريصه
جود:شكلي يفشل شافني كذا
سديم:سم الله عليك قمر يروحي وتقولين شافك قبل بكامل زينك
جود بخجل:اوهه سديم خلاص
سديم ضحكت:هو خوي سعود صح
هزت راسها بي ايه
سديم:خلاص بتجي أيام ونسمع ي عم جيتك لحد بيتك
دخلت ملاذ تكمل شطر:ليد بنتك انا تقدم
وكملوا سديم وملاذ وهم يضحكون :على الملا بشرع الله ونص دين باتمم  يمرادي هواء فؤادي طلبتك قولها لي تم
حذفتهم جود:انقلعوا
ضحكت سديم وهي تحضنها رادف:قومي تغدي يللا
ملاذ:وش سالفه
سديم:ولا شي بس زعلانه مني
وقفت جود غسلت وجها وطلعوا يتغدون
.
والعصر العيال عند الحلاق
سعود وهو ملاحظ توتر فواز وهو مستغل وضعه اردف للحلاق ي مدير حلق على صفر
فواز:سعود عويض الله من شرك فكني
سعود ضحك:ي رجال وش فيك مسبت تقل حرمه فكها وستهل
نواف:ههههههههههههههه منجده
فواز:وكيف تبوني اسوي
سعود:ابد عندي ننتظر سواتك
سعود توجه للسيارة وهو يشبك بلتوث ويشغل شيله ويرفع صوت للاخير وردف:هيا ي رجال
ضحك بهاج:هاذي طغوس لكل عريس ههههههههههههههه
فيصل توجه لا سعود وهو يلعب معه
وسعود يغني:والله ولو قيدوني قيد الجمل بسلاسل اني لقطع القيد وسري وتبع طريق المحبين
والكل شبك معه في الجو حتى فواز نسى توتره وقام يلعب
وبدأ الاستهبال والمزح وبدت اجواء تصوير وبعد دقايق وقفوا بتعب
نواف:سعود مأمنه أثنين
سعود:انشهد
ضحكوا وبدأ الهندي يحلق لهم واللي يخفف وبعد فتره طلعوا
وردف سعود:ي عيال تروكم معزومين ذلحين على حسابي في افخم كوفي هيااا قولوا تم
الكل تم
سعود بضحك:مافيكم واحد يرفض
بهاج:نسعى في تطفيرك والله يقوينا
فارس دفه:عودت حرمته انت
بهاج حذفه بنعال كرم القارئ
والكل صار يتاحذف
نايف:سعود اجلس متصاوب انت
سعود:ي رجال معليك
نايف:وين معلي يجي واحد يحذف وتجي في ظهرك الا انت مايت
سعود ابتعد بتعب وضحك وردف:اركب خل نسحب عليهم
طبعا هم كلهم جاين مع سعود ونايف بالجيب والافلون
ركب نايف سيارته وحرك
وسعود كذا
والعيال وقفوا مصدومين يناظرون
وبعد فتره لبسوا نعالهم وهم يسبون ويلعنون فيهم
فارس:اقل شيء كان خذوا العرسان
فواز بغضب:هم خلوا فيها عرسان
نواف:لا رحم الله من رحمهم انا اوريهم
وكملوا العيال يمشون على رجولهم راجعين الديره إللي تبعد عن الحلاق والاماكن التجاريه بنص ساعه
اما سعود توجه وهو يشري كودرد وريتا مشروبات طاقه تبرد عليهم مع الحر وبعد ماخلص دق على فواز اللي رد بغضب الدنيا:والله ي شيخ ان ماوريتك ولا ماااني برجال
سعود وهو يشرب كودرد:افا من مزعل المعرس
فواز سكت وهو يكمل مشي
سعود:انا ادور لك الراحه ي رجال ابيك تمشي وتتنشط لا تزوجت ولا انت قادر تسابق الخيل على الفرش
فواز:حسبي على شيطانك
سعود:ناظر وراك بالله
وقفل وهو يمر بسياره من عند العيال اللي صرخوا عليه يبونه ويوقف وهو دعس
وحذفوا عليه نعالهم كرم القارئ
ولفوا هم يشفون نايف وصرخوا يبونه يوقف لكنه عطاهم تحيه ولحق سعود
نواف:هيااا كيف الحين
عزيز:مالنا الا نمتر الخط قبل يأذن وجد بينقلب علينا
بهاج:اي والله كل شيء الا صلاه لاتتخر عليها ولا على صفوف أولية من مصلين
فارس:مااانا واصلين ي عيال حسبي على سعود ونيوف تبن
ناصر:لا تحسب ي ورع وامش وانت ساكت
فواز:حظ من دفن سعود ونايف وهم أحيا
بهاج:يلااا سباق ي عيال
فيصل:قدام
رفعوا ثيابهم واللي لافه على خصره واللي عاض الثوب ويروكض اللي اخذ نعاله "كرم القارئ" وركض
بعد دقيقة دق سعود على ناصر اخوه رادف:حط سبيكر ي ولد
ناصر:حسبي الله ي سعود فحمت من كثر مامشيت وركضت
سعود:لا مشكله ي اخوك رياضه تتنشط الدوره الدموية ومنها تخسرون وزن
نواف:انااااا بخسرك دممم اليله
سعود:ايييي اووووه المعرس معصب اسمعوا معكم دقايق قبل يأذن استعجلوا ولا انا بتزوج حريمكم عنكم اليله
فواز:سعود جب سياره وتعال معاااد لنا قدره على المشي
سعود:شدوا الهمه ي عيال لا يأذن وانتم مب فيه الشيبان بيزعلونكم
سكر وهو يضحك ابو محمد:وين هم ي سعود
سعود ناظر نايف اللي يضحك وردف:جاين
.
وقسم الحريم الكل جالسين يسولفون
وام محمد اللي تجهز عشان تروح معهم هي وام حسين
والبنات يصورن
سديم:الله يتمم لهم على خير
الكل:امين
العمه جواهر:ليال خذي غيث إلين اوضي للصلاه وجي
ليال خذت غيث:ابشري
سديم:عطيني الحلو هذا
مدته ليال لها وسديم تلاعبه
ليال:يلااا عقبال مايجيك نونو يونسك
ضحكت سديم بخرشه
وضحكت ليال:شكلك ماتبين
سديم بهمس:ولا افكر بعد خذي خذي ولدك
ضحكت ليال وهي تاخذ غيث وترضعه
.
وأذن وابو فهد ينتظر العيال
وابو سليمان يسب فيهم
ونايف وسعود واقفين على جنب بالعين ام العافيه
ابو محمد:مشينا بس لا نتخر عن صفوف
مشوا ودخلوا يصلون وانتهوا وطلعوا وعلى طلوعهم ناظروا العيال اللي مقبلين وقف ابو سليمان بغضب
فارس:انا في وجهه الله من نظرت جدي زبنوني ي عيال
بهاج:ليتنا نسلم على روحنا
نواف:اليله ماشي ولا خطبه هواش
فيصل:حنا وين وذا وين
فواز نزل عقاله وتوجه بغضب لا سعود ونايف اللي حطوا رجلهم وركضوا
والكل يناظرون
ابو حسين:كنت شاك ان به بلاء من ذا الاثنين
ابو سليمان:شرفتوا ي دشير
وقفوا العيال وهم يلقطون أنفاسهم بتعب ويناظرون ابو سليمان بخوف
ابو سليمان:وينكم عن صلاة ي سرابيت ي كلاب
نواف:ي جد والله انه من تحت رأس ها الهيم
ابو محمد:وش السالفه
ابوفهد نزل عقاله رادف:خلوا سالفه بعدين الحقوا صلاه
جلدهم وركضوا العيال المسجد مهدودين الحيل واخذوا مويه يشربون بضمى
وسعود ونايف دخلوا عند جدتهم يتقهون ولا كان صار شيء
سعود طلع وهو يفتح سياره ويأخذ علبت الاسعافات الأولية ويدق على سديم اللي ماخذت دقيقة وردت:هلا
سعود:ي هلابس كيفها حرم سعود
سديم: بخير و تسأل عنه
سعود ابتسم:سألت عنها العافيه
سديم ابتسمت بهدوء وعم صمت ماتسمع الا أنفاسهم
سديم قررت تنهي صمت رادفه:ليه داق في شيء
سعود:اييي مشتاق
سديم:بدري
سعود:اشوق ماله وقت ولا ميعاد
سديم بطقطقة:شكلي ببعد عنك احسن عشان تشتاق
سعود:وانتي اشتقتي
سديم بضحك:اوه اشتقت لك فوق شوق
سعود مسك قلب:والله
سديم بهمس: استغفر الله
سعود ضحك:ي شينك ماتخلين الواحد يدخل جو
سديم:وليه تدخل ي رفيقي
سعود:ابد ي رفيقتي عموم دايم مشتاق سيري علي واطفي شوق
سديم:يالله وش جاك
سغود:انا في مجلس انتظرك
سديم:مو منجدك
سعود:رفيقتي ماتخلي رفيقها تري قاعد انزف شوق وجرح وحنين
ي شاعر:المغوار خف علينا والله لوني صدق حبيبتك ماقلت كذا
سعود:تعالي تعالي
سديم:طيب بس ماحولك احد
سعود:لا ماحولي احد اسألي البنات اللي عندك عن المجلس الأحمر ويعلمونك
سديم بضحك:دقايق ي صديقي وانا عندك ندواي شوقك
وسكرت
وسعود للحين ماسك قلبه تنهد تنهديه توصف كل مافي داخله
وماهي دقايق ودخلت ملاذ رادفه سعود:جيت
سعود لف وهو كان لابس سروال وفنيه :وش جابك؟
ملاذ ضحكت بخرشه
وسحب سعود جواله ودق على نايف رادف:نايف خذ حرمتك وفكني شرها
نايف:ابك الود ودي ماخليها عندكم وينه فيه
ملاذ:مالت ي سعود بروح خلاص
نايف سكر ودق على ملاذ اللي خرجت وردفت سديم:جبتي فينا العيد
ملاذ:زوجك دق على زوجي وهذا هو يدق
ضحكت سديم:مالنا الا نروح لهم
ملاذ:بتوفيق ترا اخوي مفصخ
سديم وقفت بخرشه:وش
ملاذ:روحييي روحي
دخلت سديم وهي تبلع ريقها رادفه بهمس:سلام
سعود:وعليكم السلام
سديم وقفت تناظره بابتسامه مخروشه
وسعود يناظرها اردف:مليذ وش جابها
سديم:ههه لا بس قالت بشوف وش فيه اخوي
سعود:اهااا طيب تعالي
سديم:فيك شيء
سعود شال الفنيه
وصرخت سديم وهي تصد:وجععع سعود شفيك
سعود وقف يناظرها بستغراب
ضحك وتقدم يضمها رادف:تراكي شفتي كل شيء امس
كحت سديم برعب وابعدت عنه
سعود:صح صح
سديم:البس تراك مو في غرفتك ولا في بيتك
سعود:تعالي عقمي جرحي نزف
سديم سكتت بحرج وتفشلت وتوجهت بصمت وهي تفك شاش وتغيره
سديم:سعود لازم اذا روحنا نمر مستشفى عشان يشوفون اصابتك لك ثلاث ايام تنزف ومو اي نزيف دم كثير نزفت
سعود:مايحتاج مستشفى وعندي من تداويني
سديم:إللي تداويك علمتك انها مبتدئه
سعود:وعلمتها انها دواء لاجروحي
سديم سكتت بحيره من هالشخص
اما سعود فكان يلمح لها عن مشاعره ولكن سديم ي انها تستغبي او تحشم غبيه
ابعدت بهدؤ رادفه:وكذا يكون عقمنا جرحك لا تركض ولا تدنقس كثير عشان ماينفتح الخياطه
سعود:ابشري ي دكتورتي اي طلب
سديم ضحكت:ابد حضرت العسكري
ضحك سعود يدق لها تحيه
ونزلت يدينه رادفه:اول اخطاك
سعود ناظرها وهي قريبه وتمسك يدينه وردفت وهي تبعد:سعود
سعود:لبيه
سديم وهي تساعده يلبس فنيه اردفت:البنات بيتجمعون عند ريم ودي اروح معاهم
سعود:روحي معهم عادي الان انا بروح قد الخوال وبعدها  بنجي نملك لا نواف وريم  بعدها بروح مستشفى
سديم:اروح معك ولا اقعد
سعود وهو يعدل ثوبه:اذا بتقعدين اقعدي وذا بتروحين معي تمام
سديم:بقعد للعشاء وانت اقعد لان المره الأوله رحنا قبل العشاء وفشله ذحين
سعود:طيب
سديم تقدمت له
وسعود اعتدل يناظرها
سديم:سعود بعدل لك شماغك
سعود:طيب
وقفت سديم على تخته
سديم:ي ويلك اطيح
سعود:بمسك
سديم:لا طيح بس
سعود مسكها من خصرها وثبتها
وسديم بلعت العافيه وندمت أشد الندم انها جت له
عدلت نفست شماغه وسعود يتنفس عطرها اللي فاح من قربت وختلط عطرها بريحت العود
سديم ابعدت وهي تناظر:شكلك يجننن كذا
سعود وهو مب يمها:هاا
سديم:مرههه يجنن بحصنك لايصكونك بعين ويطر رفيقي مني
حطت يدها على قلبه وصارت تقرأ عليه ابتعدت بعد ماحصنته وسعود يتأملها
سديم:خلاص كذا انت تجنن
سعود تنحنح:وانتي تجنني بعد
نزلت سديم وحاوطت كتفه رادفه:لانك صديقيي
ابعدت رادفه: طل براسك ي خوفي اطلع وفيه رجال
سعود طلع قبلها وردف:خليك وراء ظهري مره لاتبعد ومشي
سديم سوت مثل ماقال وقفت خلفه ومشوا إلين وقف عند السيب وردف:يلااا رحي
سديم:تمام مثل ماوصيتك ي ي صديقي دامك تحفظ الوصاه
سعود:على وصاك ي رفيقتي
ضحكت وراحت
سعود:ي ويل قلبي منك ي بنت تسولفين معي على أني صديق ماتدرين اني بالخفاء قد عشقتك
طلع
وكان كل اللي قاله مر على مسامع جوج
اللي ماتحملت وجلست وبكت كانت تكابر وحاولت نسيانه ولكن شوفته تنسيها نفسها تحسفت على كلامها تحسفت على تركها له ليه ماتمسكت فيه ليه من اول مابينت كابرت كابرت إلين انتهيت حبي لأخوي وحزني لاحزنه إنساني من انت
لف سعود
رادف:سديم؟
حطت يدها على فمها تمنع صوت بكاها
سعود تقدم
وهي تناظره بدموع
سعود:من انتي ي بنت؟
وقفت وهي تمسح دموعها رادفه بصوتها الباكي :امداك نسيت؟
سعود رفع حاجبه رادف:اخت نايف
جوج:هلا والله حبيبي السديم
سعود:وش جابك هنا؟
جوج:مدري لقيت نفسي هنا يمكن الشوق يجيبيني
سعود:ماعلمتي شوقك ان السابق متزوج؟
جوج تقدمت رادفه:سعود مقدر اكذب عليك انا للحين مانسيتك وللحين ابيك كابرت وقلت ي جوج الرجال متزوج ولكن قلبي ماطاعني
سعود:راااحت عليك ي اخت نايف وينك قبل ربي يحط في طريقي السديم انا متزوج واحب زوجتي ولا افكر في غيرها وانتي يرزقك الله ويعوضس باللي يسعدس ويرفعس ويعزس
جوج:سعود انا اسفه ادري اني تأخرت بس تكفى لا تخليني وانا احبك
ابتعد سعود رادف:بنت ارجعي صوابس انا متزوج
جوج تمسكت فيه رادفه:سعود تكفى
سعود مسكها يبعدها
ولكن جات سديم وقفت بصدمه لمنظرهم
ابتعد سعود
وجوج ناظرت سديم وابعدت وهي تروح و تبكي
وسعود ناظر سديم اللي واقفه بصدمه
سعود:سديم
سديم:خلك هنا ودني البيت
سعود تقدم يمسكها:سديم سديم وقفي
سديم تركته ودخلت وهي تشوف الكل جالسين أخذت عبايتها ونقابها
سلمى:شفيها سديم
ملاذ:مدري خليني اشوفها
لحقتها ملاذ:سدومه شفيتس
سديم:مافيني شيء
وقفت ملاذ:وش مافيتس ليش صوتس كذا
سديم:تعبانه وبروح البيت اعتذري لي منهم
ملاذ:طمنيني عن طيب
راحت سديم
وقفت ملاذ وهي تدق على سعود
رادفه:الووو سعود وش فيها سديم؟
سعود:ولا شيء بأي
قفل وهو يشوفها جايه
ركبت سياره وركب
رادف :سديم ممكن تسمعيني؟
سديم:مايحتاج اسمع شيء وهاذي حياتك وانت حر انا مجرد صديقه بس ياليت تحترم كوني زوجتك
وعلى ذمتك
سعود:سديم اسمعيني بس خليني افهمك وش صار
سديم:انا اقولك وش صار حبيبت قلبك اشتاقت لك وجتك وانت بكل صدر رحب ضميتها وغير كذا هي تبكي
صدت بغيض وسعود مايدري كيف يفهمها:اوكيه الحين هدي وانا افهمك بعدين
سديم:لا تفهمني ولا افهمك
سعود شغل سياره وحرك وهو يلعن جوج وساعتها
ويفكر كيف راضي سديم وكيف يبرر لها اللي صار وذا قال بتصدقه ولا لا
اما سديم كان سبب غضبها انه كان يقول انه مايفكر في جواهر وانه نساها وكيف جات ولقته مختلي فيها لاحترم كونها بنت خالته وبنت رجال ولا حترم كونه متزوج حتى ولو كان زواجهم على ورق بس الاحترام والتقدير يكون متبادل
وماهي نص ساعة وصلوا البيت
ونزلت ونزل سعود
فتح الباب ودخلت
سعود:سديم
سديم وقفت
سعود:تعالي اجلسي بكلمك
سدسم:سعود
سعود:اجلسي
جلست بهدوء
وردف سعود:اول شيء صلي على النبي
سديم بهمس:عليه افضل الصلاة والسلام
سعود:وقولي لا إله إلا الله انا علمتك ي سديم
اني انا من تزوجتك مافكر لا في حبيبه ولا غيره
سديم بغيض:هذا اول بس اليوم العلم اختلف
سعود:انتي وش فيك هاااا؟
سديم وقفت:مافيني شيء ورح خذ بنت خالتك بدال الدس عاد مال الحبيب الا حبيبه الأول لاتصير رخمه وتجيها بدس خذها بالحلال وعرف انها بنت خالتك واللي ماترضيه على اختك لاترضيه على بنت الناس
سعود اردف بغضب وهو يشد اعصابه:سديممم انقلعي غرفتك قبل لا سوي شيء اندم عليه
سديم:رايحه اصلآ
طلعت سديم غرفتها وسكرت الباب وجلست بغضب
اما سعود صرخ بغضب وطلع علطول
.
وفي قبيلة
ذياب حركت سيارات كلها طالعه للخوال
ماعدا نايف اللي انتظر سعود اللي وصل بسرعه جنونيه ونزل وركب مع نايف
نايف:سكنهم في مساكنهم وش فيك
سعود:مافيني شيء حرك
نايف ناظره ولف وهو يشغل سياره ويحرك
.
وفي الخوال
وتحديد بيت خالد
(تعريف بسيط لعائلة خالد
ابو خالد صالح/ متوفي من ثلاث سنين
ام خالد حليمه/ انسانه هاديه ومثل اي ام تحب عيالها وتود لهم الخير  عندها ولد وبنت فقط
بكرها
خالد /خالد انسان شغيل وعملي محامي ومستشار قانوني ومن بعد وفات ابوه كرس نفسه وحياته لأمه واخته عمره 28
ليمار/عنقودة العائلة خالد ماكان يشوفها اخت وبس كان يعتبرها بنته يحبها حب لدرجه لو جته بنت مستحيل يحبها كثرها كانت تملك من زين مايسر العين طيوبه وحبوبه عمرها 26 مستشاره قانونيه مبتدئه
).
خالد اللي كان واقف يشرف على الخدم
ام خالد:خالد ي ولدي ارتاح يمك ليمو بتجي وشوف انت شف مجالس اللي برا فيها قهوه وبخروا
خالد عدل شماغه وطلع
نزلت ليمار وهي بقمت جمالها
كانت لابسه فستان اورنج ويضح مفاتن جسمها نزلت
ام خالد تناظرها ببتسامه:ي هلا بي ليمو و
ليمار تقدمت تبوسها
ام خالد:شوفي الخدم بسرعه قبل يجون الناس
ليمار تمام
وراحت ام خالد تشرف على طبخ
وبعدها جلسوا في صاله ينتظرون ضيوف خالد
ام خالد:ماقالوا وش يبون
خالد:لا والله كلمني فواز قبلها يبيني موضوع ورجع دق اليوم يقول جايك
ليمار:ياااارب البنات يجون معه
ام خالد:تعرفينهم ي بنيتي
ليمار:اي تذكرين ملاذ وجوج اللي تكلمت لك عنهم
ام خالد:ايه ايه ذكرتهم ملاذ وجوج خوات؟
ليمار:لا ملاذ خواتها جود وفوز وهبه الكبيره فيهم
شد خالد إسمها بينهم وابتسم
ام خالد:اها مشاء الله
رن جوال خالد:ذا هم
وقف وهو يرد على فواز:هرحب
فواز:ابقيت افتح البوابه حنا براء
خالد:ي مرحبا ي ابو نجود
نزل فواز يسلم ومن السلام
الحار
وبعدها خالد توجه يسلم على شيبان
خالد:سعود ي مرحبا ي سعود كيفك وش مسوي وأجر وعافية يرجل
سعود:بخير الحمد لله ابد على ماخبرت الله يعافيك
ابتعدوا
وبعد السلام وسؤال عن الحال
فواز:قسم الحريم وينه
خالد ابتعد وهو يأشر على الباب ونزلوا ام محمد وام حسين
خالد:حياكم ي رجال
قلطوا بالمجلس الكبير
توجهوا القهوجين يقهون
خالد جلس:ي مرحبا ألف وش اخباركم وعلومكم عساكم طيبين
الكل: ابقيت بخير نحمد الله ونشكره
ابو سليمان:اكيد ي ولدي ي خالد مستغرب جيتنا كلنا
خالد:اي والله لكن ي مرحبا بكم انتم بحسبت اهلي وغلاكم بغلا هرجال
سعود:ماعليك زود
ابو سليمان:وحنا ي ولدي جاين نطلب القرب منكم نطلب يد بنتكم لا ولدنا فواز
خالد سكت بصدمه ومما وتر فواز
خالد:والله ي مرحبا بكم ولا بنلقى لابنتنا احسن من ولدكم ولكن اسمحوا لي شاور البنت ورد لكم خبر
ابو محمد:ابد ابد خذ راحتك
وقف خالد:استأذنكم
توجه خلف وهو يوقف على باب وردف:سورانه
سورانه:نعم بابا
خالد:نادي ماما حليمه وليمار انا في صاله خل يجي
سورانه:حادر بابا
توجهت داخل مجلس رادفه:ماما هدا بابا خالد يبي انتي ولمار
وقفوا وردفت ليمار بهمس لا سورانه:اسمي ليمااار
سويرانه
دخلوا وهم يشوفون خالد
ام خالد:ها يمك
خالد:اجلسوا
جلسوا وردف خالد:جوني ضيوفي وهم يطلبون القرب فواز طلب يد ليمار فواز رجل كفوو وشهادتي فيه مجروحه وخوي بيننا ملح وزاد ولا بلقى الاختي رجل يصونها يقدرها كثره ومثله وابي رأيك ي ليمار وحطي في بالك لو في فواز عيب  ولا قصور قد هالشعره لرده قبل اجيك وانا ماجيتك الا لانه كفو
نزلت راسها بهدوء رادفه:إذا أنت ي اخوي موافق فالشور شورك وانا عرفه أن اللي يعرفك مايعرف الردى ودامه خويك انا موافقه
ابتسم خالد يحب راسها وام خالد اردفت:الله يتمم على خير وأهله واضح طيبين ومحترمين
خالد:يالله انا اخليكم وذا ي اخوك تبين تستخيرين بقول لهم يعطونا ٣ أيام
ليمار:ايه
خالد:تم
طلع خالد وهو فرحان لقى سبب إللي يقدر يخطب الجود له
دخل رادف:سلام ي رجال
الكل:وعليكم السلام
سعود:بشر
خالد:مبدأيا البنت موافقة لكن عطونا ثلاث ايام تستخير
سعود:معك حق بنهايه زواج مهوب لعبه
فواز ناظره بوعيد وسعود مبتسم
ابومحمد:ابد خذوا وقتكم ي ولدي
ابو سليمان:دام كذا حنا نستاذن
خالد:لا والله مادكون عشاكم عندي
وبعد محاولات جلسوا
سعود:بطلع اكلم ورجع
خالد:خذ راحتك ي ابو فهد
سعود:الله يسلمك
طلع وهو يدق عليها ولا ترد
دخل وصدمه انها متصله بالواتس اردف داخله(يعني متقصده ماتدرين كل هذا زعل وانتي للحين ماتحبيني لو حبيتيني وش تسوين)
كتب لها/أدق ليه متردين
ردت عليه/مابي ارد
سعود/وليه ان شاء الله
سديم/مو شغلك
سعود/سديم ردي يكون احسن لك لا أدق سلف واجيك
ودق وفتحت الخط
سعود:سديم
ماردت
وكمل:انا اسف والله اسف وإللي صار قسم بالله مو نفس اللي تفكرين فيه
سديم:لا والله سعود اعطيك من الاخر انا الظاهر يوم زعلت نسيت ان زواجنا على ورق بس وبيننا صداقه والظاهر بزعلي زودتها سو في حياتك اللي تبي انا مالي حق احاسبك بس ياليت تحترم حق العشره فقط
سعود:سديم لا تقولين كذا وكانك ولا شيء في حياتي
سديم ضحكت:ليه انا كنت شيء
سعود:سديم انااا احبك ي سديم والله احبك
سديم سكتتت ماتوقعت كذا رده
سكتوا وماكان ينسمع الا صوت انفاسهم
سعود:والله واللي لا يحفظ لي أهلي ويجعلني وانا جاي اخش بتريله اني مافكر في ذي البنت وانها كانت تبكي واحسبك انتي ويوم تقدمت صارت تتكلم وانا قلت لها اني متزوج ولافكر فيها قامت تقدم ويوم مسكتني كنت ببعدها بس جيتي انتي
سديم:سعود منت مجبور تبرر لي وحنا اللي بيننا كله على ورق سوا اللي تبي عسى ربي يهنيك
سعود:لا مجبور لانك زوجتي ومجبور لانك صديقتي ومجبور لاني احبكك سديم ماعمري حبيت كثر ماحبيتك اجلس مع الناس وانا مشرود البال
سديم:إللي يحب مايخون ي سعود ولا تنسى اني مافكر فيك غير انك صديق لا تنسى
وسكرت
سعود:سديم
نزل الجوال شافها مقفله حذفه بغضب
دخل وجلس بغضب فز ناصر:وش فيك أعوذ بالله
سعود:حل عن سماي ي ناصر
نايف:ولد اهدج لا تفشلنا
سعود:خالد
خالد:سم
سعود:اعذرني ي اخوك بمشي ولكن اعودك المرات الجايه اني لاقعد وما ذحين فالمعذرة منك يالخوال مقدر اجلس
خالد:ي ولد
سعود:اي والله بمشي
خالد:الله يستر عليك
سعود:فمان الله
وتوجه همس لاناصر:لا خلصت مر لاخواتي رجعهم البيت حرمتي لحالها
ناصر:اخو حسين مخلي بنت الناس لحالها
سعود صد بغضب:ايههه يلا سلام
طلع
وناصر عصب من تصرفه
فواز:ايش فيه ذا طاير وموشي
ناصر:الظاهر متهاوش مع أهله
نايف:الله يعين بنت الناس عليه
وكملوا يسمعون سواليف خالد وبعض العيال
.
وعند سديم جلست وهي تمد يدها لاقلبها وش قال ذا ممداه يحبني اردفت :لا معروفه ي خبله ي قول كذا عشان يبيني ادمح خطاه بس مع نفسه يسوي اللي يبي اخر همي
أخذت لها ملابس وتوجهت تستحم
وعقبها طلعت  وهي لابسه فستان خفيف زهري جففت شعرها وتركته على حاله سوت لها قهوه سوداء أخذت جوالها وهي تقلب في تيك
دقت ملاذ
وردت سديم:حي طاري
ملاذ:حي الصوت
سديم:حي نباك ي بعدهم
ملاذ:عسى ماشر سدومه ليه طلعتي وكنتي معصبه
سديم:ولا شي حبيبتي بس سعود وعدني بشغله وبعدين سحب وزعلت وكبرت السالفه وبعدين رضاني
ملاذ:اكيد كذا؟
سديم بطبعها ماتحب اي شخص يعرف حياتها الخاصه وش صار او ماصار حتى ولو كان اقرب الناس لها:ايه اكيدين بعد
ملاذ:أجل لازم أدق أسفل فيه ماله داعي صراحه
سديم:لا خليه
ملاذ:وغلاتس مارح اخليه
سديم:ملاذي معليك رضيت انا اطلعي منها
ملاذ:اوك بس بروح ازعله
سديم ضحكت:حيلتس به
ملاذ:يزين حرف سين من منطوقتس وانا ارويس فيه
سديم:قلبي والله أي متى تاجون مليت بروحي سعود نزلني البيت وراح للخوال
ملاذ:بعد لا بخنقه هذا بنجي بعد العشاء باقي ٣ ساعات
سديم:ي وجه الله تكفين بموووت
ملاذ:بروحي عنك المشكله مقدر اجي لان جدي موصي بهاج وسعود لو يدري اني جايتس مع بهاج علقني برقبتي
سديم:لا تجين بروح اتابع مسلسل ويمر الوقا
ملاذ:اي تابعي ولا جيت غسلت شراع رجلس زودها
سديم:الله يقويتس يلا باي ي عمري
ملاذ:باي يروحي
سكرت دقت على سعود ولارد
جلست ولفت:وين جوجو مختفيه
سلمى:يمكن نامت عادني بها تقول معي نوم
ملاذ وقفت:مع نفسها ي شيخه جايه لها واخرها تنام توجهت غرفت جوج وهي تدخل: جوج
وقفت بصدمه هي تشوفها تبكي
ملاذ توجهت لها:جوج ليه تبكين
جوج مسحت دموعها بعنف:ولا شي
ملاذ:وش ولا شي وانتي تبكين من مضايقك؟
جوج:ولا شي ي ملاذ وبعدين من قال ابكي عيون دمع لان شيء دخل فيها
ملاذ ناظرتها بتمعن رادفه:جوج هالكلام اضحكي به على وحده ماتعرفك ولاهي حافظتك والحين ماني طالعه من هنا لين تنطقين
جوج:وش ودك تعرفين ي ملاذ من راي تخليني ساكته احسن
ملاذ:افا ي جوج ماهقيت تخبين عني هذا وحنا خوات تربينا مع بعض وخوتنا
هانت ي جوج عليك
جوج:أجل اسمعي انااااا للحين احب سعود
انصفق وجه ملاذ وهي تناظرها
جوج:وسديم شافتنا مع بعض
ملاذ جلست بهدوء وكانها عرفت سبب:وش صار ي جوج
جوج وهي تبكي:انا احبه ي اخي تعبت من كثر ماكابرت كنت اكذب على نفسي وتغصب نسيانه وشاهد الله مانسيته اللي صار اني شفته في مجلس الأحمر وهو سديم وقلبي تقطع من قربهم وكلامهم وبعدها راحت سديم وهو مشى شوي وانا انهرت ابكي جاء هو يحسبني سديم و....
ملاذ وقفت بصدمه وقفت جوج صكتها ملاذ كف رادفه:ماهقيت انك ماتستحين الولد متزوج ي جوج عارفه وش معنى متزوج انتي بعقلك ان جنيتي انتي
جوج:ملاااذ حطي محلك محلي لو نايف تركك وتزوج وش بسوين
ملاذ:عندي كرامه مايساومني عليها مخلوق جوج انتي كذا نزلتي من عين سعود ومن عيني ارخصتي قدرك وانتي قدرك عالي جوج انتي بنفسك تركتيه وسعود متزوج ومستحيل يترك زوجته عشانك اعتذري من سديم البنت ماتستاهل منك كذا
طلعت بغضب دقت على سعود
.
وعند سعود اللي جالس مع علي
علي:انا ي سعود مثل اخوك ويشهد الله اني ما اعدك الا اخوي لي في دنيا وضيق بي الوسيعه لاشفتك مضايق ولا اقدر اسوي لك شيء قلي وش فيك يمكن اقدر اساعدك وحنا دايم نقول ان ماقدرت اساعدك ماضريتك
سعود :انشهد ي علي مانت بغريب ولا ودي ارجع راسك مشاكلي كافي اللي فيك
علي:ابد ي خوك قل لي وش مضيق صدرك وموشي نارك اربك اساعدك
سعود:السالفه ي علي زوجتي انا ماقلت لك كيف كان زواجنا وحداثه
علي:إللي اعرفه ان زواجك صار بسرعه بسرعه بسبب البنت ذيك
سعود:ايه وبدأ يقص له كل شيء من بدايه حب جوج الين ما اخر حدث صار اليوم
علي سكت بحيره مايدري وش ينصحه فيه او يساعده ماتوقع الأمر صعب كذا لكن اعتدل وردف:الحين انت تحب حرمتك
سعود:ايه
علي:ودامك تحبها رح طيب بخاطرها على كلامها وعتابها لك يا انها تحبك بس تكابر ي انها تقدر اللي بينكم ومحترمه وإللي صار غلط ي سعود واي بنت محلها صدقني مابتسكت لك وبسوي الويل وذي البنت اللي اخت نايف لاعاد تدخل بيتهم أن كان بتدخل خلك مع رجال اهلك خل اخر لقاء في سياره إلين ترد البيت سمعت
سعود ابتسم:تقول كذا
علي:اي مامعك غير كذا اصلا ومن رأي بعد أن تبعد زوجتك عن ذي اخت نايف لا تقربهم وتقوم الحرب العالمية الثالثة اللي بيبلش بها انت
سعود:ايييي هذا اللي بسويه بس حرمتي عنيده ماضني ترضى هذا وانا مكلمها جوال طلعتني من طوري
علي:اصبر ي سعود وحط نفسك محلها ترا الغلط راكبك المفروض من اول ما عرفت انها اخت نايف عطيتها ضهرك ومشيت وحمد ربك شافتك حرمتك مو امك ولا خواتك ولا أهل البنت وش موقفك ساعتها محد بيحط ألوم على البنت بينحط عليك لأنك في بيتها
صد سعود بضيق:الله لايعيدها ساعه
وردف علي مكمل:حصل خير ورح خذ بخاطر حرمتك وبعدين البيت فاضي مابه حد استغل الفرصه قبل يجون وينسمع صراخكم
سعود ضحك:فطين ي ولد
علي:هذا وانا مول متزوج
سعود عدل عصبت راسه:والله محظوظه اللي بتاخذك مابتلقى عليك غلطه
علي:ي رجال من وراء التريلات
ضحك سعود
وقف علي يصب شاهي
وبدوا يسولفون
وفعلا سعود نسى غضبه ورجع وسيع خاطر بعد دقايق حرك وتوجه لسوق الذهب اخذ له كم قطعت ذهب واكسسوارات وتوجه اخذ له باقة ورد وشوكلت ومشى راجع البيت وهو يفكر ب سديم
.
وعند سديم اللي كانت تابع فلم في غرفتها وكانت تدعي على البطل ودموعها اربع اربع
سديم مسحت دموعها:الله ياخذ عمرك وش سوت لك المسكينه
سكرت الجوال
ومسحت دموعها:افتح المسلسل عشان اهرب من همومي الاقي روحي شايلة هم اللي في المسلسل يليل البلشه صدق
جلست بملل وهي تتحسب على سعود وجوج اللي خربوا عليها وصارت وحيده هنا
فجأه سمعت صوت الباب
وفزت بخوف هي اللي تعرفه ان ملاذ وعمتها مابيرجعون الابعد العشاء وسعود يبي لهم ساعتين على بال مايرجعون لأنهم بياخذون ملاذ والبنات
سديم:يماااه شكل به حرامي  وش اسوي ركضت وهي تقفل باب الغرفه بالمفتاح وقلبها يدق بقوه وهي تسمع صوت أكياس ورجلين متوجه لا غرفتها
وفجأه غبضت الباب بدت تتحرك
وسديم تبكي برعب للحظه تمنت سعود هنا
فجأه تكلم:سديممم فكي الباب
وسديم من رعبها وخوفها ماميزت صوت وكملت تبكي
سعود:سديم شفيك افتحي لي لباب
سديم:من؟
سعود:سعود من بالله انا سعووود
فزت وهي  تمسح دموعها وتفتح الباب
سعود:وش فيك مقفله الباب
سديم وهي صاده:ولا شيء
سعود نزل كل شيء وتوجه وهو يلف وجها له رادف:وش مبكيك
سديم بدون مقدمات حضنته بخوف وللحين قلبها يدق برعب تجمدت كل خليه في سعود وهو يحس بدقات قلبها ويناظر كيف حاضنته اشتد حتضانها وهو يسمي عليها:بسم الله عليك يروحي وش فيك
سديم:خفت خفت لحالي وجيتك خوفتني كنت احسبك حرامي
سعود وهو يمسح على ظهرها بحنو:اششش جيتس لا تخافين وانا اسف اني تركتس لحالتس
بعد ماهدت سديم كانت بتبعد بس سحبها سعود وجلس وهي في حضنه اردف بهدؤ:سديم ابيك تسمعيني
سديم سكتت بخجل من قربه ولا قدرت تنطق
وستغل سعود الفرصه وهو يعلمها بكل شيء واختم يحلف لها:والله واللي جمعنا بذي الغرفه ان مالي نيه بها ي بنت هي تركتني وطبعي مالحق المقفين ملام
سكتت سديم بحزن على جوج وردفت:سعود بعيد عن كل شيء بنهايه اللي صار ظلم بحقك وبحق جوج البنت تحبك واللي سوته انت عارف انه كان بسبب حبها وحزنها على اخوها وساعت غضب انت قمت وقلت مابترجع انت اخطيت وانا من رائي ان ترجع لها وتاخذها بالحلال وانا برجع لأخوي وعرف مارح يقدر يذيني
سعود:م خطيت في حقها و الشاهد الله
هي مدة كفها للفرقا وأنا سلمت وذا عليك والله ماتركك لو هو آخر يوم بعمري سديم اناا احبك والله احبك
سديم:سعود مقدر اقبل بحبك وغيري فيها غصه منك من رأى ارجع للبنت موقفي غلط بينكم
ابتعدت
ولف سعود بغضب:الله ياخذك ي جواهر 
طلع بغضب وهو يدور رقم جوج  ويدق
بعد ثواني ردت
سعود بغضب:ونهايه معك ي اخت نايف اسمعيني زين وحطي كلامي حلقه بذنك رجعه لك لو تنطبق الأرض بسماء مارجعت الله يستر عليك دنيا وآخره العلم اني مابي اشوفك وخافي الله ترا بفعلتك خرب بيتي
جوج وهي تمنع دموعها أخذت نفس وردفت:تدري مانت بكفووو لحد يحبك الله ي ذوقك طعم الفراق اللي اذوقه انا استاهل اللي صار لاني حبيت واحد مايستاهل المحبه لاحبك يدخلني الجنه ولا بعدك فرقاك يدخلني النار
سعود:ارجعه بيننا مستحيله لكن تبقين شيء بالقلب كان ودي فيه بس الظروف عكس الأحلام الملام كله عليك ليتك ذاك اليوم ماقلتي اللي قلتيه وليت الدنيا ماحطت قدامي إنسان يغير فيني كل مافيني
جوج:كلمت ليت ماعاد تنفع وش ذا تناقض اللي فيك روح ي سعود وانا ان كلمت ولا وقفت بطريقك ماني كفو
سكرت جوالها وصرخت بغبنه منه:‏اثره مع غيري يشيد مبانيه وانت للحين يا قلبي تحبه
دخلت ريناد وهي تحضنها :سم الله عليك ي الجوج قصري صوتش لا يجون الحريم
جوج:كسررر قلبي ي رينااااد اهخخهخ
ريناد:صصدقيينني اللي يبغغاك مَ يضضيععك ي الجوج سعود واضح يحب سديم لو مايحبها ماقال إللي قاله انسيه وجبري نفسك مثل قبل
مسحت دموعها:ارخصت نفسي اليوم كثير عشانه لكن تبطي سنين مارجعت أكن له نفس الحب والاحساس
ريناد:كفوو ي قلبي كفوو بس سديم مالها ذنب والله اعتذري منها ي جوج اللي صار اليوم عيب
جوج:كرهتها من كرهي لا سعود
ريناد ضمتها:من سعود ذا اصلآ معليك منه
جوج:بناااام طفي المبه
ريناد:تمام تمسي على خير
جوج:ملاذ روحت؟
ريناد:اي من ساع مشوا وانا بعد بروح
جوج:باي قلبي
ريناد:سيوو حبي
طلعت بضيق من حال جوج
اما جوج فكانت تقنع نفسها انه مايستاهل الحب وتدعي ان ربي يرزقها بشخص اللي يحبها ويقدرها
.
وفي قبيلة آل جسار
وصلوا
وملاذ اول ماشافت سعود توجهت له رادفه:سعود ابي اكلمك
سعود:اجلسي
جود:بسم الله انتم وش فيكم اليوم نار وشرار
سعود:خشي ي جويد لا نزعلك
جود دخلت
ابوحسين:خشوا لجوء
سعود:طيب
ملاذ:شوي ونخش
وملاذ انتظرت إلين دخلوا وردفت لغضب:سعود وش اللي صااار اليوم؟
سعود تكتف:وش صار
ملاذ:انا أسألك جوج ي سعود بينك وبينها شيء
وقف بغضب:اهوووو يذي سيره جوج جوج ابتلشت انا
ملاذ :سعود جوج اللي بينكم انتهى صح
يعود:هو كان شيء اصلآ وبعدين البنت راحت بخيرها وشرها لا عاد اسمع حد يفتح ذي سيره سديم واخت نايف لا يجتمعون سوا بعلمي او من وراي
ملاذ:سديم ي سعود اياااك تجرحها وذا انت تفكر بي
سعود:انااااا احب سديم
ملاذ:حلوو الحين قلي رضت سديم
سعود:مدريي انا مدري
ملاذ:بروح لها وطيب بخاطرها حرام ي سعود مالها الا انت اذا ضاقت بها رحابك  وين تروح مالها الا انت
سعود سكت بضيق يهزز رجله
وقفت ملاذ وراحت داخل
.
انتهى
كومنت ونجمه تحفزني جدا
وانتوا كريمين وانا استاهل 🥺🤍.
‏تدري وش اللي يتعب القلب ياخوك
‏شخص تشيله في عيونك "ويعميك"
-
وأعنـي علىٰ نَفسـي بِخَيـر مَا تُعيـنُ بـهِ عِبَـادكَ الصَّالِحيـن..💙