‏ماينافس حبك في قلبي إلا عيونك وضحكتك

البارت 14

عدنان :تخسي والله انا باخذها انا اخو شيخ وانا اولا
صقر نظرهم بحد وردف:استحوا ي رجال الشيخ ماله ساعات من توفى على الأقل احشموه وهو ميت
ماجد:اي والله استحوا وش يقولون عنا عيال الديره والقبايل الباقيه
ابو ماجد:على طاير القبايل الباقيه تروني مكلم شيخ قبيلة ذياب أن بناجيه وان شاء الله حيكم بينكم ي رجال بالحق
صقر:زين ماسويت ي عم خله يحلها الان ذول اصمقونا من صبح اصمقهم الله يلا انا بروح قد اهلي من رخصتكم
الكل كان يدري ان شيخه بتروح لا صقر إللي للحين مايدري ان شيخ القبيله اللي مات يكون ابوه وهو بيورث الشيخه بعد وفات ابوه وهو يستاهلها هيبه ورجال شايلن حاله وجدته إللي ربته بعد وفاة أمه
عدنان :والله ماياخذ شيخه غيري و صقر ذا أن خذها ذبحته وذبحت حالي بعده
ابو عبد الرحمن :تعوذ من ابليس ي بوك ومايجي الا خير ان شاء الله
ابو جاسم:اشيخه عيالنا اول من ولد الخيانه ام رجاجيل ذيك
ماجدطمر فوقه وسحبه من ياقته وهو يرص على اسنانه:أن كنت قدها عيدها
بو جاسم:هههههه هذا صدق
ماجد بدون مقدمات ضربه بوكس الين هد سنونه
وكانو العيال يحاولون يبعدونه لكن لا حياة لمن تنادي
مافكه إلين خلاه يشوف الموت تكه
ماجد:الخاين وسربوت و المن***هو انت  ي ابن زن* وانا اعرف ليه تقول ذا الكلام لأنك تبيها كنت وماهي بعيده انك انت إللي ذابحها هنا ابو جاسم توتر وتصنم مكانه وهو يشوف نظراتهم كلها عليه وكمل ماجد:وكلكم تدرون ان شيخه بتروح لا صقر كذا ولا كذا صقر ولد شيخ حمد رحمت الله عليه وهو اولا بها
قال كلامه وكان ذا كله تحت مسامع صقر
صقر بصدمه:وش تقول ي ماجد؟
ماجد بغضب:إللي سمعته انت ولد شيخ حمد رحمة الله عليه وشيخه لك وعيال الكلب ذا يخسون ياخذونها
عدنان طمر فوق ماجد:انتت الكلب يبن زن*
صقر سحب عدنان وبقسه بكس خلاه يدخل بعضامه كلها
ابو جاسم:انت كفو تمد يدك على ولديي
صقر:ايه عندك أعراض لا سمح الله
ابو جاسم سكت من شاف نظرات صقر له اللي ماتبشر بالخير ابد وسحب ولده اللي متغورق بدم وطلع
صقر:يمين أن ماتفهموني وش سالفه ولا قسم بمن أحل القسم لا شب فيكم كلكم من صغيركم لا كبيركم
ابو ماجد جلس:اجلس ي ولدي وفهمك
صقر جلس وسحب ماجد الواقف وجلسه
ابو ماجد:انت تكون ولد حمد الوحيد
صقر:شلون هو مومتزوج
ابو ماحد:الا اسمعني للنهايه لا تقاطعني تزوج امك رحمت الله عليها وصار خلاف بينهم وطلقها وهو ماكان يدري انها حامل بك وهي كانت خايفه عليك كثير كانت خايفه ياخذك منها وتصفى وحيده سكنت عند امها وماخذت اسبوعين الا وماتت وموتها كان مقصود ماهو بحادث
وربتك جدتك وهذا انت صرت رجال مشاء الله عليك
صقر:ابوي حمد وامي موتها مدبرر
ابو ماحد:ايه ابوك صح ي صقر ماكان يدري انك ولده لكن كلنا نشهد انه كان يعاملك معامله كنك ولده وهو مايدري كان يحبك حب مو طبيعي كان يشوف فيك نفسه الله يرحمه
صقر اللي مصدوم مرهه طول عمره فاقد حنان الأم والأب وينصدم أن أمه ماتت بسبب شخص:اخذ مفاتيح سيارته اللي نساهم في مجلس وطلع
ماجد لحقه
ماجد:صقر وقف
صقر:رح ي ماجد عني
ماجد شافه يركب سياره مشي بسرعه وركب معه
صقر:شتبي
ماجد:انت خويي دربي ودنياي الموت عن اني اخليك
صقر ناظر فيه وهو من غلاته مايعتبره الا اخوه حرك وهو ضايع مايدري وين يروح وش يسوي طلع عنده اب وقدام عيونه كان يضحك معه ي دعي له يمازحه تذكر آخر يوم قبل يموت:عديتك ي بوك ولدي وان قالها الله شيخه لك وملاكي كلها لك بعد موتي
صقر:لا ي عمي الله يطول بعمرك وتقوم بسلامه ودير شيختك وملاكك انا مابي غير سلامتك
الشيخ حمدضمه بكل مااوتي وردف:تدري لو عندي ولد يمكن ماحبيته وغليته كثرك
صقر:الله لايحرمني منك نذر بعد فقدي لأبوي ما جبر بكسري غيرك كنت اشوف فيك الأب ولاخ وصديق بعد ماجد
الشيخ:هههههههههههههههههههه ماجد ناشب لي بعد
ماجد:تحشون فيني أجر أجر ي ماجد
صقر:ايوه نحش فخشمك
صقر ركض لا سيارته
وماجد لحقه
الشيخ حمد:الله يحفظكم وي خليكم لبعض
قطع تفكيره ماجد اللي رتب على كتفه
ماجد :هونها وتهون وانا خوك
صقر:ليتها ي خوك وش سوى ضايع مره
ماجد:حق امك لا يضيع دامك عرفت
صقر بخيبه:ليه خبيت عني ليه وانا أعدك في القساء درع وحزام؟
ماجد نزل راسه بضيق:كنت مجبور ي خويي
صقر:مجبور على ايش ها ليه سكت ليه ي ماجد انا معاتبت ولاعزعلت من أحد  ولا طقيت لهم حساب الان ادري كارهين بس انت خويي خويي ي ماجد ليه ماعلمتني امي لها 30سنه متوفيه ومخذينا ثارها وابوي قدامي كان يضحك يسولف معي كنت أتمنى يكون ابوي وكان يتمنى اني ولده ليه ليههههه ليتك ماجيت مع الناس علي ليتك
ماجد ضمه:تكفى يصقر خبيت عنك عشان شيخ لا يموت والله عشانه عشانك ماكنت ابيك تنصدم اللي فيك مكفيك والشيخ عنده مرض بالقلب زي ماتعرف وممنوع من تعرض للصدمات وبكى
صقر:عذرك أقبح من ذنبك
ماجد:ي خويي انا  اغليك بالحيل ومستحيل اجي مع الدنيا عليك وهذ وقت وقفتي معك وخذ شيخه وخذ حق امك وانا معك بلى تبي
صقر:الوقت غربة وآخر الدرب عنوان.. والعمر رحلة والتجارب رحايل.. وانا كثر مالي من الناس خلّان.. اللي صفولي بالشدايد قلايل.. مرات ربك يرزقك أخوة انسان.. واحد ويسوى في عيونك قبايل.. وضمه صقر  وردف:ي ماجد يمكن اسولف معك وضحك لكن ثقتي فيك ماعاد ترجع مثل قبل
ماجد ناظره بنكسار:امش بنروح ناخذ شور وننهج يم قبيلة شيخ آل ذياب بسلامت ولهم نايف وفي شيخ ثاني شيخ قبيلة جسار موجود وان شاء الله ناخذ الأراضي ونبني فله لك ولاجدتي
.
عند نايف وسعود حجزوا لهم طايره يبون يوصلون بدري
نايف:تتوقع ابوي وصلوا
سعود وهو ينزل شنطته:مدري هيا طلعنا
وطلعوا
ابو محمد والعيال طلعوا
فارس:هاذي مو كيشت سعود
نواف:وهذا مو نايف ابو يد؟
ابو محمد التفت ونادا:ولد
سعود:بسم الله هذا عمي ولا من ذله اتخيل
نايف لف الا والله ابوي:النحشه ي ولد
نواف:نويف وقف احسلك
سعودركض ورماء المفتاح الغرفه على موظف الاستقبال وطلعوا وشافهم عزيز روكض وراهم ومسك نايف
عزيز وهو يلهث:شش تسوي هنا
نايف استسلم وسعود بعد وقف
وتقدموا لهم العيال
ابو محمد:إلى يملاعين صيت ازمه وكني ازهم على فراغغ
نايف:يبه احسب اني اتخيلك
فارس:سبهان الله
عزيز:متى طلعتم
سعود:لنا يومين هنا
ابو محمد: يعني ماتوبون؟
سعود ناظر نايف وردف:دكتور قال اطلعوا
ازعجتونا
ابومحمد:ايه تغنون لي في مستشفيات تقل من ذو الدشير
نايف في نفسه(قطع الوجه ي سعود عمايتها مرهه وردف:يبه لا والله وضعنا مايسمح نغني لكن طلعني عشان بعد بكره بسافر الخارج اتعالج
ابو محمد  حزن وهو يحس ان يمكن ماترجع يده مثل اول:أجل يلا نمشي تروا حجزنا لنا طياره ماقدرنا بالخط
سعود:حتى احنا وطيارتنا العصر
عزيز اخذ حرمته:حنا ي عمي طيرتنا بعد ساعه يلا نستاذنكم
ابو محمد:في حفظ رحمن
سعود:ي حركات ي عزيز وتطورت وتزوجت
عزيز:قل أعوذ برب الفلق اذلف ي العزوبي
نايف:احترم نفسك شقصدك
فارس:نفسيته صايره مثل نفسيت الحوامل
سعود:حرمته حامل وهو يحس بالعراض عنها
نايف بخبث:الحب أفعال
عزيز نزل عقاله من راسه وركض وراهم:ي ملاعين من بيفككم مني
وكأن كل اللي في شقه يضحكون عليهم
سعود:خلاص وقف بلاطهم يزحلق
نايف:هههههههههههههههههههه يلق لق
عزيز:هههههههههههههههههههه وقفوا احسلكم
فارس:انقلع لا حرمتك شكلك يضحك وانت محنفش هههههههههههههههههههه
عزيز لتفت قدها وشافها تناظر وتضحك
عليه
عزيز نزل ثوبه:فضحكم الله لكن الوعد في ليتن ضلمه
نايف وسعود:ولاحووووله جلاسهه "يغنون"
ابو محمد :قدامي يلاا
نواف والعيال كانوا يصورون سناب
عزيز تقدم ليال:هيا امشي
ليال تناظره وهي ميته ضحك:طيب
عزيز :مايضحك ابد وتوجه وركب سياره
ابو محمد:والله ينتو ي ثنين اما تعقلون وتبطلون الخبال هذا أن مايجيكم علم طيب مسكينه مرته تناظر فشلتونا نواف:زوجهم ويعقلون
ابو محمد :لا والله ماني بجنون ابلي بنات الناس بهم
سعود :الله يعمي والله ي حظها اللي بتاخذني
ابو محمد:كان الله بعونها
سعود:حرام عليك ي عم
نايف:اصلن يبه حنا رايحين لا ألمانيا بنلقى شي شي مانجيك الا بعيالنا معنا
ابو محمد طير عيونه هو يتوقع اي شي من ذا الاثنين:والله لو اعزمنه من جد لا خذ ارواحكم
سعود:من قال بنجي الديره اصلن
ابو محمد مصدوم منهم:بجي معكم انا
سعود:بنزوجك معنا ي عم
ابو محمد:احمم احم هذا العشم فيك وانا عمك
العيال طاحوا ميتين ضحك
ابو محمد:وجع انت وياه الناس تناظرنا قموا قامت عليكم سبع بواخر كلها جن
سعود:ليه مو كلها حريم؟
نواف:انا بكره بكلم عمي ابو حسين يزوجك تراك اشغلتنا
سعود:تسوي خير ي بو سعود
نايف:وانا بعد زوجوني
ابو محمد :ومن تبي انت وهو
نايف بتلميح:انا ابي ام شعر بني
سعود:وانا اسود
ابومحمد:مشاء الله عليكم ومنين ذول
نايف:من قلوبنا
ابو محمد:ولد قسم بالله ان ماتحترم نفسك انت وياه لحطكم تحت سياره ودعسكم عطيتكم وجهه
نايف:نمزح ي الغالي.
سعود:بنروح انا وابو سعود بسيارتي
ابو محمد رح معهم ي فارس
طلال:ي عم حنا تطمنا على نايف بنروح أهلنا
ابو محمد:لا عيالي بتروحون معي وعشاكم اليله عندنا
سلمان:كثر الله خيرك لكن
ابو محمد بمقاطعه:كلمتي وحده
فهد:تم يلا مشينا معد بقى الا ساعتين نفرر شوي ونروح المطار
ابو محمد:خل نروح حديقة ونتمشى
العيال توجهوا كلهم للسيارات وركبوا متوجهين يتمشوا
.
عند عزيز وليال وصلوا المطار وجلسوا  في صالات الإنتظار
ليال:عزيز خايفه
عزيز:من ايش
ليال تفرك يدينها بعض:ماعمري ركبت طايره
عزيز مسك يدينها:شوفي هي ماتخوف ابد بس تحسين بها لا عتلت سماء فوق ويصير الوضع عادي ولا نزلت تحسين بنزله بس بعدين وضع عادي لا تخافين انا جنبك ومعك
ليال:الله لا يحرمني منك ولا يذوقني حزنك
عزيز بأس جبينها :امين ي غناتي
ليال قعدت تلعب بيده اللي على يدينها
عزيز ابتسم وطلع جواله ومده لها:تسلي به إلين أشري لش جوال اعذريني نسيت وتري ديرتنا بدت بالعزا وهذا اليوم ثاني
ليال:عوافي عزوز
عزيز فها فيها
ليال:امش ينادون
عزيز:سمي
ليال:شفيك
عزيز:لو منتي حامل بس
ليال فهمت غلط:مضايقك حملي؟
عزيز:ايه حقوقي ابيها😉
ليال تصنمت في مكانها ماقدرت ترد وحمدت ربها انها حامل
عزيز ضحك:أوله ي ستحيتي قمي خن روح
ليال قامت وتوجهوا يركبون طايره
.
عند الجد ابو سليمان والجد ابو فهد وصلوا للمزرعه
ابو فهد:ماشاء الله
ابو سليمان:تعال خل ندخل في المجالس ونتقهوا وناظر في ناصر وردف:ناصر يبوك سو لنا قهوه
ناصر:تبشر ي جدي
ابتسم الجد وردف:تبشر بالخير ي بوك
وتوجهوا داخل للمجلس
ناصر دخل يسوي قهوه وقعد يدندن على بال تجهز
دخل عبدالله
ناصر سلم عليه:شخبار وعلوم
عبدالله:بخير ي خالك بشرنا عنك
ناصر:بخير والله لك الخير
ناصر خذا القهوه وراح بها لاجده
.
عند جوج
جوج:سويره تكوي نقابي وعباتي معك
ساره:نعم ي روح امك
دق الباب
جوج وهي رايحه تفتح الباب :اكويها
ساره:خلفتك ونسيتك؟
جوج فتحت الباب
جوج:هلا رينادووو والله
ريناد هلابش ي بنت العم
جوج:ادخلي ادخلي كويس انك جيتي
الجده ساره:من جاء ي جوج
جوج:ريناد
الجده ساره:حي الله ريناد تعالي اقعدي يمك
جوج:دامها قالت لش اقعدي عز الله معدهي مخليتك تقومين
ريناد:هههههههههههههههههههه
ام محمد:جوج تعالي عاونيني فاضيتلي تصارخين
جوج:شفيك علي يمههه
ام محمد:عاونيني وبسك هرج
ساره:ايوههه امي خذت حقي منش
جوج:ي ليل
ريناد:العيال راحوا قد المزرعه
جوج:ي احظهم حنا بيجبونا وقت شموس مخططين الملاعين يبونا نكرف في عز القايله
ام محمد:والله لو عادني اسمعش تقولين ملاعين ها لا حط سلك على نار وكوي لسناش
جوج بزعل:يماااه وراحت
ساره:حرام يمه زعلت
ريناد:ليه كذا
.
عند عائلة ال جسار
ميلاذ:أحسست ودي ماروح
جود:عشان جوج يصير ودها تذبحس
ميلاذ:ايه مهبوله تسويها طفش
جود:انا بروح اساعد هبوش وامي
ميلاذ:روحي روحي
ومسكت جوااها لا جوج داقه
ميلاذ:هلا والله توي اسولف عنس
جوج:الطيب عند ذكره
ميلاذ:هالله هالله شفيه صوتس
جوج:امي مدري علامه على اليوم تقل حد محرشها علي
ميلاذ:هههههه مسويه انتي
جوج:قسم بالله ي ميلاذوو اني مااني مسويه شي بس امي كها لانوت عليك شي مايوقفها الا الموت
ميلاذ:انا في وجه الله
جوج:خلصتوا كرف لاروحها
ميلاذ:ايه
جوج:حلو
ميلاذ:حلوين بسكر ابغى أقيل والعصر التقيك
جوج:حتا انا بقيل وسحب عليهم فالحين ينافخون علي
ميلاذ:احسن لك تمسي على خير
جوج:تلاقيه وقفلت جوالها وحطت رأسها ونامت

انتهــى
كومنت ونجمه تحفزني جدا 😩🤍.
توقعاتكم؟