‏ماينافس حبك في قلبي إلا عيونك وضحكتك

البارت 37

قلبي تولع به ولا لي منه فكه ."
.
.
فارس:طيب ي قلبي نامي وريحي
سعود:اوكيه انا مرههه احوبك
فارس:وانا اكثر ي لبى
سعود:هه استحي
وسكر
نايف ضحك:سود الله وجهك قلبت جداويه
سعود:تخيل وش يقول الوسخ هههههههههههههههههههههههههههههههههههه
نايف:ويش يقول عاد ماوسخ منه إلا أنت
سعود:الله يسلمك ي كلب قلت ميده انا ابيك لايامي فراش وغطاء ووساد قال جعلني الفراش اللي تنامين عليه
نايف فطس ضحك :هههههههههههههههههههههههههههه ي ولد حتى الغزل حقه يفشل
سعود:تخيل وانا زليت عنده بالغلط وبغى يموت هههههههههههههههههههههههههههههههههههه
نايف ضحك ومن كثر ماندمج مع سعود وضحك رفع يده المتصاوبه مسك كتف سعود ومكمل يضحك ويذب على فارس
سعود ضحك وهو يناظر نايف كيف حرك يده من غير لا يشعر وضعها على كتف سعود سعود اردف:نايف يدك
نايف ناظره:ههه علامها
سعود ناظر يده:حركتها ي ولد شف
نايف ناظر يده
سعود ضحك:يالله بكره بعد الفطور نروح لا دكتور ونعلمه
نايف:عساه اكمل رمضان مع الأهل
سعود:بكره رمضان والله يبلغنا رمضان بصحة وعافية
نايف:اللهم امين يارب
سعود:ي رجال احس بنصوم يومين هنيا وبعدها تطيب ونرجع الله ي سلمنا من نويصر وفارس
نايف:انا متحمس لا نظرت فارس وناصر لنا هههههههههههههههههههههههههههههههههههه
سعود:والله انا احس يوم بنلتقي فيهم يخلوني عجينه
نايف:الله يرحمك هههههههههههههههههههههههههههههههههههههههههههههههههه
سعود:مسوي طالع منها نويصر بيخليك ترجع هنا مشلول كامل
نايف:ي رجال مايقدر وانت موجود
سعود شاش راسه:والله حطهم من دونك تبشر بي ي بو سعود
نايف:ههههههههههههههه كفو ي بو نايف
سعود حاط يده على بطنه:هيا ندور لنا سحور نتسحر باقي ساعه على الأذان
نايف وقف وهو يلم البلوت من على سرير:اي ذكرتني قم قم منصور يبينا نتسحر عنده قبل شوي داق
سعود وقف:يلا مشينا أجل
وطلعوا متوجهين لغرفه منصور
دقوا الباب وفتح رجال:ي هلا
سعود:ي مرحبا منصور هنيا
رجال:اي والله انتو سعود ونايف
سعود:وبشحمهم ولحمهم
رجال:يالله ان تحيهم اقلطوا
نايف:الله يحيك
دخلوا صاله وسلموا على باقي شباب جلسوا
منصور خرج من المطبخ:ي مرحبا والله
نايف سلم عليه:اخبارك وكيف الدراسه معك
منصور:والله على ماتحب
سعود سلم عليه:مرحبا ألف شخبارك وعلومك
منصور :البقى تنشد عنك تفضلوا اجلسو
واحد من العيال:ي عيال احسكم من الجنوب السعودية
نايف:هالله هالله
سعود:وتحديدا أبها وش اسمك ومن وين
:اسمي خاطر ومن القنفذة
سعود:عاشت الأسامي ويالله حيه
خاطر:عشت لاحبابك
نايف:عاد نزلت القنفذة ٣مرات تقريباً
خاطر:والله انها نورت بوجودك
نايف:منوره بأهلها  ي بعدي
سعود:ي اخي القنفذة كلها كوفيهات ومطاعم ولو يشدون حليهم شوي هدوء البيوت وسواها مطاعم كوفيهات
خاطر:عز الله انك صدقت بس بدت تتفتح احسن من اول والقوز صارت تابعه لا حلي
نايف:الله قد البرك وذولا
خاطر وقف يقهويهم:لا وين حلي تابعه لا الدرب البرك ابعد وكلها تابعه لا جازان
نايف وهو ياخذ الفنجان:اها سلمت
سعود:الا انتوا ي عيال وش اسماكم ومن وين
:انا علي من القصيم
سعود:ي مرحبا براعي الكليجا
علي ضحك:وانت ماتعرف في القصيم الا الكليجا ههههههههههههههه
سعود:شهرتكم هذي ههههههههههههههه
:وانا مصلح من الكويت
سعود:النعم فيك وبـ أهل الكويت
مصلح:معليك زود ي حبيبي
نايف:والله تشرفنا ي رجال بكم
سعود:الا وش سحوركم ترو جابني الجوع
نايف لف وردف في نفسه(فشلك الله ي الفضيحه)
منصور:يخسي الجوع مسوين مضغوط لحم على كيف كيفك ذحين بروح افك السفت عنه
وقف متوجه للمطبخ
نايف عقد حواجبه:منين لكم رز هنا مافي
ضحك خاطر وردف:ي حبيبي حنا قبل شهر رجعنا السعودية وقشينا القهوه وتمر والأرز وعودنا
سعود ضحك:ههه والله انكم كفو ملا حنا غشم مخذينا قله وانت وراء ماتقول لي ناخذ كان خمينا الدنيا وأم دين
نايف:والله مدري قلت كل شي متوفر وبعدين لو ادري مااني بقايل ي المشفوح تبي تفضحنا
سعود:الله واكبر علاك الحين بالعيشه بفضحك
نايف:اي بالله انت لا شفت النعمه مدري وش يجيك
خاطر:ههههههههههههههه
نايف وهو ياشر على بطن سعود:شفو بطنه ي عيال مايمور الأكل فيه انا اشك ان معه دوده تاكل عشاه
سعود ينفث على بطنه:قل أعوذ برب الفلق عمت الوجه العن شيطان لا اموت
نايف ضحك:الله قطعك والله يلعنك ي شيطان
خاطر:انت وعلي نسخ لصق ي سعود هو لا جاع انا في وجهه الله يخم الدنيا كلها ويأكل ويأكل ولا يبان جسمه مايزيد
علي:غيران ي دب
خاطر:دب الله لحيك
سعود ياشر على خاطر ونايف:والله الاثنين ذول يبون يذبحونها مايبونا نترمض مع الخلق
علي:خلهم ي سعود مقهورين
خاطر:انت اسكت بالله
دخل منصور وهو ينزل الصحن ويجيب المراعي وسلطات
علي:انت اسكت لوه مو انا كان مابتسحر رز بلحم
منصور ضحك  وجلس جنب نايف:انا اشهد ههه
مصلح ضحك:يمن عليكم ي عيال علي مسوي إنجاز
سعود تكى على المركى قد علي اردف:هلا والله بخوي اللي فاهم صح ماهوب هالغشم
خاطر ونايف ومصلحة ومنصوراندمجو في سوالف مع بعض
سعود لقى له واحد على جوه وعجبه الوضع
سعود:علي قوم قوم خن شوف من يعي
علي:هيا
نايف:سعيدان اقعد وفكنا من الهبال
سعود:اقول اسكت لا أندر عليك هيا علي
علي وقف
علي:عندي لعبه
سعود:اسلم
علي مشى وردف:الحقني
دخلوا غرفه
علي اخذ حزامين حقت بنطلون ومد لا سعود واحد
ثم اردف:اشبطني به وشبطك به وإللي يقول اح ولا يتوجع خسران وينجلد ١٠ جلدات
سعود ضحك:تم تم والله انها لعبه فنانه
وبدوا مراكض يضربون بعض وهم ضحكون
وخاطر يصارخ عليهم
علي ركض صاله وسعود وراه يضربه وهو يضحك
ونايف يخاصمهم :هذول مجنن يبي لهم نوديهم مستشفى شهار بالطائف حق المجنن اقعد مقعده انت وياه
علي:هههههههههههههههههههههههه
وسعود يركض وعلي يضربه
منصور جاب قدر الرز وقام يبرد في صحن :هذول الاثنين أن ماقعدوا لا اخليهم اليوم يتعشون توست بجبنه
نايف وقف وهو يسحب سعود ويهاوشه:اقعد اقعد الله يهب لك عقل عقل مامعك قله
سعود:ي علي تعال
علي جاء وجلس جنبه وبدو يتداففون على الكنب
مصلح:وش البزارين ذول اللي جايبينهم
علي:أكرمنا بسكوتك ي شايب
خاطر حذفه بعلبت المويه وصكت في راس سعود
سعود وهو يتحسس راسه:شدخلني انا؟؟.
خاطر:عشان تعقل انت اللي طلعت جنونه علينا ي الخبل
سعود:احترم نفسك ي علاوي خذ حقي منه
علي:تبشر وقف وتوجه لا خاطر وصار يسحب فيه ويعصر به يمين شمال
ضحك مصلح:بتندم ي علي
سعود يشجع:ايوه ايوه الله عليك ي بطل كفو صنه كف ايه يمين يسار
خاطر:خلصت
علي:الحمدلله
خاطر سحبه وهو يسدحه ويضربه.
وعلي يصرخ:سعووووود افزع لي
سعود نط على خاطر وهو يضربه ويبعده عن علي وخاطر سحب سعود وحطه جنب علي وبدأ يضربهم
ونايف يشجع ب خاطر ويصور:خاطر صفق سعود زين له فتره ذبلن سبدي
سعود دف خاطر وعمد عليه وهو ويضربه وخاطر ضحك ودفه وقام من قال منصور:تفضلوا ي رجال السحور جاهز بسرعه تعالوا ناكل قبل الاذان
وقفوا العيال وعلي حط كتفه على سعود مشو يتسحرون
.
عند البنات في قبيلة ذياب
جالسين يسولفون
ساره:ي شيخه تعب وربي ٨ ايام العيد عرسي هيا بالله وش اجهز وش اخلي مايمدي ي بنات
غرام:يمدي ي روحي حنا بنساعدك معيلك
ساره:يروحي انتو ماتقصرون
سلمى:ي مره معك شهر و٧ ايام يمدك تخلصين امورك كلها
ساره:صايمه تعبان هيا بالله فاضيه افزع في الأسواق
جوج:ي شيخه بعد التراويح نروح سوق ونشري يمديك وباراحه بعد
العنود:انا بروح معك سوق ولف بك إلين نير=نلقى الفستان العرس اللي صنع من أجلك
ريناد:وانا بحجز لك مواعيد عند دكتوره وروحي لها
نجلاء:وانا بحجز لك موعد بالمشغل عشان يسون حواجبك وشعرك وضافيرك
ملاك:وانا بهتم بالمغنيه بجيب احلى مغنيه
ريناد تمايلت:نبي همسه ي لبيه بس العروس تهبل والمطربه اف ناررر افخم عرس بيكون
جوج:وانا بحجز احلى وإبدع ميكب ارتست في أبها
ساره ابتسمت بحب لهم:الله يطعني عنكم وارداها لكم في عرسكم
غرام:هههههههه فكينا مانبي ولا زواج
ساره:جايك دور ي غرامي
جوج ضحكت:أن شاء الله ونفتك منكم كلكم
ساره:أن كان بتفتكين منا من وراعيننا مابتتفكين بجيبهم عندك
هههههههههههه
جوج:مخلي والله لا شب فيهم نار لا اشوفكم ولا وراعينكم
ريناد بهمس لا جوج:سعودك ي جويج ماعاد يسأل عنك
جوج بنفس الهمس:انا بلكته
ريناد:أفا ليه؟.
جوج:كذا عشان يتأدب ثاني مره يفكر بمور الخيانه
ريناد شهقت:عسى يخونك
جوج:احم احم لا عاد تشهقين ساره وغرام يناظرون
ريناد:يوه معليك منهم سعود خانك؟؟
جوج:لا ي بلها بس يستهبل عند اخواني وامي وابوي تضايقت ليه يقول كذا مايقول كذا الا اللي وده ودامه يبي مع غيري الله يهنيه بس قاطعتها ريناد:اقول لا تحكمين عليه ترا معروف في عائلتنا انه يحب يستهبل ومهبول ومجننهم بس هو يحب يمزح وفيه من الخباثه
جوج ضحكت:الا قولي الخباثه كلها فيه
ريناد:هههههههههه بس هو يحبك ولو مايحبك مستحيل يعترف لك حرام ي جوج لا تظلميه ثم تندمين ثم تخسريه وبعدين سعود شهم وهيبه
جوج همست لها: تعالي نروح سطح
ريناد:يلا
وقفوا
غرام:على وين؟؟.
جوج:بنطلع فوق نبي نتهرج بعيد عنكم  سوالفكم غدت فعال سواليف المتزوجات ماعدا بها خير
ريناد:اي والله من يوم تزوجت ساره اخوي اخربتكم
حذفتها ساره
وجوج وريناد حطو رجلهم وركضوا
ساره:بشويش ويش ي المهبل لا تتكسرون
.
.
قبيلة جسار
كان رايح جاي في مكتبه يفكر كيف يغنع بنته قبل ابوه ياجي تنهد ثم جلس وفكر أن البنت بتروح لولد عمها موب لغريب وبتكون عند اخوه وموب عند حد غريب ولازم توافق ولا بيخسر اخوه مااخوان الا على وجهه الدنيا مايبي ي خسره عشان ولد سليمان إللي سلم اخوه الشرطه بيده زفر ثم توجه لا ملاذ دق الباب
ملاذ:هااا
ابو حسين:ادخل ي بوك ولا أعود محل ماجيت
ملاذ ناظرته ببتسامه:شدعوه يبه انا اللي اخرج وانت اللي تدخل تعال
.توجه وهو يجلس على سريرها رادف:اجلسي ي بوك ابيك بموضوع
ملاذ جلست بهدوء قباله:أمرني يوبه
ابو حسين :مايمر عليك ظالم ولكن ي بوك ابيك تسمعيني للنهاية بدون ماتقاطعيني واعرفي ي بنتي أن مستحيل اسوي شي يضرك لو انه على حسابي
ملاذ قطبت بغرابة وهي تقول في داخلها (يالله سترك ي رب مايكون عمي له يد بالموضوع)
ابو حسين وهو يناظر ملامح بنته الفاتنه:اتفقنا؟؟.
ملاذ:اوكيه اتفقنا
ابو حسين سكت لمدة ١٠ ثواني ثم اردف:عمك ي ملاذ يبيك لولده حمد واتوقع تعرفي بذا الأمر وانا ي بوك ابيك توافقي برضاك قبل لا يصير غصب عنك توافقي انا مابخسر اخوي وحيدي عشان ولد سليمان معك شهر رمضان كله تفكرين فيه ٥ ايام العيد كتب كتابك وعرسك مره وحده
ملاذ انتفضت برعب وقفت مو قادره تستوعب ابوها وش قاعد يقول وبصوت مهزوز اردفت:ءءء يوبه وش قاعد تقول انت؟؟
ابو حسين:اللي قلته ي بوك انكان تبين رضاي عليك أن تاخذين ولد عمك ي بوك اخوي الله يرحمه الكبير مات ولا بي افقد اخوي الثاني وهو حي بدنيا
ملاذ:يوبه بترخصني عشان ماتخسر اخوك ليه يوبه ليه؟
ابو حسين اردف بحده:عمري مارخصتك ولو ابي ارخصك كان رخصتك لولد سليمان سامعه
ملاذ:ولد سليمان ي يوبه يكون ولد خالتي عمري ماسمعت عنه العلوم الرذيلة عكس ولد عمي حمد وانت يوبه أكثر واحد كنت تسمع عنه وتشوف أفعاله وكنت توقف في وجهه وترده واليوم وقفت معه وقفت في وجهي ي يوبه الا بسألك لهدرجه رخيصه عندك عشان تبي بترخصني لولد حسين
صنها كف حتى طاحت من مقامها وتوجه وهو يمسكها من شعرها صرخ فيها وهو يهزها:اسمعي كلامي زين خطبتك 5ايام العيد وبتزوجينه وتروحين معه وان قلتي لأحد سوا امك ولا غيرها والله ي ملاذ الغضب عليك ليوم الدين ولا اتبرا منكي لاني ابوك ولا اعرفك سامعه
ملاذ هزت راسه برعب
وفكها وهو يمسح على رأسها بحنو نادم على أنه مد يده عليها:ملاذ ي بابا الله يهديك تخرجين الواحد عن طوره عموم ي بابا والله ان تزوجتيه راح يسعدك تريه تاب وبعد عن سموم واخوي يكون عمك ابوك ثاني
ملاذ ماردت تبكي وتشهق تفكر نايف وتفكر كيف خلاص قصتهم إنتهت؟؟ وش تسوي وش ادبره
طلع ابو حسين بهدوء
ملاذ بكت  بحرقه على حالها اللي انقلب ودها تصرخ مالها احد تفضفض له وضلت على حالها حتى إذن الفجر نهضة بتعب وخمول وهي تسحب بجامه من درج وتتوجه للحمام" كرم القراء "تتروش وتصلي لعل تهدأ
.
في قبيلة عقاب "
صحت الجده مزنه وهي تهلل وتستغفر
ثم توجهت إلى الحمام بثقل توضي للصلاة بعد دقايق طلعت وهي تشوف صقر داخل البيت
الجده مزنه:صحيت وصليت يمك؟؟.
صقر أقبل وهو يبوس رأسها:مانمت وصلاة أكيد صليتها وذحين بروح انام
الجده مزنه وهي تحاول تلبس مسفع صلاة :زين يمك نام وريح وعلى صلاة الظهر انصحيك
صقر تقدم وهو يلبسها وهي ضحكت رادفه:مره عديتني بنيه
صقر ضحك لضحكتها:انتي عجيزي امي واختي وبنتي وكل ابوها وبعدوهو يمشي:امستي بالخير
الجده مزنه ابتسمت لكلامه:أمسيت بمثله
وتوجهت تصلي
صقر دخل غرفته وهو ي تروشت ويلبس بجامه النوم ويرمي بثقله على سرير بتعب قعد يناظر السقف بسرحان ثم جت طيوفها على باله اخذ جواله وهو يرسل لها على الواتس
سلام كيفك
بعد ٣دقايق جاه الرد
مها/مو شغلك ولاعاد ترسل لي
صقر /أعوذ بالله صومي مع الخلق ي مره
مها/ليش فاطره انا؟؟
صقر / لا حول ردي بدق عليك
مها/جرب تدق قسم لا اصكك بلوك ذلحين
صقر/سويها اني لجيك لبيت ابوك وتلك من رقبتك
وإرسالها جات صح واحد وضح له أنها مبلكته يبي يتأكد دق عليها ويجيه مشغول عصب ثم اردف/اللهم اني صائم اللهم اني صائم دواها بعد الفطور
ورقد
.
عند مها انبسطت بحركتها فيه
مها:ههههههههههههههه ي ربي ذحين يوشي نار  أخذت مصحفها وهي تقرأ سورة البقرة
دخلت حصه تبي تطمن عليها وتشوف صحت صلت ولا لوء
حصه:تقبل الله منا ومنك صالح الاعمال
مها سكرت المصحف ثم باسته وحطته على الكومدينه ثم اردفت:اللهم امين يارب حياكي ماما
حصه:الله يحيك جيت بشوف صليتي وتطمن عليك
مها ابتسمت وهي ترجع خصلات شعرها على وراء أذنه :ايه صليت
حصه ابتسمت لها بحب:الله يتقبل
مها:امين
حصه:هيا كملي نومك إلين ساعه ١٢ الظهر ونصحيك
مها:اي تمام
حصه:الا ي المها صقر مايكلمك؟؟..
مها زفرت:لا ولا ابيه يكلمني
حصه هزت رأسها بـ يأس:الله يهديك عموم نامي
مها تعدل وسادتها:اوكيه طفي المبه معك يومه
حصه طفتها وطلعت
.
عند ملاذ كانت على سجادتها وتبكي وتلهث بدعاء
ماتبي مفارق محبوبها تمنت الموت على إنها تخير بمفارقه ماتبي تفارقه بدون سبب قررت انها ترضى بالمر الواقع رضاء ابوها عليها فوق كل شي حتى لو تخسر محبت الجميع وتطيح في هموم الدنيا وتغرق تبقى باره في ابوها مستحيل تغضبه عليها حتى لو  ترضيه على حساب سعادتها وقفت وأخذت نفس عميق ثم زفرته طوت سجادتها فتحت جوالها شافت الساعه تشير5:8م
.
وفي الرياض  الجد ابوفهد وابوسليمان وابو نعمان وابو نمر وناصر ونواف ونمر وأخوه لافي ونافي ونعمان كانوا مسوين حلقه يقرون قرآن بخشوع وتدبر
وبعد ٣٠دقيقه خلصوا وسكروا مصاحفهم وجلسوا اللي يهلل ويذكر ربه واللي ي دعاء واللي يسولف
ناصر
.
وفي قبيلة ذبيان
دفنو امهم وصلوا عليها وبدت ايام العزا وكان حال وسن يثرا له طول وقتها تبكي بصمت حنان ماكانت تفارقها
بس ماتقدر تعبي مكان امها امها اللي كانت تسوي اي شي عشان ماتنضر بنتها
وسن:عن إشتياقي لأمي وعن قلبي الذي دُفن بجانب قبرها ، عن جسدي الذي خلت منه الروح لا أجد ما يهون مرارة هذا الفقد سوا ﴿ وَبَشِّرِ الصّابِرينَ ﴾ 
حنان بحنو:وسونه حياتي انتي صائمه ي قلبي ومايكلف الله نفس الا وسعها فهدي ي قلبي وخالتي الله يرحمها ويغفر لها وراحت للي ارحم مني ومنك ادعي لها وذحين نحنا دخلنا في شهر كريم تصدقي عنها ودعي لها وستغفري لها والله انك بهذا الحال تعذبينها
وسن هنا انفجرت :والله اني احاول ماقدرت مافقدت اي شخص عادي والله اني فقدت اللي من ضحكتها يزين به يومي فقدت اللي لا قلت خفت طرحت علي من اضلالها "وكانت تتكلم عن ماضي  عثمان وابوها ومازن" اهخ وقهروني مازن وعثمان يوم امي فارقتنا تابوا حرام يوميه كانت تترجاهم يعدون يوم بس على خير وكانوا يعاملونها معاملت الخدم مازن صح عمره ما قل أدبه على أمي واديم ويهاوشني يضربني بس انا يهون علي راضيه بكت بحرقه اللي المفروض أشد به ضلعي اخوي الكبير اللي بدل مايكون هو لنا الأخ والأب صار لنا العدو اللي مابعده عدو واليوم جاني يطلب السماح بعد  ايش ابي افهم بعد ماراحت من الدنيا أعز من فيها على قلبي اه احس خلاص ابي اموت معاد لي قدره وحيل بهـ دنيا تعبت اكتم تعبت وانا قول مردها تزين
حنان ماكان لها غير تسكت وتسمع لها تبيها تفضي كل اللي بداخلها البنت تعبت من الكتمان وتمثيل كن ماشي كان
كل كلمه كانت تصرخ وتشهق بها وصلت لا مسامع صالح
اللي معد الأرض قادره تشيله من هول ماسمع احتقن  وجهه بسواد وزاد حقده على ابوه وردف بهمس:معقوله في ٤سنين كل ذا صار؟؟.معقوله وصلت ببوي يبيع عرضه وشرف بنته عشان كم حبه؟؟ وعثمان يسوي بزوجته واخته  وأمه اللي الجنه تحت أقدامها كذا يالله وش اللي قاعد يصير انا ليه رحت وخليتهم ليه ليه وضرب يده بدولاب اللي جنبه وقفزت وسن وحنان حنان:هذا شكله صالح
وسن طلعت وهي تمسح خدودها بعنف
وشافته واقف ودم ينزف من يده  ركصت له ومسكت يده برعب :وشش صااار ليدك
صالح نزل عيونه لها ثم سحب نفس وزفره وردف:ولا شي ي خوكي
وسن بكت:الا يدك تنزف تكفى لا تروح زي ماراحت امي
صالح ضمها لصدره وهو يمسح على ظهرها نحيل بلطف:من يوم ورايح دموعك ذي مابي اشوفها انا مخبرك  أن أدنى حاجه تبكيك وأين اخت صالح القويه اللي ماتهب الموت اليوم اليوم انا اشوف وحده جديده
وسن ضيقه كابسه على أنفاسها:من عقب سفرت للخارج وتركتني لأبوي ومن يوم فقدت الغاليه صدقني انا ماعدني انا 
صالح يبي يطلعها من جو الحزن اردف ضاحك:اقول اتركي عنك بس وانتي ماتغيرتي ودليل
سحب شعرها وركض
وسن أكثر حركها تكرها وتنرفزه حركة سحب شعر
ركضت وراه وهي تسبه وتحذفه بشحاطتها "كرم القارئ"
حنان ابتسمت بحب لهم وفرحت أن نفسيت وسن تعدلت بفضل صالح
حنان اردفت:ي حبايبي تراكم صايمين قروو
صالح وقف وطنت عليه وسن
دخل عثمان وبيد ماسك بنته ريوف وبيده ثانيه شايل ولده عمر إللي عمره سنتين  وريوف 5 وريوف ماسكه كيس حلويات وعروسهركضت لأمها والابتسامة شاقه وجهها
ريوف:ماما توفي بابا تلى لي علوسه
حنان نزلت لمستوى بنتها وهي تمسح على راسها:الله ي ماما مرههه حلو تشبهك
ريوف انبسطت وقامت تتمايل بشعرها وعثمان توه يحس بشعور الابوه بالمسؤولية نادم أشد الندم على سنين اللي ضيعها في دروب الردى ولو يدور به زمن عز الله ماتعدا حدود الطيب
وسن مت شافته صدت عنه ولكن ركضت لها ريوف :وتن توفي علوستي. عثمان يناظرها بنظرات آسف واندم
وسن نظرتها وابتسمت لها بحب:الله حلوه مثلك هيا لعبيني معك
ريوف:لااا هدي حدتي
وسن ضحكت:ي عيارتك ي ابخيله
.
.
انتــهى
كومنت ونجمه تحفزني جدا
وانتوا كريمين وانا استاهل 🥺🤍.

‏ربي أرزقني لذة الوصول
و لا تجعلني أمشي الدروب
ضاميه بدون هدف.

استغفرالله العظيم واتوب اليه
وتنويه >>
الأشعار اللي بروايه منقوله مهيب لي وبس انتظروني الساعه ١٢ بليل بنزل لكم بارت وكتبوا توقعاتكم بشوفها كلها
وستودعتكم الحي الذي لا يموت 😩🤍.