سلام حبايبي كيفكم⭐؟ اتمنى تستمتعون بالبارت 🤍.
-
فتحت جوالها ترسل لـ غدير .
Messages :
تغريد : الحقي بعلمك سالفه
غدير : انطقي
اول ما رسل لها ناظر فيها وأبتسم بـ جانبية يراسلها وهي قدام عينه وما تدري انه هو .
تغريد : ما ادري هو صدفه ولا وش بس شفته بالطاولة الي جنبنا مع اخوياه ويناظر لي !
غدير : يا شيخه واضح انه طايح عليك
تغريد : لو صدق كان خطبني ولا قالي بوجهي مو يسوي ذي الحركات
غدير : اي حركات ؟
تغريد : حركات صدفه المقابلة مدري بس احسه يراقبني
غدير : اذا ما تبينه انا ابيه
تغريد : اعقب !
غدير : لا صدق واضح من وصفك قبل انه مز
تغريد : ياشيخه امزح معك لو تشوفينه تندمين انك قلتي كلامك ذا
ناظر فيها بـ نصف عين وهو متوعد لها بس استغرب يوم شاف ملامحها مايله للعصبيه معقوله تغار عليه ؟ .
غدير : اعترفي غيرانه ؟
تغريد : الصراحة ؟ اي
غدير : منفصمه ههههههه
تغريد : انطمي !
قفلت تغريد وهي تناظر بالجهة الثانيه تحاول انها ما تناظر فيه الى ما جاء الطلب .
اخذت قهوتها وهي تصور وتحطها ستوري .
وصورت أمجد وهو معه نفس قهوتها .
وجمعت الصورتين ونزلتها ستوري وكتبت .. " ماتشي ماتشي " مع إيموجي قلب لطيف
شافها أمجد وهو يضحك واخذ سكرين لـ الستوري يخليها عنده .
وحط الجوال وهو يسولف مع العيال دامه جمعهم .
واستغربت تغريد لأن غدير ما ردت على رسالتها .
حطت الجوال وهي تنتظر رسالتها .
وناظرت هند تغريد بشك ونطقت .
- تكلمين من ؟
ردت تغريد بعد ما اخذت رشفة من قهوتها .
- صديقتي
استغربت هند ونطقت بـ فضول .
- عرفيني عنها
ناظرت تغريد بـ هند وهي تنطق بـ طقطقه .
- لا صديقتي واغار عليها
نطقت هند بـ جدية
- اتكلم جد علميني عنها !
تنهدت تغريد وهي تنطق .
- صديقتي غدير تعرفت عليها بالانستا قبل فترة تشبهني كأنها توأمي
أنت تقرأ
يَـا قـرة الـعِـين أن الـعِـين تـهـوَاك
Romanceانستا : reiwoc40 ||| تيك : xrwaya17 - " الكِـاتبة | جِـيان " - ابطال الرواية : " أمـجـد عـبـدالمـلـك ، تـغـريـد عـبـدالمـجـيد "
