قصة : ( توهان ) ل سهيلة سعيد المنجي

الحلقة ٥ و ٦

قصة : { #توهان } 💛💫

الحلقة الخامسة { ٥ } 🫀

علا : لا ماليش دعوة
رهف : مش هجاوب لأ !
اسراء : يبقا التحدي
رهف : مش مهم اوك
اسراء : هقوله انا
ليلا : قولي يختي م انتوا مصدقتوا !
الكل : ههههههه
اسراء : بصي ي ستي ، اول حد هيدخل المطعم لو بنت هتطلبي منها جنيه لو شاب هتطلبي رقمه
رهف بخضة : ينهاري لا انتي بتهزري ، مستحيل اعمل كدة !
علا : لا انتي كدة بتخومي بقا ، ولا السؤال ولا التحدي مينفعش !
رهف : طب حاجة اخف طيب ، لو شاب وطلبت رقمه هيفهمني غلط !
علا : ايوة صح عشان متجبلهاش مشكلة
اسراء : طب خلاص زي البنت جنيه
رهف : طيب ماشي ، ومش لاعبة معاكم تاني ، اسألتكم واحكامكم زفت !
علا : هي اللعبة كدة مترجعيش تعيطي ي عيوطة !
رهف وهي بتضربها بهزار : ي جزمااااا
البنات : ههههههه
اسراء : يلا اهو واحد دخل قومي
ليلا وهي بتقوم : طيب
( يقعد الشاب ع ترابيزة عاطيهم ضهره ، تقرب عليه رهف واسراء وعلا واقفين فطسانين م الضحك )
رهف وهي بتقف قدام الشاب : احم اناااا كنت عاوزة ......................
( تلاقيه نوح ، تتخض ، يبصلها )
رهف ب ارتباك : ااااا ....................
نوح : عاوزة ايه ؟!
رهف ب احراج : لا ولا حاجة ، حضرتك تؤمر بحاجة ؟
نوح : قهوة
رهف : اوك
( تمشي رهف ترجع للبنات )
اسراء : فين الجنيييه ؟
رهف : اسكتي كنت هترفد بسببك !
اسراء ب استغراب : ليه ؟!
رهف : طلع مستر نوووح !
البنات بخضة : احييه !
اسراء بضحك : بجد والله !
علا : ههههههه
رهف : هعمله قهوة
اسراء : والتحدي طيب !
رهف : اسكتاااااي ، هروح اقوله هات جنيه هيطردني وربنا !
البنات : ههههههه
( تدخل رهف المطبخ تعمل القهوة ، تخلص وتقرب بيها ع نوح )
رهف وهي بتحطهاله ع الترابيزة ب ابتسامة : القهوة كراميل
نوح وهو بيبصلها : بس انا اتعودت عليها مظبوط خلاص !
رهف ب ابتسامة : بجد !
نوح : بجد
( تدخل نيلي وبشرى )
رهف وهي بتمسك الفنجان : طب هغيرهالك ، دقيقة بس
نوح وهو بيحط ايده ع الفنجان : لأ
( يلمس ايدها ، تتحرج وتشيل ايدها )
نوح : المرة الجاية
رهف : اوك !
( تبصلهم نيلي ب استغراب ، ترجع رهف للمطبخ ، تقرب نيلي وبشرى يقعده مع نوح )
نيلي : في ايه ؟!
نوح وهو بيبصلها : في ايه ف ايه ؟!
نيلي : كانت بتقولك ايه ؟
نوح : وانتي مالك ؟
نيلي : نعم !
نوح : ايوة وانتي مالك ، ويتر وبتقدملي القهوة هتكون بتقولي ايه يعني !
نيلي : انت مبقتش طايقلي كلام كدة ليه ؟!
نوح وهو بيقوم : لا م انا مش هتخانق وسط الموظفين كمان !
( يمشي نوح )
نيلي ل بشرى : شايفة !
بشرى : حاولي تفصلي بين الشغل وحياتك الشخصية ي نيلي عشان الناس !
نيلي : وانا عملت ايه ي بشرى ، انتي مكنتيش شيفاه بيبصلها ازاي ومبتسم اوي واول م شافني قلب وشه عليا !
بشرى : عشان عارف إن انتي اكيد هتنكدي عليه
( تتنهد نيلي وتبص ل رهف )
نيلي : البنت دي مش اول مرة اشوفها واقفة بتكلمه ، مين دي بقا ؟
بشرى : ع فكرة دي بنت غلبانة اوي وانا عرفاها كويس ، ملهاش ف المياعة ولا الغلط ، ف متقلقيش منها
نيلي وهي بتبص ل رهف : لا شكلك متعرفيهاش كويس ي بشرى !
( واقفة رهف بتتكلم مع البنات وبتهزر ، تقوم نيلي تطلع مكتبها ، يعدي الوقت وييجي الليل ، ف بيت رهف )
الجدة وهي بتعد فلوس : دول بس ؟!
رهف : م انتي عارفة إني بجيب حاجات ف جهازي ي تيتة ، اخلص بس واحدة واحدة
الجدة : لا خفي نفسك شوية ، انا لو فاتتني عمرة السنة دي والله .......................
رهف : هترميني ف الشارع عارفة والله حاضر
الجدة : قومي من قدامي طيب ، قومي وانتي شبه امك الله يكحمها
( تبصلها رهف بحزن وبعدين تقوم تدخل اوضتها ، عند اسلام ، قاعد ف اوضة مع واحد )
زياد : م كنت فكيتك م الحوار دة ، انت حمل خطوبة وجواز ، دة انت لسة بتقول ي هادي هنا !
اسلام : ي عم هي البت اشتكت ، هي قابلة معايا ع اي وضع ومش هلاقي حد زيها
زياد : بس مش هتفضل كدة ع طول ، اكيد ف يوم هتزهق 
اسلام : هي غلبانة زيي ومش عاوزة اكتر من بيت يلمنا
زياد : ي سيدي ربنا يرزقك وتتجوزوا قريب
اسلام بتنهيدة : يارب
( تدق الساعة اربعة الفجر ، جوة سويت ف اوتيل ، جوة اوضة النوم ، مرمية هدوم ف الأرض ، ع السرير ، نايم نوح وجنبه بنت ، يرن فون نوح ، مرة واتنين ، ميردش نايم ، تصحى البنت )
............. وهي بتزق نوح : نوووح ، نوح فونك عمال يرن بقااا !
( يصحى نوح ، يمسك الفون )
نوح بنعاس : الووو
نيلي : أنت فين ؟!
( ينتبه نوح للأسم ويقوم يقعد )
نيلي ب استغراب : انت نايم ؟!
نوح ب ارتباك وهو بيبص ل البنت جنبه : اااا ...................
نيلي ب انفعال : رد عليااااا !
( يتنهد نوح )
نوح : ف الأوتيل
نيلي : بتعمل ايه هناك ؟!
نوح : ولا حاجة
نيلي : اومال ايه الي وداك ، سايبني لوحدي ورايح تبات ف اوتيل ليه ، انت حد معاك ؟!
نوح وهو بيقوم : انتي هبلة حد مين الي معايا !
نيلي : طب ياريت تروح ي نوح ، روح
نوح : هاجي بكرة
نيلي : دلوقتي لو سمحت
نوح : احنا الفجر !!
نيلي ب انفعال : والله لو م جيت دلوقتي ل ادخل ل ابوك واقوله كل حاجة
نوح : انتي بتهدديني !
نيلي : اة ي نوح بهددك
نوح : تمام !
( يقفل نوح ويقعد ع طرف السرير ، نيلي ف البيت ع اخرها عمالة رايحة جاية ف الأوضة ، بعد شوية ، يوصل نوح قدام البيت ، تشوفه نيلي من فوق م الشباك ، يدخل نوح البيت ، يتفتح باب الأوضة ، يدخل نوح ويقفل الباب وراه بعنف )
نيلي : سيبت الي كنت معاها بسهولة كدة !
( يتنهد نوح ع اخره )
نيلي : م انت مكنتش لوحدك اكيد !
نوح : اة كنت مع واحدة ي نيلي
نيلي بزعيق : مبهزاااااارش
نوح وهو بيقرب عليها : صوتك يوطى !
نيلي : لا ي نوح مش هيوطى ، خليه يعلى وخلي اهلك يسمعوا فضايحك
نوح وهو بيمسكها من وشها بعنف : متستفزنيش عشان والله هتندمي !
نيلي وهي بتزق ايده : اوعاااا !
نوح وهو بيمسكها من شعرها : قسماً بالله إن م اتلميتي ي نيلي وبطلتي قلة ادب معايا ولا هيهمني اهل ولا عم وهكرهك ف اليوم الي عرفتيني فيه ، ماشيييي
نيلي بحزن : انت ليه بتعمل معايا كداااا !
نوح : بلاش الشويتين دول مش هياكلوا معايا دلوقتي ف وفريهم ليوم تاني
( يزقها يبعدها عن طريقه تقع ع الكنبة )
نيلي : انت اتجوزتني ليه ؟!
نوح وهو بيفك زراير القميص : انتي عارفة ليه
نيلي ودموعها بتنزل : بس دي مش عيشة .، انا دايماً محتجالك ونت سايبني ، لو كنت هتعاملني بعد الجواز زي اختك كنت سيبتني كدة م الأول وموافقتش !
نوح وهو بيقلع القميص : كان ابوكي هيسكت اصلي
نيلي : الجواز مش بالعافية !
نوح : لا ساعات بيبقا بالعافية ي نيلي
نيلي بخضة : يعني انت متجوزني بالعافية ي نوح ؟!
( ميردش عليها )
نيلي بعياط : رد عليااا
( يتنهد نوح ويقرب عليها )
نوح وهو بيمسك وشها ب ايده الأتنين : ممكن نقفل ع الموضوع دة ، وانا اسف إني مديت ايدي عليكي ، حقك عليا
( ييوس جبينها ، تفرح من جواها ، يمسح دموعها )
نوح : انا مش متجوزك غصب ، كل الحكاية إني كنت بتعامل معاكي انتي واخواتك كأنكم اخواتي ، احنا متربيين سوا من صغرنا ، مرة واحدة اتفاجأت بوجودك معايا كزوجة ، اكيد دة مش سهل عليا !