قصة : ( توهان ) ل سهيلة سعيد المنجي

الحلقة ٢١ و ٢٢

قصة : { #توهان } 💛💫

الحلقة الواحد والعشرون { ٢١ } 🫀

( تتخض رهف من انفعاله وتصحى نيلي ع صوته )
نوح بنفاذ صبر : مش كدة بجد ارحمونييي !
( يقفل الفون ويرميه ع الترابيزة ، تقوم نيلي تقعد وتبصله ب استغراب ، يبصلها )
نوح : فوقتي ي هانم ؟
( متردش وترجع شعرها ورا ودنها ، يقوم ويقرب ناحيتها ، تبصله )
نوح : لتاني مرة هسألك ، مين الي نزلتي من عربيته ؟
نيلي : ...................
نوح : اتكلمي ي نيلي ومتختبريش صبري معاكي عشان مبقاش موجووود
نيلي بالكدب : مش فاكرة
( يتنهد نوح ويرجع شعره لورا ع اخره )
نوح بغيظ : ي بنتي بالله عليكي انا مش طايقك حالاً ف متذوديهاش والله هزعلك !
نيلي وهي بتقف قصاده : نوح انت دايماً مش طايقني ، هو دة جديد ؟
نوح : انتي عاوزة ايه طيب ، يعني ايه اخرة الي بتعمليه دة ؟!
نيلي : عاوزة اطلق
( يتخض نوح ويبصلها ب استغراب )
نوح : تطلقي !!
نيلي : اة ، طلقني
نوح : اة عشان تمشي ع حل شعرك براحتك بقا !
نيلي : ف الحالتين انا براحتي ، ف خليني براحتي وانا مطلقة احسن م ابقا براحتي وانا ع زمتك
نوح : دة بعدك ي نيلي ، طلاق مش هطلق
نيلي : براحتك ي نوح
( يفضلوا باصين لبعض )
نيلي : ياريت تخرج عشان عاوزة اغير هدومي
( تسيبه وتدخل التويليت ، يستغرب طريقتها الي اتحولت ٣٦٠ درجة ، يمشي م الأوضة ويمسك فونه )
نوح : الو ، معلش اتصلت ف وقت متأخر ، عاملة ايه ، لا مش كويس ، عاوز اقابلك ، لا برة البيت ، اة في ، ياريت الصبح اة ، اوك ، سلام
( يقفل نوح ويتنهد بضيق ، عند نيلي ، واقفة تحت الدش وعمالة تعيط )

*( في ناس كتيرة بتتهمني ف حبي ليك ، قالوا عشت بهمل نفسي وانا بهتم بيك ، وانا الي تاه بعدك ، وانا برضو الي بيدور عليك .. 💔 )*

( يدخل نوح اوضة رهف ، يلاقيها نايمة ، يغير هدومه وينام جنبها ، ف بيت تاج ، قاعد ف شقته ، حاطط قدامه ع ترابيزة كيس بودرة وبيجهزه ، يخلص ويشمه ويرجع دماغه لورا ب استمتاع ، يفتكر نيلي واليوم كله معاها ، يبتسم ب انبساط ، يعدي الوقت ويطلع الصبح ، يقوم نوح يلبس وينزل ، يوصل كافيه ويقعد ع ترابيزة ويطلب قهوة ، بعد دقايق ، تقرب عليه اخت نيلي )
هدى : صباح الخير
نوح : صباح النور ، اقعدي
( تقعد هدى )
هدى : عامل ايه ؟
نوح : مش كويس
هدى : قالقني من امبارح ، خير ولا ايه ؟!
نوح : لا هو مش خير خالص
هدى بقلق : حصل ايه ؟!
نوح : نيلي بقت غريبة ، تصرفاتها وطريقة كلامها ولبسها ورد فعلها ، كل حاجة فيها اتغيرت !
هدى : دة الي جايبني عشانه ؟
نوح : ايوة ، انا مبقتش عارف افهمها !
هدى : طبيعي إن واحدة جوزها يتجوز عليها بعد جوازها منه بكام شهر تتغير ، ودة غريب بالنسبالك انت ، لكن بالنسبة ل اي ست دة امر طبيعي ي نوح
نوح : انا عارف إن دي حاجة تضايق
هدى : لا ي حبيبي مش تضايق دي تقهر ، انت قهرتها
نوح : ي هدى الي حصل كان .................
هدى : كان غصب عنك ايوة كلنا عارفين دة ، بس هي عمرها م هتستوعبه
نوح : مهي السبب اصلاً
هدى : لا ي نوح انت السبب مش هي ، هي رد فعلها دة عشان كانت بتحاول تحافظ عليك نتيجة إنك مهملها وزاللها ع وجودك معاها ، واتقلب الحوار كله ضدها حالياً ، لكن انت سبب رئيسي ف كل دة
نوح بضيق : هدى انا مش جايبك عشان تأنبيني !
هدى : ايوة انت جايبني هنا ليه بقا ؟
نوح : نيلي بتضيع بجد ، راجعة امبارح الساعة اتنين الفجر سكرانة وف عربية راجل غريب ، والله اعلم كانت فين وحتى مش فاكرة مين الي كانت معاه !
هدى بخضة : ايه الي بتقوله دة !!
نوح : زي م بقولك كدة ، انا امبارح قسماً بالله معرفش ايه الي كانت مصبرني عليها من إني اموتها بجد ، حتى الكلام معاها مبقاش ينفع نهائي ، بترد الكلمة بكلمتها بكل بجاحة واستفزاز ، وطلبت تطلق
هدى بخضة : تطلق !
نوح : انا كلمتك عشان انتي اكتر واحدة بتفهميها واكتر واحدة هي بترتاحلها ف الكلام ، عاوزك تكلميها عشانها ي هدى ، عشان لو فضلت ع الحال دة بجد هتشوف مني ايام سودة ، وانا مقدر كويس جداً حالتها بعد الي حصل ودة الي مصبرني عليها ، ف ياريت تتكلمي معاها بجد
هدى : هكلمها اكيد
( يشاورلها ب اة )
هدى : انت عامل ايه مع مراتك الجديدة ؟
نوح : بمشي الأيام ، بحاول مضايقهاش واكون جنبها عشان حملها ، وعشان عرفت إن ملهاش زنب ، وف نفس الوقت حاسس إني تايه ، حاسس إني مش موجود بس موجود ، انتي فهماني ؟
هدى بفهم : ايوة فهماك ، بس ل امتى هتفضل عايش ف تقضية الواجب دي ؟
نوح بتنهيدة : مش عارف ، لا وجودي مع الي اختارتها نافع ولا مع الي مخترتهاش نافع ، مش عارف اعمل ايه بجد ، نفسي ابعد عن الكل ، نفسي اختفي !
هدى : ربنا يريح قلبك
نوح : يارب
( بعد شوية ، عند نيلي ، نايمة ع سريرها بس مفتحة عيونها ، يرن فونها ، تمسكه ، تلاقيه تاج )
نيلي : الو
تاج : عاملة ايه ؟
نيلي : الحمدلله
تاج : قلت اطمن عليكي ، مجتيش الشركة !
نيلي : تعبانة شوية
تاج : تعبانة مالك في ايه ؟!
نيلي : ماليش بسيطة ، بس شكلي تقلت ف الشرب امبارح ف معدتي مش متظبطة
تاج : الف سلامة عليكي ، لو عوزاني اعدي عليكي اخدك لدكتور اجيلك
نيلي : لا لأ تسلم ، انا هبقا كويسة
تاج : انا بتكلم جد
نيلي : انا كويسة ي تاج !
تاج : اوك ، لو احتاجتي اي حاجة كلميني ع طول
نيلي : اوك ، باي
تاج : باي
( تقفل نيلي وتتنهد بضيق وتعب ، يوصل نوح قدام البيت ومعاه هدى )
هدى : لما اخلص هكلمك
نوح : ماشي ، انا رايح ع الشركة
هدى : اوك
( تنزل هدى م العربية تدخل البيت ويمشي نوح ، تطلع هدى فوق وتقرب ع اوضة نيلي وتخبط )
نيلي : ادخل
( تدخل هدى )
نيلي بتفاجئ وهي بتقوم : هدى !
هدى : وحشتيني
نيلي وهي بتقرب عليها : انتي اكتر
( تحضنها وتسلم عليها ويقعده )
نيلي : اخيراً جيتي !
هدى : انا جاية عشانك
نيلي ب استغراب : عشاني !
هدى : ايوة ، نوح اتصل بيا امبارح وطلب يقابلني وقعدنا سوا انهاردة ، كلمني عليكي ، ايه الي انتي بتعمليه دة ي نيلي !
نيلي : اشتكالك !
هدى : اة اشتكالي ، بتشربي ي نيلي ، ومين دة الي كنتي معاه ؟!
نيلي : واحد
هدى ب استغراب : ايه السهولة الي بتتكلمي بيها دي ، انتي واحدة متجوزة !
نيلي : متجوزة ، وكان فين جوزي دة طول الشهور الي فاتت ، كان فين ردي عليا ، حلال ليه هو خيانته ليا وحرام عليا انا !
هدى : حرام عشان حرام وعمرها م هتبقا حلال ، حرام عشان نفسك مش عشانه ، لو فاكرة إنك كدة بترديهاله تبقي غلطانة ، انتي بتدمري نفسك ف الأول وف الأخر ي نيلي !
( تنزل دموعها )
نيلي بعدم اهتمام : هي كدة كدة متدمرة
هدى : وقفي الي بتعمليه دة صدقيني هتندمي ، عيشي حياتك وبلاش الند بالند دة !
نيلي : م انا بعيش حياتي اهو ، زعلانين ليه بقا ؟!
هدى : إنك تخوني جوزك وتبقي بني ادمة وحشة وهمجية دي كدة العيشة بالنسبالك ؟!
نيلي وهي بتضير وشها : قلتله يطلقني هو الي مش عاوز
هدى : وليه اصلاً ، ليه تخربي ع نفسك !
نيلي وهي بتبصلها : هدى انتي مصدقة الكلام الي بتقولهولي دة ، اخرب ع نفسي ، دة ع اساس إن مش كل حاجة خربت وباظت من زمان !
( تنزل دموعها )
نيلي : انا مقضتش غير يوم عدل واحد بس من وقت م اتجوزت نوح وهو يوم جوازي ، يوم بس ي هدى ، عشت باقي الأسبوع وانا باكل ف نفسي فيكي ايه ، فيكي ايه وحش بعدوا عنك ، عملتي ايه غلط طيب ، جرا ايه ، كل أخر يوم ودماغي ع المخدة ببقا بجلدني عشان اطلع غلطة ، غلطة واحدة بس تفهمني هو بعيد ليه ، مش لاقيه ، نوح كرهني فيا ي هدى ، كرهني فيا وف الدنيا كلها !
( تضايق هدى وتاخدها ف حضنه )
هدى : اهدي بس عشان خاطري ، انا جاية اهون عليكي وافهمك مش ازعلك اكتر !
نيلي بعياط : انا زعلانة اوي ، زعلانة اوي والله
هدى : بس ي حبيبتي طيب كفاية ، حقك عليا ، انا بس مش عوزاكي تعملي حاجات تندمي عليها بعدين وتأذي بيها نفسك !