ب:داده شرايك ننهزم انه وياك
وتعوف هل اوادم كلها وراك
..رحنه نكمل شغلنه جنت واكفه اغسل المواعين ودخلو حامد ومحمد وقتيبه وابو صفنات
حامد : نادرات بعد جبدي
رياح : اي ماتشوف لشغل علينه كله
رحمه : متجون ساعدونه
حامد : افا عليج لعد منو جان يوزع مي
رحمه :خلف الله عليك
اجتي ريتا مدري منين
قتيبه : ترا محد راكض وراج
ريتا : جايتكم بطلابه
رماد : غردي
ريتا : هسه احنه مو شتغلنالكم وتعبنه انريد مكافئه
محمد : وهيه
ريتا : نلعب طوبه
رماد : جهال بويه جهال
ريتا : ترا رياح تريد تلعبها
رماد : وين تعرفن تلعبن؟!!
رياح : ليش عيني نعرف اكثر منك
حامد : خلصو شغل قبل ل 10 وطلعن بحديقه
ريتا كامت تكمز من لفرحه
ريتا : لك فدوه لربك تمام هسه نخلص بسرعه
راحت ريتا تركض علمود تخلص
خلصنه شغل وطلعنه احنه ولبنات بلحديقه وهمه حديقتهم شوي جبيرره
محمد : لعد اصيح سلام وعباس
حامد : يلا ، والفايز يطلب ليريده
حامد : الشباب بفريق والبنات بفريق
رماد : شبيك خويه ترا ميعرفن
رياح : شنو شنو هسه نشوف منو ميعرف
قتيبه : من 5 أهداف
تبارك : يلا بس خلصونه
فريق الشباب . حامد . محمد . رماد . قتيبه . عباس . سلام
فريق البنات . تبارك . رياح . ريتا . زمرد . رحمه . واميره . وساره لحد الان رياح متعرف منو ساره
محمد : منو الحكم
الجد : اني يلا لعبو
المهم بدت العبه ..
محمد : رماد اصعدلي
رماد : ديلا اشمرلي باص
شمر محمد لرماد
رماد : عبر من بين زمرد الي كل ما شوف طوبه تغطي وجها وراح رماد بس مع الأسف تبارك صدتها للطوبه
ريتا رياح : تربيتنه
ريتا : اميره هاج طلعي بيها لحد رياح
طلعت اميره بيها وجانت خايفه لان عباس وسلام دفاعات
شمرت لطوبه يم رحمه
اميره : رحمه رئسن شمريها لرياح
طلعت رياح بيها وهدفت على اخوها 🤣
قتيبه : ولا شفتها
رياح : عيونك وينننننن؟
الجد : نتيجه 1_0 للبنات
وكملو لعب وهدفت هدف ثاني زمرد عن طريق جزاء
الجد : 2_0 للبنات . كل واحد بكد لبعير مكدرتو ع بنيات
وفاجئنه عباس بهدف وبعدين اجه ورا حامد واخر هدف رماد
تبارك : اكيد منفوز
رياح : لا نفوز بس اريد 3 أهداف منجن لو وحده توكع يم منطقه جزاء
كملو لعب وجان توكع اميره
اميره : رجلي يمههه
سلام : ماسويتلها شي والله
ريتا : نريد جزاء
رماد : لا صدك
رياح : اي والله
زمرد : شوفو لبنيه خطيه هسه نريد جزاء
حامد : تمام منو حتضربها
رياح : رحمه
رحمه : لا ماعرف
ريتا : تعرفين تعرفين
عباس : ديلاا
رماد : ديصنعن ذره
بدت لعبه وضربت الجزاء رحمه والمصيبه ماهدفت
ريتا : خرب
رحمه : كتلكم ماعرف
رياح : عادي حبي هيه لعبه
كملو لعب وهدفو رابع عن طريق سلام
ريتا : عزه حنخسر
رياح : منخسر تبارك بربج ركزي
تبارك : اي اي يلا
كملو وهدفت رياح الثالث واميره الرابع ورحمه الخامس
ريتا : ياي فزنههههههههههههه
زمرد : اي مبروك
الجد : 5:4 للبنات
ساره : محلوه لعبه
ساره : محلوه لعبه
رياح : اوك حبي
ريتا : يلا عيني فزنههه
الجد : تربيتي راحت بيكم مكدرتو على 6 بنات كل واحد بطول نخله
محمد : ديلا هيه لعبه
سلام : ترا مالعبنه وياهن صدك ترا لو نريد جان فزنه عليهن وحدتهن بلمستشفى
زمرد : هسه غير يستقر
ريتا : وكع لفيل وكع
تبارك : يلا شنريد تسوولنه
رياح وعيونها بمكر على رماد : شنريددد
حامد : طلبن بويه ، نبدي من زمرد
زمرد : اريد تلفون جديد
حامد : صار . اميره شتردين؟
اميره : اريد شغلتين الأولى : سلام يروح يسويلنه شاي ويجي ، وثانيه اريد طلعونه للكورنيش
عباس : تهي بهي
حامد : يلا تبارك طلبي
تبارك : سلامتكم عيوني بس تعتذرون لان كلتو منعرف نلعب وأول واحد يعتذر رماد
رماد : روحي بابا روحي
سلام : والله يالله تالي عمري اعتذر
عباس : روحي نامي
تبارك : مو كد كلامكم انتو
سلام : اعتذر
عباس : تعرفن تعرفن
تبارك : دكول اسف
عباس : اسف يمعوده
محمد : Sorry madam ، اسف سيدتي
حامد : حقجن عليه
قتيبه : توكلي بويه
رماد ، نفس ما كال قتيبه : توكلي توكلي
تبارك : لعد قتيبه انت ورماد شوي نوب تسوولنه عشى
قتيبه رماد : تمام
حامد : اي رحمه طلبي خيه
رحمه : عباس روح اضرب راسك 5 مرات على هاي نخله
عباس : 1. اخ بويه راسي . ² لا يمه راسي . ³ بعد ملعب وعلي . ⁴ يمه صابني شلل دماغي . ⁵ اخ وكع بلكاع
رحمه : تمثيل لصدكو
حامد : اي ريتا وانتِ؟
ريتا : اريد اطلب من كل واحد بيكم طلب
كلهم سوه : يلا
ريتا : قتيبه ، أريدك تشر ملابس بدالي باجر
ريتا : محمد : أريدك باجر تجيبلي عشى من المطعم
ريتا : سلام : تصيح على نفسك فرخ
لبنات : اوووووووووووو
ريتا : رماد : متتعارك ويه رياح يوم كامل
ريتا : وحامد انت وعباس : بعدين اكوللكم
عباس : دخيلك ربي
حامد : رياح احجي وانتِ ؟
رياح : ماعندي عداوه وياكم بس رماد ينفذ طلباتي لمده يومين
رماد : تايهلج مو
رياح : اييييي
رماد : بعيني
اجه سلام وجايب شاي
سلام : تفضلو هذا شاي
وكلهم يضحكون عليه
الكل : مشكور
رماد : سلام انت شسمك
سلام ونضراته ع ريتا : الفرخ
اردفت ساره بعيوني خبيثه : شهل صلافه انتن وهاي طلباتجن
حامد : مشي ولي للبيت
ريتا : عفنه الاخلاق الج حبي
سلام بهمس: عوفيها
رياح بهمس لأميره: منو هاي
اميره : زوجة حامد
ريتا.: عزززه عبالي وحده حبابه
اميره : بعدج ماشايفه شي
علكت بين ساره وحامد
رماد : يلا لكل للبيت
زمرد : هيه شلون تصير الحيه كلشي تخرب
محمد : بلا حجي زايد وللبيت
قتيبه : يلا بنات امشن للبيت
راحو قتيبه وعباس وسلام ولبنات
قتيبه : شبيها مرته
عباس : من زمان هيج ممحبوبه
صلنه للبيت وقتيبه ضل ويه الولد
رياح : ايع حمضنه خلروح اسبح
نامن البنات ورياح كلبت بتلفون شويه وجان يدك الباب قتيبه
قتيبه : كاعدات
رياح : تعال حبيبي ادخل
قتيبه : ساعه ب7دوامجن
رياح : منو يوصلنه
قتيبه : روحن لبيت جدي وطلعي ويه لبنات
رياح : تمام
كعدت اجهز بغراضي اني وريتا لدوام وهلسنه كلش مهمه اليه لان سادس
كملت ونمت تقريباً ساعه 11:30
كعدت ساعه ب 6:56
رياح : لج كعدي تأخرنه على الدوام ريتااا
ريتا : يادوام شبيج؟
رياح : قتيبه كالي يلا كعدي
كعدت ريتا وتريكنه وجهزنه وطلعنه لبيت جدي شفت رماد كاشخ يجوز دوام المهم
ريتا : صباح الخير
رماد : صباح الورد
رماد : سلام ل الله
رياح : لتدخل
عافها رماد وطلع لدوام
رياح : شكد غثيث
ريتا :تعاي نروح على البنات
شفت زمرد واميره ورحمه منتظرات الخط
ريتا رياح : صباح الخير
البنات : صباح النور
ضلينه منتظرين الخط هواي طول
اجه الخط وصعدنه صلنه للمدرسه
ريتا : حلوه مابيها شي
رياح : لتحكمين ع الكتاب من غلافه
دخلنه للمدرسه بيهن مستغربات بيهن لا عادي عدهن
..
رحنه الاداره المدرسه
المديره : ههلا بنات
رياح : هلا بيج ست
المديره : شوفن حبيباتي اريدجن تلتزمن بزي المدرسه وتحضرن يوم بيومه وحده بيجن وزاري وماريد اي مشاكل شيصير تعالن عليه لتصرفن من كيفجن تمام بنات
رياح : تمام
المديره : يلا روحن للدرس
رحنه للدرس راحت ريتا ونبهتها بدون اي مشاكل
ورحت اني هم دخلت للصف
رياح : سلام عليكم....انتهى البارت حبايب انتظروني ع البارت 9 ومتتصورون شحتسوي ساره هيه وحقدها 🐍🐍🐍 وشحيصير اول يوم دوام لرياح وريتا
يلا سيو شبابات
أنت تقرأ
رياح رماد
General Fictionكُل شيء يتغير وهنا نحن نتغير بسبب الماضي والعادات القديمه! ماذا سيحدث بنا قتل؟ خطف؟ او موت! لا أحد يعلم سوى شخصان بيدهما يغيران كُل شيء وبين هذه العداوات قصص حُب هل ستكتمل أم لا؟