وما تِدرون صِرت بمَوقف أسود
ما صاير قَبل بأمة مُحمد
والله تفاجئت مِن سَدوا الباب
ما لحگت اگلهُم ليش ؟ وأنسَد
بس ضَليت واگف تشهَد الناس
واذا ما تشهَد الناس الله يشهد
..
ريتا : شنو هاي
رياح : ورقه قابل شنو
ريتا : بله أقريها
ذبيت الجنطه وبديت أقراها
الصدمه أحتلتني
" قتيبه "
أول شي اريد منجن تسامحني ع كُلشي سويته وياجن أعرف قصرت هواي وما حققت بعض أحلامجن بس مو بيدي صدكني صعب هواي عليه وأني واكع بهل مُشكله صارلي سنين وخليت سر أبويه بيني وبين نفسي وما حجيته لشخص بس أكيد هل سر أخذ ضحايا وهيه " تبارك " ...
نصدمت أكثر وريتا ع صفنتها
ريتا بصياح : كمليييي شمنتظرررره
..
فأ الأريده من عدجن تنتبهن لنفسجن وأكيد اكو هواي أسئله بالجن وأعرف حاقدات عليه بس مكدرت أحجي صدكني أنتن صغار بوقتها وبس تبارك واعيه عليه وحالياً تبارك رهينه عند شخص والشخص نفسه ألي تعرضلنه ع طريق وأني من خوفي عليجن عيشتجن هنا وحاولن لتطلعن هلموضوع بيناتنه اني طلعت من لبيت علمود أحل المُشكله علمود محد يضرر ولتخافن وقللن طلعاتجن ولتبقن بهل بيت وحدجن "
..
رياح : تعرفين بهل موضوع ؟
ريتا : لا
رياح بصدمه : ليش ديصير هيج ويانا أحنه مو بحال أحد وتبارك طلعت مرهونه !!!!!!!
ماعرف أوصف شعوري بهل لحظه خوف قلق اريد ابجي بس ماكدر ماريد ريتا ترجع صدمه عمري احس الدنيا سودة بوجهي
ريتا بقلق : شنو السر
رياح بحيره : مادري
ريتا : هسه شنو أنظل نصفن أحنه ؟؟؟؟؟؟ اروح أشك حلكهم وأخذ تبارك من عدهم
رياح : لا لا ريتا لنتهور احنه مو كدهم ذوله ناس مو راحه لازم نعرف نصرف أول
ريتا : وشنسوي؟
رياح : أول شي لازم نحجي لأشخاص يكدرون من صدك يساعدونه وميخافون وبعدين نفكر شنسوي
ريتا : ومنو بله ؟
رياح : أنطي صبر خلفكر
ريتا : الدنيا حتحترك وانتي بهل برود
نفجرت بوجه ريتا ممتحمله الوضع
رياح : هاي شبيجج ريتااا يعني برأيج احنه نكدر نسوي فد شييي دا أكلججج ذوله مو ثوبنههه يعني منكدرلهممم وتبارك يمهممم ويكدرون يهددونهه وهسه بأي لحظه يعرفون وين عايشين
أنت تقرأ
رياح رماد
General Fictionكُل شيء يتغير وهنا نحن نتغير بسبب الماضي والعادات القديمه! ماذا سيحدث بنا قتل؟ خطف؟ او موت! لا أحد يعلم سوى شخصان بيدهما يغيران كُل شيء وبين هذه العداوات قصص حُب هل ستكتمل أم لا؟
