جميلتي🥹🫀:
شلونگ بالتراب، شلون گاضيها
هيج بصورتك، ضليت احاچيها
المفروض الورد يندفن بلبستان
شجابك للكبور شعرفك بيه
يبو الضحكه الحلوة
هاي تاليها؟
..
وصلنه للدوام
راحت اميره وزمرد وريتا
دخلت للصف كعدت برحلتي والبنيه ألي جانت وياي ( نرجس ) ماكو هاي وين راحت بده الدرس و الاستاذه بدت تشرح أندك الباب اجتي لبنيه بس شنو ملابسها كلها تراب وحجابها ملافته زين
الاستاذه : شو متأخره حضره جنابج
نرجس : اسفه بس ركضن وراي جلاب
الاستاذه : هوه هذا هم عذر ادخلي ادخلي خل اعيد الشرح
دخلت نرجس ونضراتها غريبه على لكل كعدت يمي كملت المعلمه شرح ودك الجرس طبعا صار بيه فضول أسئل شبيها
رياح : هلاو
نرجس : هلا
رياح : شلونج
نرجس : بخير
رياح : خل أعرفج عليه اني رياح
نرجس : ادري واني نرجس اكيد سامعه بيه
رياح : اي اعرف اسمج
رياح : ليش هيج ملابسج تريدين كلينكس؟
نرجس : تسوين فضل
رياح : تفضلي
اخذت الكلينكس
نرجس : انتي من غير محافظه ؟
رياح : اي اي من بغداد
نرجس : بربج تجين هنا
رياح : صارت ظروف
نرجس : ظروف لو كارتات؟
رياح بضحكه خفيفه : ههه اي
نرجس : لتتصنعين ضحكه حب
رياح : لا عليش
نرجس : وك
راحت نرجس حسيتها وحيده طبعا افكاري دراميه زايد دك الجرس ورجعت للصف وأجت المعلمه بدت تشرح وهيه طول وقت المحاضره تضرب صفنات صراحه اني ذكرت رماد وضحكت
المعلمه : ها بنتي على شنو ضحكين ضحكينه وياج
نرجس : عليج
المعلمه : شنوو
رياح : لالا ست مو عليج ضحكت لا أرادياً
كملت المعلمه شرح وانتبهت ع طالبه هم تصفن من صاحت كومي انتي اني عبالي ع نرجس
المعلمه : ترا جاي اشرح ألمن صافنه
البنت : اسفه ست
خلص الدرس ورن الجرس وكمل الوقت إلى الدرس الأخير جان الدرس شاغر ونرجس مموجوده طلعت ادور عليها لكيتها واكفه يم صف فارغ أعتقد شايله تلفون بس متأكدت
حست بيه
نرجس : شدسوين هنا
رياح بتردد : ها هيج اجيت اشوفج لأن راح نطلع للبيت
نرجس : وك
راحت هسه بقيت اني أفكر وبعدين طلعت من المدرسه وهواي واجب وتحضيرات انطونه شفت البنات يم سياره رماد واني أتمشى على كيفي نزل رماد
رماد : يلا عروسه أريد ارجع اتغدى
رياح : ها اي
صعدت بلسياره وصلنه للبيت دخلت بدون ما أنطي أهتمام لأحد بدلت وسبحت ونمت لأن حرفيااا كلش تعبانه
كعدت ساعه ب 7 وأصوات هواي طلعت من الغرفه شفت هواي ناس والبنات جاي يطبخن هاي شكو منو شصاير
رياح : اميره شكو شصاير؟
اميره : اليوم ذكره وفاة ابو رماد
رياح : يااا الله يرحمه
اميره : يرحم امواتج
رحت غيرت ملابسي وكعدت أشتغل وياهم وأجتي عمه سيهان خلصنه شغل ولكل كعدت بلصاله وطول هالوقت رماد ماكو اجه حامد
حامد : خدرن جاي 24 أستكان
رياح : تمام
ريتا : من هسه اني ما أسوي شي تعبت حروح اقرا
زمرد : واني هم
رحمه : حروح يم امي
حامد : أنهزمن بعد بعد
حامد : اميره سوي انتي
اميره : خلصت اميره الجاي وأنطته لحامد
حامد : شوكت اكلج مريتي سويلي جايي
اميره : من تخلص من هاي الحيه
حامد : تروحلج فدوات هاي الحيهه
اميره : يلا ختروحلي فدوه
حامد : لا شبيج مو هسه
اميره : ها لعد شوكت
حامد : دنطيني جاي خلروح هواي تنكدين
.
راح حامد
رياح : لج مريتي تعالي سويلي شااي
اميره : نطمي
رياح : لج يمه أموره
اميره : ولي ولي
راحت اميره ورياح تضحك
راحت النسوان والزلم وعمتي سيهان حتبقى هنا هيه وبناتها
كعدت اني وريتا وأميره وزمرد ورحمه ديخلصن شغلهن
سيهان 🐍 : كاعدات ليوم زمرد ورحمه بس هنه يشتغل آله بنات الأخ كاعدات ليكول خطار
رياح : منو تقصدين عمه ؟
سيهان 🐍 : عرفت نفسها مايحتاج
ضجت وطلعت من صاله اني وريتا
..
ام رماد : دعوفي لبنوات بحالهن
سيهان 🐍 : خيولن
اميره : شبيج ماما ترا هنه اكثر شي يشتغلن
سيهان 🐍 : انتي صمي حلكجج يلا ولي
طلعت اميره وراحت لغرفه زمرد
..
رياح : هاي عود ليش هيج حقوده ويانا
ريتا : يمعوده ختولي
رياح : وليش كارهتنه
ريتا : يمعوده ختولي
رياح : لا اكو سبب لازم اعرف
ريتا : يمعوده حتولي
رياح : يمعوده دولي
كعدت اكمل دراسه اجه رماد بالي ليوم مشفته ولا محمد وخطيه ام رماد احسها مخنوكه
صار ليل صار عندي فضول اروح اشوف رماد ضليت افتر بل بيت ماعرف وين غرفته اخر شي شفت زمرد دتحجي بل تلفون حاولت اسمع شي
..
زمرد : تعال باجر وكول لحامد ونطلع سوه
الشخص المجهول : اجي وعيونج بس خل اخلص شغل العياده عليها لود ماكدر
زمرد بضجر : تمام
الشخص المجهول : احبج
زمرد : احبك . يلا اريد انام خاف احد يجي تصبح على خير
..
منو هذا تحجي ويا عزه هذا لبيت كله حبجيات عبالهم اني ما أكشفهم هههاي
شفت غرفه الباب مالتها مفتوح رحت اشوف منو بيها تفاجئت وشفت رماد
رياح بصمت : عزه هذا شديسوي
.. انتظروني ب بارت الجاي يلا سيو ❤️❤️.
أنت تقرأ
رياح رماد
General Fictionكُل شيء يتغير وهنا نحن نتغير بسبب الماضي والعادات القديمه! ماذا سيحدث بنا قتل؟ خطف؟ او موت! لا أحد يعلم سوى شخصان بيدهما يغيران كُل شيء وبين هذه العداوات قصص حُب هل ستكتمل أم لا؟
