رياح رماد

الجزء الاول Bart 1

هلاو حبايب اول روايه أليه اتمنى تعجبكم وهلبارت مُجرد معرفه نوع القصه واذا عدكم سؤال راسلوني ع الأنستا اليوزر nivin.wsam

..

انا ثُم انا ثُم لا شيء

..

هلاو اني اسمي رياح خلعرفكم على نفسي عمري 18 واني سادس اعدادي من محافظه بغداد عندي اخوات 2 وأخ واحد وأهلي متوفين بحادث بكربلاء وبقينه اني واخواتي واخويه وهوه الي يصرف علينه وكلش متعلقين بيه لان صارلنه ام وأب وسند

: هلاو اني ريتا اخت رياح عمري 16

: هلاو اني تبارك هم اخت ريا عمري 20

: وهذا اخويه قتيبه عمره 22سنه

نبدي؛

رياح : كعدت الفجر ساعه 5 جان بوقتها عندي دوام وضليت سهرانه علمود الامتحان وجنت كلش خايفه من الامتحان لان انكليزي وصعب كلش هواي

المهم كعدت ع صوت العصفور يم الشباك جان صوته حرفيا يخبل هوه ويزقزق وجنت بعالم ثاني حرفيا وقطع تفكيري صوت اختي ريتا

ريتا : لج ريااااااح لج وين كتابيييي عزه حتأخر على الامتحانننن لج ريااح كوعدييييي

رياح : لج مطيه شبيج شكو ترا الساعه ب 5 يا تأخير شدتحجي انتي وبعدين كتابج جوا المخده خليتي بس ثول عاميج

ريتا : ها مادري منتبهت اسفه وبعدين ماكو غيرج ثوله

شويه وماحسينه أله على صوت الباب يندك .

قتيبه : كومي هي رياح تعاي سويلي ريوك عندي كُليه

رياح : اجيت ونبي صوتك جنه صوت ديج

قتيبه : دتعاي بدون حجي زايد

تبارك : ماريد اداوم نعسانه

ريتا : داومي حبي

رحت سويت ريوك وخلصت واخوي هوه وتبارك راحو للكُليه وصارت الساعه ب 7

ريتا : رياح يله ابو لخط منتظرنه

رياح : اجيت اجيت طلعي كدامي

طلعنه وصعدنه بل خط واني ظليت اراجع بل انكليزي

ريتا : اليوم راح تجي عمه ام رماد من هسه اكُلج

رياح : شيجيبها البغداد

ريتا : مادري البارحه سمعت قتيبه يحجي وياها

رياح : تمام

وصلنه للدوام جنه متأخرين دخلت للصف وصبحت على البنات

رياح : صباح الخير بنات

البنات : صباح النور

كعدت يم صديقتي نورهان

نورهان : شلونج رياح قاريه يولي؟

رياح : اي يعني بس كلش خايفه احس مراح اجاوب
بل أمتحان

نورهان : اكلج شنو رأيج نبرشم على حايط

رياح : لا نجبي لج ونبي ننلكف ونرسب واني ماروح كليه غير انتحر

نورهان : شبيج ثول لعد عود غششيني بربج

رياح : تمام تمام

دك الجرس واجتي ست نور

ست نور : صباح الخير بنات

الطالبات : صباح النور ست

ست نور : ها قارين؟

الطالبات : نعم ست

رياح بهمس : لا ست

طبعا بصوت كئيب كالوها البنات

ست نور : يلا طلعو اوراق

رياح : احس كلبي راح يوكف

نورهان : جاك الموت يا تارك الصلاه

طلعنه اوراق وسلمت الاسئله وبدينه نمتحن وكل شويه نورهان تهمسلي واني أهمسلها وجانت الاسئله سهله نوعاً ما

..

ريتا : لج هي انتي ليش تعلين صوتج عليه جنج صوت الهايشه

زينب : نجبي لج ممربايه هوه صدك ممربايه لا امج ولا ابوج عايشين منو يربيج لعد

تخبلت على كلامها وشلون تحجي هيج كمزت عليها وشديتها من شعرها سحلت بيها الگاع

ريتا : ادبسزز ليش تجيبين طاري اهلي ليوم اموتج

زينب : اني اعلمج بنت الشوارع

رفعتها من شعرها وتفلت بنص خلقتها

ريتا : هاي علمود تتربين وتحجين عدل مره ثانيه

وخرت ايدي من شعرها وكعت بلگاع

ريتا : كُلج على بعضج قذاره

ودخلت المُديره وعيونها تحجي بشر

..

كملت امتحان وأجني بنات اثنين للصف

البنات : ست اكو طالبه هنا اسمها رياح

ست نور : اي موجوده شبيها؟

البنات : يردوها بل اداره

ست نور : تمام + رياح روحي وياهن شوفي شيريدون منج

رياح : يمه يمه گلبي شكو تمام ست رايحه

رحت للأداره وشفت ريتا شدسوي هنا دكيت لباب

المديره : تفضلي بنتي

رياح : اول مدخلت نصدمت بوجود هلشخص

يتبع...

..

انتهى البارت حبايبي لان تعبت 🥹😂 المهم باجر اكمللكم وسيو ♥