رياح رماد

Bart 27

هلاوو كايز اليوم البرتوت حلو خفيف على الگلب وراح تحبو اسفه ع تأخير هم عندي امتحانات وعرس عندي يوم الخميس فأ للأحد ياله اكدر انزللكم 28 بارت نبدي! 🫶🏻😫😫❤✨

..

وإذا رُزِقتَ بمَنْ يُحبُّكَ صَادقًا
‏حَافظْ عَليهِ فَمِثلُهُ لا يُوجَدُ
‏يَكفِيكَ قَلبٌ واحِدٌ عَنْ أمَّةٍ
‏تَحظَى بهِ بعدَ العَناءِ وتَسْعدُ

..

كعدت مفزوعه على أثر صياح طلعت من الغرفه الساعه 3 بليل اسمع صوت صياح من غرفه ريتا وصلت يم باب الغرفه اسمعها تهلوس بدون اي تردد دخلت للغرفه والصدمه انو هيه جانت نايمه!!!!
تقربت عليها تصيح وتهلوس بكلام ممفهوم! حاولت اسمع شنو تحجي بس ماكو كلامها متقاطع وحرفياً مينفهم ستوعبت انو هيه دتحلم بكابوس أو حلم حاولت اكعدها بس ماكو

رياح : ريتا ريتا اكعدي

تفرفر بوجهه بس متكعد قلقت عليها بس أخيراً كعدت

ريتا : لاااا

رياح : هاي شبيج يمعوده

ريتا : شبيه شدسوين هنا

رياح : اجيت اشوفج

ريتا : بيش ساعه

رياح : ب ٣

ريتا : تأخرنه امشي لدوام

رياح : يا دوام شبيج الساعه ب ٣

ريتا : ها اي صح

رياح : رجعي نامي

ريتا : رياح جوعانه

رياح : مابيه حيل اسويلج اكل تره

ريتا : الله عليج

رياح : اسويلج بشرط

ريتا : شنوو

رياح : تكتبيلي عربي

ريتا : اي تمام تمام بس روحي

ضحكت وطلعت من الغرفه اسويلها اكل شويه ورجعت وشفتها نايمه

رياح : تضحكين عليه لو شنو

رحت عليها اكعدها وكعدت اكلت شويه ورجعت نامت واني هم رجعت نمت كعدت ب ٤ ماعرف شبيه حتى صرت اكعد بسرعه رحت غسلت ورجعت اقرا أخذت التحضيرات من اميره ماعدنه شي بس امتحان قريب ل٦ رحت كعدت ريتا وهم كعدت تقرأ شويه وكعدنه تريكنه ب ٧:٢٠ رحنه لبيت عمي ع زمرد شفناها وطلعنه سوه وصعدنه بلخط ورحمه للدوام ومن وصلنه جنه متأخرين المهم دخلنه للصف ودك الجرس وبده الدرس الأول

نرجس : قريتي؟

رياح : يعني وانتِ

نرجس : نفسج

امتحنه وخلصنه وخلص الدوام طلعنه سوه اني ونرجس اتفقنه تدرس يمي اليوم رجعنه للبيت همين نمت شويه كعدت اكلت واجتي ريتا عيونها مغوركه