البارت #1
بقلمي: زهراء علي
انَـه ليَلي بـَلايه واهِس مانَام .
شُلون لوصِرت انت وُاهِس ليَلي .
- چبَار رشَيد .
***********************
ساعه ب 5 الصبح الجو هادئ ويه نسمه هوى بارده الجو منعش ويه صوت العصافير ليوم جان اول يوم دوام الي بالخامس ابتدائي
نور (ام ماريانا): ولج ماري تنزلين لو اصعدلج اشمرج من فوك
ماريانا: هسه ماريد اداوم اليوم عوفيني نايمهه شكد تلحون
علي (اب ماريانا): تعلين صوتج على امج هسه صاعدلج
_اني سمعت هيج لو طفرت سويت الدرج بايتين لأن اعرف اذا بابا عصب يكلب البيت ويسوي اليوم كله زفه فوك راسنه بالرزايل
علي: مو صار ساعه تصيحلج امج ليش متنزلين
نور: لا هنا ولاعبالك امهم صار ساعه اصيح متنزل بس تسمع صوت منك تجي ركض
_ لا مو شسمه ماجنت اسمع اصلا اني كعدت من وحدي ماسمعت صوت احد كعدني
علي: صدكناج عود تعاي اكلي وطلعي للدوام
_صعدت اخذت ملابس الدوام وحضرت جنطه المدرسه الكتب والقرطاسيه ونزلت بدلت ولبست حجاب وطلعت شفت السايق منتظرني هناك لكيت صديقاتي المقربات اعرفهن من العام (تبارك _ رهف) وتعرفت على صديقات جدد هم الي هنه (زينب _ نبأ) احنه الشله الي ابد منفترق كل وكتنه وسوالفنه سوه
تبارك: ولكم لو تدرون شكد مشتاقتلكم
اردفنا اني ورهف: والله احنه الاشوق
مارينا: ولكم صدك متدرون يامعلمه راح تجينه بالعربي!!
رهف: لا منو
ماريانا: راح تجينه ست آلاء
نبأ: يبو لاربحنه راح يطيح حظنه هالسنه
زينب: اي والله هسه تشوي على اذانه بصل
ماريانا: شنسوي أمري لألله
دخلنه واخذنه دروس ورجعت ميته تعب سبحت وطلعت كعدت درست خلصت كل دروسي ونمت كعدت بالليل مسلسلات ولعب وهيج مشت الأيام لحد مااجه محرم وجانو بيت خالتي عندهم مفرزه (خيمه طبيه) ف چنه نروح نعالج الزوار الي ينصابون بالحرق او مرض وهيج اشياء
نوارس: ماري اخذي الدولفين مال تدليك ودلكي لهاي المره
ماريانا: تمام خاله
_رحت كعدت اسوي مساج للمره ف اجه ابن خالتي (فرس) من وره الچادر مال خيمه
فرس: اكدر ادخل
نور: تفضل
دخل فرس حط مي للمبرده ف من راد يطلع تلاشه ويايه طفيت المساج وكمت
ماريانا: اطلع برا
فرس: ماطلع
_ تره خيمه مال نسوان شعندك داخل متستحي
فرس: لا مااستحي منو ضاحك عليج وكايلج اني استحي
_ طلع وهوه يخزر بيه ويضحك خزرته ورجعت اسوي مساج للمره شفت خياله خاتل وره الچادر مال خيمه كمت وكفت يم الچادر
_ تره ادري بيك هنا روح
ماسمعت رد رجعت اردفت
_ اطلع كافي
هم ماسمعت رد ف توقعت خيال احد من الزوار او واحد من الزلم لان جانت بصف مفرزتنه مفرزه الزلم ف طلعت اشوف
_ بس طلعت لزمني من ايدي ودخلني للمفرزه وحط ايدي وره ضهري ويشد عليها صارت توجعني كمت اصيح بصوت ناصي واضرب بي عافني ضربته ودفعته طلعته بره باوعت لكيت نسوان تباوعلنه وتضحك ابتسمت ورجعت لشغلي
اجت ايات اخذت اختي غفران وطلعت اني كمت لبست وطلعت وراهن عبرو الشارع عبرته واردفت
ماريانا: خيير وين رايحين
آيات: وانتي شعليج
_اختي شنو شعليه انتي ماخذه اختي وفوكاها لسانج بطولج
آيات: معليج لتدخلين ورجعي متجين ويانه
_تخصرت و وكفت
_ لا عليج الله واني منتظره تكوليلي حتى ارجع والله ولا ارجع اني ماجايه وياج جايه ويه اختي
آيات: "حجت من بين سنونها" تمشين لاتنكتلين وافشلج بالشارع هسه وحق القرآن
_ اشو بالله تعاي
اشو هاي صدك اجت جرتني من حجابي نزعتني حجابي بنص العالم اني عفتها لانو فشله العالم كلها ضلت تباوع حطيت الحجاب على راسي وركضت للمفرزه كعدت ابجي
نوارس: شبيج ولج شكو
زهراء: ماري شبيج منو وياج
نور: احجي شكو تبجين
ماريانا: "حجيت واني ابجي" آيات جرت حجابي وطلعت شعري كدام الناس كلها بهالأثناء دخلت آيات
آيات: لتجذبين انتي ضربتيني اول واني ماقصدي وانجر حجابج
ماريانا: لتجذبين غفران موجوده وشاهده
نور: احجي غفران شصار
غفران: ماادري آيات صاحتني حتى نطلع نفتر واجت ماري ورانه وضلن يتراددن وآيات جرت حجاب ماري
نوارس: آيات انتي شبيج هذا تصرف تتصرفي كدام العالم واذا حجت وياج شلون تضربيها
ماريانا: آيات تحجي وتخزر بيه وتبرر بس محد صدك بيها وكلهم ضاجو منها
زهراء: ماري خلي نطلع وره المفرزه نلعب لو نفتر
_ اي والله اني هم ضايجه تعاي نكعد بالمراجيح
طلعنه وجان اكو وره الخيمه محل أثاث عود حاطين المراجيح برا مامدخليهن بالمحل اني كعدت على وحده واجت بنت عمي زهراء وكفت يمي
زهراء: شبيج تبجين كافي ختولي انتي متعرفين بيها حقيره شكو تتقربيلها
ماريانا: ماتقربتلها جنت رايحه علمود اختي بس هواي تجاوزت
«««««««««»»»»»»»»»
* اعرف البارت قصير اعذروني *
لا تنسون التصويت + متابعه للحساب 🦋
