بارت #9
بقلمي: زهراء علي
- تـره مبينَ هذاكُ المالهَ واهس بيكَ .
**********************
"فلاش باك للماضي"
نور ام ماري: يلا تحضرو نطلع للسناتر
غفران: اييي واخيراا ويا منو نروح
نور: ويه مرت عمج ازهار
غفران: يجون البنات
نور: ايي هو نروح علمودهم خطيه يريدون يشترون اسود علمود الأربعينيه
"بحماس"
غفران: اوكيييي
ماريانا: جانت السناتر قريبه علينه نوعاً ما وبيت جدي هم جانو قرييين علينه بدلنه وخلصنه والتقينه ويه مرت عمي على الطريق
ازهار: هلاا زيتونه شلونج
ماريانا: الحمدلله
زهره: حليانه
ماريانا: عيونج الحلوه عمه
اني من النوع الي ماحب اطلع هواي وخصوصاً لسناتر وهذني الأماكن لان النسوان اذا حطيتهم هناك مينشلعون واني اتعب بسرعه لان ماامشي هواي من يمشون هواي كليتي تأذيني
جنه جاي نتمشه التقينه بيت جدي بالطريق جانو فرس وعلي ونسوان خوالي وبنت خالة امي وبنتها نور وبنتها الثانيه تقى وخوات بيبي يعني هواي جانو
حوراء: متجون ويانه
نور: لا والله رايحين للسناتر علمود البنات يشترون ملابس سود
حوراء: تمام اخذو راحتكم متجي وحده من البنات ويانه
ماريانا: ماما اني اريد اروح وياهم
نور: انتو وين رايحين
حوراء: بهاي الحديقه الي كدامج
نور: تمام روحي واني من اخلص ارجع هناك
ماريانا: تمام
رحت وياهم جانو النسوان كلهم فارشين فراش ويسولفون وجان علي وفرس بعد مترين او ثلاثه عنه كاعدين على المسطبه يلعبون بالتلفونات ويسولفون شويه ومنسمع اله صوت مثل صوت الأنفجار كلش قريب علينه حرفياً كل الي جانوا بالحديقه وكفو من الصدمه وتقى كامت تبجي
تقى اكبر مني بسنه
اني متت خوف بس مابينت وماعرفنه شنو الموضوع صار صوت طلق قوي والعالم كامت تصيح اجو الولد يمنه واني ارجف
اخر شي عرفنه صاير اشتباك بين شرطه وحرامي بايك دراجه ورمو علمود يوقفو وكدرو يلزموا بعد ما وكعوا كلوبنه
ماريانا: ولج تقى شبيج ليش تبجين
تقى: ولج قبل مانجي جانت امي تحجيلي عن حزب الله وتكلي من يشوفون الناس يكتلوهم واني عبالي دخلو علينه
