البارت #3
بقلمي: زهراء علي
أحببُتك مره واحدهَ ، لكنها للأبد .
_________________
ماريانا: بعدين احجيلج تعاي ندخل جوه
دخلنه شويه ورحت اخذت زهراء وطلعنه وره المفرزه
زهراء: شبيج ولج هيج سحلتيني عبالك كبش
ماريانا: مو قصدي بس تذكرت كلتلج اريد اسوي شي اندمها لهاي الحقيره على سوايتها
زهراء: اي والله اني هم نسيت شتردين تسوين
ماريانا: تعاي ورايه
رحنه اني وزهراء طلعنه نتمشي شفت فرس تجاهلته وكملت رحت جبت كاسه مي بارده ثلج زرفتها بالأبره ورحت لآيات
ماريانا: حبيبتي ايوته تعاي خلي نطلع ضايجه كلش والله اريد اتونس
آيات: صدك من كالو عاشر غيري تعرف خيري
ماريانا: ايي عرفت قيمتج
زهراء: شوكت تعرفين تمنها
هههههههه
آيات: متضحك لتعيديها
زهراء: ماكتلج ضحكي حياتشي اني جاي اضحك نفسي عليج
ماريانا: زهرااء شهالحجي متستحين هيج تحجين وياها عوفيها أيوته تعاي نطلع
آيات: "بغرور" ايي عيني جايه
ماريانا:
طلعنه واني اخذت الكاسه ويايه واجت زهراء ويانه ف همه جانو بصفي واني بالوسط التفتت لآيات واردفت
ماريانا: عيني تردين مي مفيد للكليه
آيات: اويي عيني خايفه عليه انطيني متت حر
ماريانا: ابتسمت بخبث لأن نجحت الخطه
قدمت المي قريب غلى وجهها وعصرته كله انفتح عليها تخربط حجابها ووجها صار خريطه
ماريانا: حبيبي ماانسه حقي اخذه من حلك السبع
آيات: حقيره اني اعلمج اذا مااطيح حظج
زهراء: ههههههه نشوف شتسوين
ماريانا: يلا زوزو امشي
فرس جان يباوع من بعيد ومتفاجأ بس على وجهه ابتسامه
رحتله
ماريانا: هاا شبيك
فرس: طلعتي مو قليله
ماريانا: باوعتله بغرور شعبالك عيني ماسويت شي اصلا
فرس: ديلا روحي دخلي فشلتينه كدام العالم
ماريانا: ايي هو اصلا راح ارجع كملت شغلي ههه
فرس: الله يعقلكم
ماريانا: آمين ويعقلك
عفته ورحنه اني وزهراء للصحيات غسلنه وعدلنه حجاباتنه وحطيت مرطب لشفتي و واقي وطلعنه رحنه للمفرزه
فرس: شنو تريدون غده؟
حنان (عمة فرس) عمرها 23 خريجه تحليلات
حنان: مشتهيه فلافل
فرس: ايي هسه اجيبلكم
ماريانا: راح شويه وجاب صينيه جبيره كلشي بيها تمن وقيمه وفلافل وكص وهواي اشياء تغدينه ورجع كل واحد لشغله
فرس: تريدون حليب وككو؟
ماريانا: اني اريد
فرس: ماجيبلج
ماريانا: الحمدلله على نعمة الصحه والعافيه مامكسره وعندي ايد ورجل عفتهم وطلعت اخذت خواتي ورحنه جبنه النه وجبت چاي نومي بصره اشربه ورا كلشي هههه
نوارس: ليش جبتي مو هاي جاب كومه
ماريانا: شسويله غير ميقبل يجيبلي
نوارس: يتشاقهه وياج
ماريانا: ايي كلش
صار تقريباً العصر اجه فرس علمود يحط للمبرده مي ويشوف شمحتاجين ف اردفت آيات بمياعه
آيات: اريد اكل جوعانه
فرس: مترحين تجيبين منو لازمج
آيات: انت مو رايح تجيب للكل جيبلي وياك
ماريانا: تره ميشتغل عند الخلفوج عايزه ايد لو رجل
آيات: انتي شكو نبزتي
اردفت بغرور
ماريانا: نشوف بالله يجيبلج لو لا
ماريانا: فرس تجيبلها؟
اردف هو ومبتسم
فرس: لا
آيات: الله ليعوزني على احد
صح البارت قصير بس نزلت بارتين اليوم ف تعبت وماكدر اكمل اذا كدرت باجر لو بعد باجر انزل بارت جديد
لاتنسون التصويت + متابعه للحساب ✨🤎
عدد الكلمات: 445
