البارت #11
بقلمي: زهراء علي
هَامَتْ بك العَيْنُ لَمْ تَتْبعْ سِوَاك هَوًى
مَن اعْلَم العْينَ أنَّ القَلْبَ يهواك
__________________
ماريانا: بلشت دوام بالمتوسطه وتعرفت على بنات جدد بصفي
جان صفنه عباره عن زهراء وزينب بس كم وحده اسمائهن مختلفات
اكو وحده ماجانت قريبه عليه بس كلش لزكه مرات عدنه اشياء خصوصيه بيناتنه هي تجي ومنكدر نحجي المشكله ابد متعوفنه ولا ثواني وهم اكره احد يلزمني من امشي وهي لازم تلزمني واني استحي اكوللها وهم تحجي هواي ومن واحد يريد يحجي تكول خلي اكمل وتضل هيج لحد ميخلص اليوم واحنه كلشي ماحاجين بلشت اضوج لحد ماصديقتي زينب صارحتها بالموضوع بس رغم هذا ماحست وضلت لازكه من صدك بلشت اضوج ماكو هيج انسان ماعنده احساس كمنه لمن نريد نحجي بموضوع اكلها بس شويه موضوع خاص تروح ثواني وترجع هااا كملتوا لحد مااخر شي تعاركت وياها زينب وانتهت صداقتنه او بالأحرى ماجانت صداقه هي مصلحجيه لأن جنت اغششها بالأمتحانات وهي مستواها مو زين وكامت تاخذ درجات عاليه لان استخطيتها خواتها كلهن راسبات بس هي نجحت
جنت اني وزينب نفس السايق
ماريانا: سلام عليكم
الكل: وعليكم السلام
ماريانا: زينب تعاي يمي بالأخير نكعد
لان جنت اضوج من نضرات سايق ومن يباوع البنات عبالهم بينه شي مع انو خطيبته ويانه بالمدرسه وهو يوصلها هم بس عينه زايغه والبنات كاتلات نفسهن علي وهو مو حلوو بس دمه خفيف
زينب: انتي وين تكعدين بالأخير هذا الجلب من يشوفنه نكعد بالأخير يضل يسوق سريع علمود نتأذه بالطسات ونضل نصيح
ماريانا: غير هو نضراته زفت بعدين كل وحده حاجزتلها مقعد بس الأخير محد يريد يكعد بي وهم ناخذ راحتنه بالحجي والضحك
زينب: هم صدك
ماريانا: كعدنه نسولف ونضحك وهو كل شويه يسرع وصديقتي كلش تخاف من السرعه وتضل تصيح وتغلط علي لأن بينهم ميانه او بالأحرى كل السياره عدها ميانه ويا بس اني وكم بنيه كلش قليلات
علي: بابا اخذي فلوس الكروه انطيها للسايق
ماريانا: لاا بابا استحي انت انطي
علي: شنو راح ياكلج انطيهيا وسكتي
ماريانا: ضل هواي يلح لحد ماوافقت بس بكلبي مااريد لان كلش استحي اخذت الفلوس وصعدت وصلنه يم المدرسه لكيت بابا واكف رحتله ركض انطيته لفلوس
ماريانا: حباب انت انطيهن اله والله استحي
علي: دمشي بابا امشي
