هلااا شلونكم مشتاقه كلش للكتابه صار فتره طويله عليها كلت ارضيكم وارضي نفسي ببارت طويل يلخص الي صار خلال هالسنه
~~~~~~~~~~~~~~~~~~~~~~~~~~~~
بقلمي: زهراء علي
لتتِوقع أرُد ويَاك ؟
مَيفيد الوّكت فَاتك
صدّگني خَسرت هَواي
وأنِي أكبّر خَساراتك .
*****************
"ماريانا"
طبقت كلامي الي حجيته وماخليته يشوفني 3 اشهر بس للأسف ماكدرت اكمل لان هو ابن خالتي وعدم لقائنا شي شبه مستحيل
بأول لقاء ماسلمت عليه وتجاهلته كأنه شخص عادي بحياتي وهو نضراته مانزلت مني بوقتها صارت خطوبه اختي "هبه"
ماريانا: اكلك فرس انت تجي للمشيه مو؟
فرس: اكيد
مارينا: هبه تكول خلي يصور
فرس: شصور يمعوده
ماريانا: انطيت التلفون لهبه حاجته ورفض كالت خيولي هسه اني بحاله اني اصور
خطيبها جان ابن عم فرس لذلك اجو بالمشيه مال بنيه من طرف العريس اني وزهراء بنت عمي چنه بالسطح نصور المشيه
واني ميته توتر كل شوي احضن بنت عمي
زهراء: شبيجج يمعوده تره ماجايين يخطبوج لعد من يخطبوج شتسوين؟
ماريانا: لجج متوتره لان هذا الصخل جاي وياهم
زهراء: صدك تعاي خلي اشوفه اني شايفته بس من چنه صغار
ماريانا: وكفنه نصور ونباوع وهي انصدمت من شافته
زهراء: لج ممعقوله هذا هو صدك عود
ماريانا: اي والله
زهراء: لج هاي شكبره صاير
ماريانا: ههههههه لج اليضحك انو ابن خالي من طرف العروس وابن خالتي من طرف العريس وثنينهم يتسالمون ولا تكول هم اصدقاء مقربين
نزلنا جوهمن دخلوا للبيت واني وكفت يم الباب اسمع شيحجون من كالوا اقرو الفاتحه وكملوا هلهلت وامي ركضت ورايه تريد تكتلني لان گلتلي لتهلهلين فشله طفرت للمطبخ وهي سدت الباب
ماريانا: والنبي ماعيدها خلي اطلع
نور: والله لو عدتيها اشك حلكج
ماريانا: هههه تمام هدي هدي
من راحوا راسلته
ماريانا: اكلك فرس صورت المشيه؟
فرس: ايي كلشي صورت حتى من قرو الفاتحه
ماريانا: دزهن
فرس: هسه طالع
ماريانا: ويامن
فرس: ويه حسين "خطيب اختي"
ماريانا: اهاا اوكي
