باررت #7
بقلمي: زهراء علي
وعيونك الچانن وطَن صارن غُربتي .
*******************
"ماريانا"
كل الفتره الي بقينه نحجي بيها جانت عباره عن مشاكل ويوميه نتعارك على شي خصوصاً اسلوبه عرفت انو هو بيت جدي شي وبالتلفون شي ثاني او ممكن اني جنت مامركزه على تصرفاته وبلشت اركز اول شي هواي يفشر ثاني شي ميحترم ابداً اي كلام ممكن احجي يكول اني مو بحالج واكو غيرج هواي ومن اعوفه يرجع يتعذر ويحاول يراضيني واني مااحقد بس ماانسه كل الكلام الي كاله لسه اتذكره حرف حرف وهالشي ممكن خلاني مااحبه مثل قبل وبلشت اكرهه بس كلامه المعسول يلين گلبي
وره فتره آيات راحت كالت لبيبيتها الي تصير خالة امي بأنو اختي غفران مرتبطه ونور مرتبطه وساره جانت تحب وفضحت الكل حرفياً وامي عرفت وصارت مشاكل كلش وماما ومرت خالي وام نور جانو خايفين الزلم يعرفون ويكتلوهم لان تعرفون العراقيين بأختصار يعتبرون البنت عار لو ارتبطت "عقليات جاهله" امي ضربت اختي واخذتها تحجي وياها وكل وحده لزمت بنتها ترزل بيها ونور انضربت لان جانت مرتبطه مع انو هو ابن خالتها وتقدملها ورفضو بسبب انه كان خاطب سابقاً وفاسخ خطوبته قبل أيام من الزواج ولحد الأن نور وامير واحد هاوي الثاني بس ماكو نصيب
ساره امها ماحجت شي غير طلعت الصوج بخواتي وبنور وهي طلعت من الموضوع مثل شعره من العجين
ماريانا: بالنسبه الي جنت مجرد متفرجه لان متدخلت بشي يخصهم بس امي كالت حالها من حالهم ماطول يكعدون سوه بس ماهتميت لان اصلا ماكو شي غلط عني
أم امير جانت تعرف بأختي مرتبطه ويه صديق أمير وكذلك أمير يدري وهو كايل الأمه يدرون من زمان بس ماحجو علمود لتصير مشاكل طبعاً الولد مرتضى جان علاقته ويه امير مو مجرد صداقه لا علاقه عائليه وكذا لذلك حاجيله وبعد فتره انتهى كلشي بين نور وأمير وبين غفران ومرتضى
بعد مده اجو بيت خالتي البيت جدي وكلنه چنه مجتمعين بس احنه البنات والولد وحد والكبار وحد
فرس: "بأبتسامه" هذا منو
غفران: شنو منو
فرس: متعرفين هذا منو
ماريانا: *يقصد مرتضى*
غفران: لا ماعرفه
ماريانا:
ضحك ضحكه خبيثه ورجع لمكانه وره شويه صار نقاش عن المدارس اردف فرس
فرس: غفران انتي بأي مدرسه
غفران: ال*****
فرس: اهاا هاي الي بصف مدرستي
غفران: ايي
فرس: خرب شلون بنات بيها مره طلعنه من الدوام ف رحنه للحديقه الي بصف المدرسه شفنه مجموعه بنات تقريباً 5 هيج جانن كلهن باد بوي ولابسات حجاب من شافونه دخلنه للحديقه نزعو حجابهم وكلهم جان شعرهم بوي اني كلت الأصدقائي بسرعه خلي نفلت وعفنه وطلعنه
