البارت #6
بقلمي: زهراء علي
شالوك حتى مِن الحلم
وحلمك يجيني بلا صور
وبلا خلگ
ولمن أفز يبچي الحلم
وأثنينا إعلى الراس نتگابل ندگ
رادوني ما أشوفك ابد
ويا حال مِن بعدك صرت
غصن وخَذوني مِن الشجر
وذبوني يم نار الهجر
واليوم باچر احترگ
*******************
"ماريانا"
صح من چنه صغار ميانه بس من تحجبت من عنده ماصار شقه بيناتنه مثل قبل يعني اغلب شي نكعد كل واحد على تلفونه بهالفتره نزلت الأنستا وضليت هوايي ادور على حسابه دورت بمتابعين ابو وعمه وعمته بس مالكيت بهالوقت هم نزلت البوبجي وجان عندي حساب ولد خوالي وفرس هم جان عنده بس استحيت اطلب منه فد يوم اجو يمنه خالتي وابنها صغير محمد (اخو فرس) جابلي تلفون امه علمود اصادقه بالبوبجي ونلعب عمره 9 سنين اخذت الآيدي ولكيته مصادق اخو باللعبه اخذت الآيدي مال فرس هم وره كم يوم فرس قبل الطلب بس ماصارتلنه فرصه نلعب لان لمن افتح يكون مموجود ولمن هو يفتح اكون مموجوده
وراها رحنه لبيت جدي وهناك التقينه
فرس: انتي دازتلي طلب بالبوبجي؟
ماريانا: ايي اني شمدريك
فرس: مو اكول شايف هذا الحساب
ماريانا: وين شايفه احنه مالاعبين قبل
فرس: شايفه بتلفون علي "ابن خالي"
ماريانا: اهاا اوكي
وره فتره فتحنه سوه هو دزلي دعوه وافقت ف هو مراسلني واني ممنتبها دخلنه كيم من طلعنه دخلت لكيته مراسلني كاتب
فرس: ليش مالابسه ملابس "باللعبه"
فرس: شوف الثوله متدري مراسلها
ماريانا: منيه ثوله ولك بعدين واذا مالابسه قابل منو شايفني هو بس اني وياك
فرس: لا محد داخل بس 100 واحد شافج
ماريانا: وهم شمدريهم بنيه
فرس: اكو ولد يلبس *****
ماريانا: انجب شهالحجي وقصدي اكو هواي ولد يدخلون ب سكن بنيه
فرس: بدلي ملابسج وادخلي
ماريانا: ميحتاج راح اغير لسكن ولد
فرس: بعد احسن
ماريانا:
وراها ضلينه بس نسولف وحجالي الأول وتالي مابقه سر ببطنه
اني اعرفه ابو بنات وهو هم كضاها يحجي على البنات الي تعرف عليهن وطلعت وحده من الي متعرف عليهن بمدرستي ف رحت سألت عنها طلعت بالأعداديه هالسنه وهيه جانت مطلقه وعندها طفل وبيها حاله نفسيه يعني ماكو شغله طايح حظها ممسويتها حتى نراكيل تجيب للمدرسه
بعدها كال اريد حساب الأنستا مالتج كلتله ماعندي كال هيه مال كلاوات شايفج تكلبين بالأكسبلور كتله غلطان ماعندي
بعدين راد حساب وحده من صديقاتي مال انستا انطيته اله كال مو كلتي ماعندي كمت اضحك ضاج لان جذبت عود انطيته الحساب وكمنه نحجي بالأنستا
بهالفتره صارت بينه ميانه بس هو هواي هواي يفشر واني ازعل ويرجع يراضيني ومكضيها هيج طبعاً بعده مرتبط بنجلاء لحد هاللحظه بس بما انو متعرفين بالتلفون وعالنت ف مأمنه من سابع المستحيلات يتزوجون او حتى اذا رادها ابو ممكن ميقبل وهيه لو ماليه عينه ميدور بنات غيرها لذلك ماشاغله بالي هواي اعرف نهايتهم شنو
مره جنت ناشره مقطع على اغنيه "كنت اتعمد النضره" رد على الستوري وكلي
فرس: مقصوده
ماريانا: لاا
فرس: متأكده "وغمزلي"
ماريانا: ايي
وراهه ضلينه نحجي كالعاده بوكتها سألته
ماريانا: شوكت تزوج؟
فرس: من تكبرين
ماريانا: شعليه اني؟
فرس: انتي ام الجهال
ماريانا: ضحكت وكتله امك متاخذ كرايب
فرس: قابل اني راح اتزوجج لو امي؟
ماريانا: وحبيبتك؟
فرس: ** امج و ** ام حبيبتي
ماريانا: لتفشر وبعدين منو كلك اني راح اقبل بيك؟
فرس: نكته عجبتني ههههههههه
ماريانا: شبيك
فرس: سلامتج عمري
فد يوم رحنه لبيت جدي وهمه هم اجو بس ماحجه شي بموضوع محادثاتنه ولا بين بالعكس طبيعي مثل دائماً سلمت عالكل بيومها جنت مريضه مصخنه وروحي طالعه ف جنت عازله نفسي ابد ماكعد يم احد يعني كاعده بآخر الاستقبال وهم ببدايته ماختلطت بيهم بيومها چنه احنه وبيت خالتي نبات بيت جدي جانت امي تسرح شعر خالتي بالحديقه واحنه بالبيت جانت ساعه 3 بليل تقريباً كلها نامت هبه وفرس وبيبي وصار البيت اظلم وهدوء اني كل مره انام على القنفه بيت جدي هو نام على جهه من القنفه اني نمت فوك راسه بس حطيت مسافه بيناتنه وححابي بقه على راسي بس فتحته بدون دنبوس هو نام وجان السبلت مشتغل ردت اكوم اغطي بس خفت لايحس ويشك كلت فشله ف عفته ونمت ثاني يوم كعدت لكيتهم رايحين وره يومين هو راسلني
فرس: هلا
ماريانا: هلا بيك
فرس: شلونج
ماريانا: تمام الحمدلله وانت؟
فرس: دوم
ماريانا: ايامك
ضلينه نحجي وكلي انو بايسني واني نايمه بدون مااحس للصراحه صح احبه بس مقبلت على هالتصرف وتعاركنه وكال راح احذف حسابي ومااعترضت بعدين رجع ابحساب واعتذر وتصالحنه
«««««««««»»»»»»»»»
راح انهي هذا البارت صح قصير بس اريد انزل محادثات بينهم بالبارت الجاي بس لازم اتأكد من شغله ف ممكن يطول البارت الجاي 🩷
لاتنسون التصويت + متابعه للحساب 🦋
