البارت #10
بقلمي: زهراء علي
آنـا العـايش على عيونك
آنـا المـا يدري وين يروح من دونك .
__________________
ماريانا: چنه مجتمعين كلنه جان بوكتها قريب محرم باقيله أيام فقط مجتمعين بيت جدي خوالي ثنين وزوجاتهم واطفالهم وخالاتي ثنين وولدهم وبناتهم واحنه
أحمد (خال ماريانا): شنو رأيكم نحجز منتجع اكو ب ***** اسمه ال**** بس مسبح جبير 7 امتار الطول (اعتقد) والعمق متر ونص وبي مراجيح واشجار وكعده عربيه وكعده عاديه ومطبخ وغرفه
كلنه اردفنه: اييييي واخيراا لكينه طلعه
أحمد: راح احجزلكم والفلوس ***
ماريانا: كلنه وافقنه خابر وحجز بيوم وفاة الامام العباس (ع) للصراحه شويه ضجنه لان يتأخر لمحرم ومنكدر نشغل اغاني ونتونس بس وافقنه اهم شي نطلع
يوم 6 بمحرم
نور: البسو اسود علمود جسمكم ميبين من تدخلون للمي لأن الزلم هم يمكن يدخلون ويانه بس نبقه بحجابنه او يمكن يطلعون الزلم وندخل لسه مندري
ماريانا: ماما احنه منعرف نسبح وعمق المسبح اكبر من عدنه يعني نغرك
نور: ماادري يمكن اكو نجادات كالو نروح ونشوف
ماريانا: تمامم
كمت بدلت وحيل متحمسه ماما ماقبلت اله البس عبايه مع انو اني ماالبس بالعاده وخواتي الاكبر مني مالبسوا للصراحه ضجت بس حقهم لان جان لبسي مو طويل وكذا ف لبست عبايه وكلت هناك انزعها
طبعاً المنتجع ينحجز فقط للعائله محد يدخل بي غيرنه
خلصنه ورحنه لبيت جدي اجتمعنه وتفرقنه بالسيارات اني واهلي رحنه بسيارتنه وفرس وخالتي راحو ويه خالي احمد وخالي عماد هم راح ويه خالي أحمد لان سيارته كبيره وخالتي الصغيره راحت ويه زوجها بسيارته كلنه اتجهنه سوه وصلنه ودخلو السيارات داخل المنتجع وغلقو وانطونه المفتاح حجزنه من ساعه ب 4 العصر لل 10 بليل اول ماوصلو راحو الزلم بدلو ودخلو للمسبح شويه شويه كلمن سحب جهاله ومرته لان محد يعرف يسبح بس الزلم
اني عني مادخلت لان جنت خايفه وهم متعاجزه ابدل واستحي ادخل لأن للصراحه اكره رجل خالتي وماريد اختلط ويا مع انو هو كلش حباب وممأذيني بس دائما يضل يتغزل بيه اني اتقبل الغزل من الكل اله منه ماعرف السبب بس اسايسه
علي: ماريانا تعاي ادخلي
ماريانا: لااا ابد اخاف
علي: اني الزمج لتخافين
ماريانا: بسرعه سحبت رجلي لان راد يجرني
ماريانا: ماا اخاف
خالو احمد اجه راد يشيلني كبل طفرت كام يضحك لحد مااخر شي قنعني بابا لزمني ونزلني
علي: تريدين تلمسين الكاع حتى تعرفين العمق وتروحين براحتج؟
